ዝኸበርክንን ዝኸበርኩምን ኣዳለውቲ ፈስቲቫል 2014ኣርዓዶም በርሀ
ብዛዕባ ሓደ ዓብይ ንብዙሓት ዝምልከት ዕማም ክንሓስብ ወይ ክንሻቐል እንከለና፡ ክንጥንቀቐሉ ካብ ዝግበኣና ብዙሕ ጉዳያት እቲ ሓደ “እታ ሓቂ ወይ መዋጸኦ ምሳይ ጥራይ እያ ዘለና” ኢልና ከይንድምድም እሞ በበይንና ከይንተሓላለው እዩ። ኣብዚ እዋንዚ ንሕና ኤርትራውያን ሓደ ዓብይ ኣይኮነንዶ በበይንና “ሓቢርና’ኳ እንተኽኢልናዮ” ዘብል ኣሰካፊ ዋኒን ምድሓን ህዝብን ሃገርን ኣለና። ካብዚ ንኹልና ዘሰክፈና ዘሎ መከረ ንምውጻእ ፍልልይ ሃይማኖትና፡ ቋንቋና፡ ከባቢያዊ መበቆልናን ፖለቲካዊ እምንቶናን ብዘየገድስ ናይ ኩላትና ናይ ሓባር ሓሳብ፡ ጉልበትን ንዋትን ኣበርክቶ ዝሓትት እዩ። ናይዚ ኣበሃህላ’ዚ ሓጺር መልእኽቲ ብመትከል እንካን-ሃባን እንዳ ተመላላእካ ክሳብ እቲ መዋጸኦ ዝርከብ ብሓባር ንቕድሚት ምድፋእ ዝብል እዩ።
ሰፊሕ በዓል ኤርትራ 2014 ኣብ ፍራንክፎርት ጀርመን ብሙውቕ ትሕዝቶን ኣድማዒ ዓውደ ልዝብን ተጀሚሩ
Tuesday, 26 August 2014 12:48 Written byብድራር መንታይ
‘ጸላኢ ጸሎሎ ቀባኢ’ ዝብሃል ምስላ ኣበው ብሓቂ ነት ነዘን ዝስዕባ ሕቶታት ኣብ መርበብ ሓበረታ መስከረም ነት ኣብ ናይ ዕለት 07-08-2014 ዘቕረበ ዝምልከት ኣንቢበ። እተን ሕቶታት ዋነአን መን ምዃኑ እኳ እንተዘይተገልጸ፡ መስከረም ነት ዝሕተተሉ ኢዩ ክኸውን። ብዝኾነ ኣብተን ሕቶታት ክወስደኩም እሞ ነፍሲ ወከፍ ኣንባባይ ነናቱ ትዕዝብትን ሚዛንን ከንብርን ንሃገርናን ህዝብናን ዝድሕነሉ እውን ሓሳብ ከሕድር ይኽእል ይኸውን። እተን ሕቶታት ብኸምዚ ዝስዕብ ኢየን ተር ኢለን ተጠቒሰን ዘለዋ።’’ ሰልፊ ዲሞክራሲ ህዝቢ ኤርትራ ንመድረኽ ናብ ኢትዮጵያ ንምእታው ዲዩ? እዚ ኹሉ ፈስቲቫል ፍራንክፈርት ? ነዚ ኣስደማሚ መፈንጥራ ባይታ ንምፍጣር? ዓቢ ትጽቢት ተገይሩሉ ዘሎ ቦሎኛ 2014 ንምምካን? ሎምስ መን ኢዩ ሰልፊ ዲሞክራሲ ህዝቢ ኤርትራ ኢልካ ምሕታት ግዚኡ ዝኣኸለ ይመስል፡ ብማለት ‘መን ኢዩ ሰልፊ ዲሞክራሲ ህዝቢ ኤርትራ ብዝብል ኢዩ ሕቶኡ ደምዲሙ።
ኣርዓዶም በርሀ
ብሓፈሻ ኣብ ኤርትራዊ ብፍላይ ድማ ኣብ ናይ ደንበ ተቓውሞና ፖለቲካዊ ጉዕዞ በብግዜኡ ዝዝውተሩ፡ ብመልክዕ፡ ጉባአ፡ ኣኼባ መሪሕነታት፡ ሰላማዊ ሰልፍታትን ተራ ኣኼባታትን ዝግለጹ መድረኻት ምፍጣሮም ኣዝዩ ዝተለምደ እዩ። እዞም ፖለቲካዊ ኣጋጣሚታት እዚኣቶም ክንድቲ ምብዘሖምዶ ውጽኢት ይህልዎም ወይስ ገበርና ንምባል ጥራይ ዝፍጠሩ ፍረ ኣልቦ መድረኻት እዮም? ዝብል ሕቶ ኣቕሪብካ ክትምልስ እንከለኻ ግና እቲ ዝርዝር ናይቲ መልሲ ኣዝዩ ዘዘራርብ ጥራይ ዘይኮነስ ዘተዓዛዝብ እውን እዩ። ከምቲ ግቡእ ካብዞም ዝጠቐስኩዎም ኣጋጣሚታት ሓደ ክድኮን እንከሎ ብፍላይ ድማ ጉባአታትን ናይ መሪሕነታት ኣኼባታትን ክጋባእ እንከሎ ንስለ ምግባር ጥራይ ክኸውን ኣይመተገብአን። ናይ ሓደ ፖለቲካዊ ውድብ ወይ ማሕበር ጉባአ ኣብ ክከንድዚ ዓመት ክግበር ኣለዎ ስለ ዝተባህለ ጥራይ ዝጋባእ ክኸውን ኣይግበኦን። ናይ ሓደ መሪሕነት ኣኼባ እውን ከምኡ “ኣብ ክከንድዚ ኣዋርሕ ክግበር ይግበኦ” ዝብል ዓንቀጽ ኣብ ውሽጣዊ ሕጉ ስለ ዘሎ ጥራይ ዝጽንበል እንተደኣ ኮይኑ፡ ልሙድ መዓልቲ ቆጺርካ ዝካየድ ዝኽሪ ጥራይ ኮይኑ እዩ ዝተርፍ።
