http://ascenteq.com/project/epdp

ማእከላይ ባይቶ ሰልፊ ዲሞክራሲ ህዝቢ ኤርትራ፡ ብተኸታታሊ ከካይዶ ንዝጸንሐ 7ይ ዓመታዊ ስሩዕ ኣኼባኡ ብ18 መስከረም 2016 ዛዚሙ። ማእከላይ ባይቶ ኣብ ኣኼባኡ ናይ ኩለን ኣብያተ ጽሕፈት ፈጻሚ ሽማግለ ጸብጻባት ብጽሞና ሰሚዑ፡ ምስቲ ቅድሚ ዓመት ተሊመንኦ ዝነበራ መደባት ብምንጽጻር ድማ: ኣድላዪ ክትዓትን ዝርርብን ድሕሪ ምክያድን ንዝቐረበሉ ጸብጻባት ኣድላዪ ምትዕርራያት ድሕሪ ምግባርን ከም ሕጋዊ ሰነድ ሰልፊ ኣጽዲቕዎን ናብ ህዝብን ኣባላት ሰልፍን ክዝርጋሕ ወሲኑን። ኣብዚ ጸብጻብ ተመርኲሱ ድማ ብዛዕባ ኣገደስቲ ሰልፋዊ ውሽጣዊ ኩነታትን ኤርትራውን ከባቢያውን ሃለዋትን መዚኑን ኣገደስቲ ውሳኔታት ኣሕሊፉን።

ኣኼባ ኣብ ልዕሊ’ቲ ንጥፈታት ነፍሲ ወከፍ ቤ/ጽ፡ ኣብ ሚዛኑ ቆላሕታ ካብ ዝሃቦም ዛዕባታት ሓደ፡ ህልዊ ኩነታት ኤርትራ ኮይኑ፡ ኣብዚ እዋን’ዚ ኩነታት ሃገርናን ህዝብናን ኣብ ትሕቲ ኣርዑት መላኺ ጉጅለ ህግደፍ ዝነብሮ ዘሎ ኣሰቃቒ ሃለዋት፤ ጌና ህጹጽ ፍታሕ ዘድልዮ ምዃኑ ኣስሚርሉ። ምስዚ ብምትሕሓዝ ምስቲ ኣብ ኤርትራ ዘሎ ኩነታት እንዳገደደ ምኻዱ ኤርትራውያን ናይ ለውጢ ሓይልታትን ማሕበረ-ሰብ ዓለምን ነቲ ጉጅለ ህግደፍ ሓቢእዎ ክኸይድ ዝጸንሐን ዝደልን ገበናት፡ ብፍላይ ኣብ ግህሰት ሰብኣዊ መሰላት፡ ኣብ ምቅላዕ ዝጻወትዎ ዘለዉ ግደ ተስፋ ዝህብን ክሳብ ዓወት ክድፈኣሉ ዝግበኦን ምዃኑ ባይቶ መዚኑ።

ብመንጽር እቲ ህጹጽ ፍታሕ ዘድልዮ ኤርትራዊ ኩነታት፡ ናይ ለውጢ ሓይልታት ከምቲ ትጽቢት ዝተነብረሎም ክኾኑ ዘይምኽኣሎም’ውን ኣኼባ ተገንዚቡ። ካብዚ ንምውጻእ ሰልፍና ኩሎም ናይ ለውጢ ሓይልታት ፍልልያቶም ኣመሓዲሮም፡ ኣብቲ ዘሰማምዖም ብሓባር ዝስለፍሉ ኩነታት ንምጥጣሕ ሰዲህኤ ትጽቢት ዝግበረሉ ዕማም ንምፍጻም ክጽዕት ምዃኑ ወሲኑ። ምስዚ ብምትሕሓዝ ድማ፡ ማእከላይ ባይቶ፡ ንኹሎም ኤርትራውያን ፖለቲካዊ ሰልፍታት፡ ውድባት፡ በርገሳውያን ማሕበራትን ግዱሳት ውልቀሰባትን፡ ኣንጻር መላኺ ኣተሓሳስባ ህግደፍ ኣብ ዝካየድ ቃልሲ ነናቶም ኣበርክቶ ከወፍዩን ይገብርዎ ንዘለዉ ጻዕሪ ቀጻሊ ንክኸውን ጸዊዑ።

ማእከላይ ባይቶ፡ ብመሰረት’ቲ ንሓፈሻዊ ኩነታት ሃገርናን ከባቢናን ብዝምልከት ዝበጽሖ ገምጋም፡ ረብሓ ህዝብና ብከባቢያዊ ርግኣት ዝረጋገጽ ክነሱ፡ እቲ ስርዓት ህግደፍ ብዘይኣፍልጦ ህዝብን ቅዋማዊ መወከስን ዝገብሮ ዝምድናታት ሓደገኛ ምዃኑ ገምጋሙ ብምሕዳስ:፡ እቲ መሰረታዊ ፍታሕ ህዝቢ ዝፈልጦን ብተሳትፎ ናይ ኩሎም ደለይቲ ለውጢ ጻዕርን ቃልስን ዝረጋገጽ ምዃኑ ይኣምን። ነዚ ንምትግባር ከኣ ዝተወሃሃደ ሓባራዊ ቃልሲ ናይ ኩሉ ደላይ ለውጢ ወሳኒ ስለዝዀነ፡ ሰልፊ ዲሞክራሲ ህዝቢ ኤርትራ፡ ኩሉ ዝከኣሎ ከበርክት ምዃኑ ደጊሙ ኣረጋጊጹ። ሓይልታት ምክልኻል ኤርትራን ኣብ ውሽጢ ይኹን ኣብ ወጻኢ ምስ ስርዓት ህግደፍ ዝስለፉን ዝደናገጹን ዘለዉ ወገናትና፡ ረብሓኦም ምስ ረብሓ ህዝቢ እምበር፡ ምስ ጉጅለ ኢሳያስ ከምዘይኮነ ተገንዚቦም፡ መሳርሒ እቲ ጉጅለ ዘይኮነስ: ዋልታ ህዝቦም ንክኾኑ ባይቶ ተማሕጺኑ።

7ይ ስሩዕ ኣኼባ ባይቶ፡ ኣብ ኢትዮጵያ ዝረአ ዘሎ ተረኽቦታት ብዝምልከት ድሕሪ ምዝርራብ፡ ኣብ ዞና ቀርኒ ኣፍሪቃ ብሓፈሻ፡ ኣብ ኤርትራ ድማ ብፍላይ ዘለዎ ጽልዋ ኣብ ግምት ብምእታው፤ መንግስትን ህዝብን ኢትዮጵያ፡ ነቲ ኣብ ሃገሮም ዝረኤ ዘሎ ምዕብልናታት፡ ኣብ ኢትዮጵያ ሰላምን ርግኣትን ከስፍንን ከባቢያዊ ርግኣት ከውሕስን ብዘኽእል ሰላማውን ዲሞክራስያውን ኣገባብ ክፈትሕዎ ትጽቢቱ ምዃኑ መዚኑ፡፡

ኣብዚ እዋን’ዚ ኤርትራውያን ኣብ ሃገሮም፡ ኣብ ስደት ኮነ ኣብ ጉዕዞ ናብ ስደት ኣብ ዝተፈላለዩ ኩርነዓት ዓለምና ንዝጋጥሞም ዘሎ ዘስካሕክሕ ኩነታት ንምስዓር ሓያል ቃልሲ ከም ዝሓትት ኣኼባ ማእከላይ ባይቶ መዚኑ። ምስ'ዚ ብዝተተሓሓዘ፡ ኤርትራውያን መንእሰያት ኣብ ገዛእ ሃገሮም ብሰንኪ ደረት ዘይብሉ “ሃገራዊ ኣገልግሎት” ዝጉልባቡ ባርነት፥ ከምኡ'ውን፥ ፖለቲካውን ሰብኣውን ጸገማትን ተደሪኾም፡ ናብ’ቲ መሰረታዊ ፍታሕ ዘይኰነ ስደት ኣብ ዘምርሕሉ እዋን ግዳይ ዝተፈላለየ ጸገማት ዝዀንሉ ዘለዉ ኵነታት ንምፍታሕ ምስ ኩሎም ዝምልከቶም ኣካላት ብምትሕብባር ከም ወትሩ ክሰርሕ ሰልፍና ቅሩብ ምዃኑ ኣኼባ ማእከላይ ባይቶ ኣረጋጊጹ። መንእሰያት ከምቲ ጀሚረምዎ ዘለዉ ቀንዲ ኣካል ናይቲ ፍታሕ ክኾኑ ከኣ ጸዊዑ።

ማእከላይ ባይቶ፥ ኣገዳሲ ዳህሳስ የድልዮም’ዩ ንዝበሎም ጉዳያት ዘጽንዓ ሽማግለታት መዚዙ። ብመሰረት ቅዋም ሰልፊ ዘሰከሞ ሓላፍነት፡ ንባይቶን ፈጻሚት ሽማግለን ዝመርሕ ኣቦ-መንበርን ኣባላት ፈጻሚ ሽማግለን ብደሞክራሲያዊ መንገዲ መሪጹ። ብዘይካዚ ኣኼባ ባይቶ ንፈጻሚ ሽማግለ መምርሕን ለበዋታትን ከቕርብ እንከሎ፡ ኣባላት ሰልፍን ደገፍቱን ቀጻልነትን ሓያልነትን ሰልፊ ንምርግጋጽ ከካይድዎ ንዝጸንሑ ቃልሲ ኣመጒሱ ንመጻኢ’ውን ጻዕሮም ክሳብ ዓወት ክቕጽልዎ ጸዊዑ።

ኣብ መወዳእታ ድማ፥ ነቶም ብኮሚሽን ምርመራ ሰብኣዊ መሰላት ሕቡራት ሃገራት ዝተለለዩ ግህሰታት ሰብኣዊ መሰላት፡ እንተላይ እቶም ብገበን ኣንጻር ሰብኣውነት ከኽስሱ ዝኽእሉ ጸብጻባትን ለበዋታትን ግቡእ ምክትታል ክግበረሎምን ነቶም ፈጸምቶም ድማ ናብ ሕጊ ንምቕራብ ባይቶ ሰብኣዊ መሰላት ሕቡራት ሃገራት ዝገበሮ ምሕጽንታ ብምዝካር፡ 7ይ ኣኼባ ማእከላይ ባይቶ ደገፉ ገሊጹ። ብፍላይ ከኣ ሕብረት ኣፍሪቃ ብመሰረት ውሳኔ ባይቶ ሰብኣዊ መሰላት ነቲ ን25 ዓመታት ኣብ ኤርትራ ክግሃድ ዝጸንሐ ከቢድ ግህሰታት ሰብኣዊ መሰላት ፍትሓዊ መደምደምታ ክረኽበሉ ማእከላይ ባይቶ ሰዲህኤ ብትሪ ተማሕጺኑ።  

ማእከላይ ባይቶ ሰደህኤ

18 መስከረም 2016

For several years now, hardly a week passes without the Swiss press covering Eritrea in the German, French and Italian dailies or weeklies. Yesterday, 19 September, was the turn of the Tribune de Genève 2 to write an Eritrea-related story involving the Swiss Parliament's Commission on Administration whose deliberations, always kept confidential, were on how negotiations with the Asmara regime could be realized on the basis of the 13 September decision of the 200-member Swiss National Council (lower house).

Proposed by the right-wing Liberal Radical party, the decision of the National Council, which still requires action by the senate (the Council of States) intends to start negotiations with the Eritrean regime. The aim is for Switzerland to provide funds for "development projects" in Eritrea if the regime agrees 1) to respect human rights by taking concrete measures like allowing visitations to prisoners in the country, and 2) readmit international organizations to work in Eritrea.

The Tribute de Genève reporter speculated that the administrative commission could have discussed not only how the difficult negotiations with Eritrea could be handled but also on what could be done with Eritrean asylum seekers who are refused political protection Switzerland. It said many of them can be returned to Eritrea, and those allowed to stay in Switzerland would be able to travel out only after notifying to Swiss authorities their destinations.

However, it is widely reported that the Swiss minister for foreign affairs, Mr. Didier Burkhalter, affirming that there is no hope of succeeding in any negotiation with the Asmara regime based on the conditions decided by the Swiss parliament.    

ንነዊሕ ግዜ ኣብቲ ብዝተፈላለዩ ቋንቋታት ዝሕተም፡  መዓልታዊ ኮነ ሰሙናዊ  ሕትመታቱ  ብዛዕባ ኤርትራ ምጥቅስ ኣቋሪጹ ዝነበረ ናይ ስዊስ ፕረስ ኣብ  ናይ 19 መስከረም 2016  ሕታም ጀነቫ ትሪቡን ንኤርትራ ዝምልከት ጽሑፍ ኣውጺኡ። ኣብዚ ጽሑፉ እቲ ዘተኡ ብምስጢር ዝተሓዝ  ምምሕዳራዊ ኮሚሽን  ፓርላማ ስዊስ፡ ብመሰረት ናይ 13 መስከረም  ናይቲ 200 ኣባላት ዘለዉዎ ሃገራዊ ባይቶ ስዊስ ውሳነ ምስ መንግስቲ ኤርትራ ዝግበር ዘተ ብኸመይ ከም ዝተሓዝ ዝምልከት እዩ።

ፓርላማ ስዊስ ተረርቲ ቅድመ ኩነት ብምቕራብ ምስ መንግስቲ ኤርትራ ክዛተ መደብ ኣለዎ

ሕሉፍ የማናዊ ዓቃባዊ  ሰልፊ ብዝኣመሞ ውሳነ ሃገራዊ ባይቶ፡ እንተኾነ ብናይታ ሃገር ሰኔት ክጸድቕ ብዝግበኦ መደብ መሰረት ምስ መንግስቲ ኤርትራ ናይ ምዝታይ መደብ ኣሎ። ዕላማ ናይቲ ዘተ መንግስቲ ኤርትራ እንተደኣ፡ 1) ክሳብ ምብጻሕ እሱራት ኣብ ኤርትራ ዘጠቓልል ሰብኣዊ መሰል ኣኽብር ዕቱብ ስጉምቲ ወሲዱ። 2) ዓለም ለኻዊ ትካላት ኣብ ኤርትራ ክሰርሓ ምፍቃድ ዝብሉ፡ ቅድመ-ኩነታት ተቐቢሉ ንናይ ልምዓት መደባት ዝውዕል ገንዘባዊ ሓገዝ ንምፍቃድ እዩ።

ናይ ትሪቡን ደጀነቨ ሪፖርተር፡ እቲ ምምሕዳራዊ ኮሚሽን ብዛዕባቲ ኣጸጋሚ ርክብ ምስ መንግስቲ ኤርትራ ከመይ ከም ዝተሓዝ ጥራይ ዘይኮነ፡ ብዛዕባቶም ኣብ ስዊዘርላንድ ፖለቲካዊ ዕቑባ ሓቲቶም ተኸሊኦም ዘለዉ ስደተኛታት’ውን ተዛሪቡ ከም ዝኸውን ግምቱ ግምቱ ገሊኡ ኣሎ። ኣቲ ንስደተኛታት ኣብ ዝምልከት ተዘትይሉ ይኸውን ዝተባህለ ጉዳይ፡ መብዛሕትኦም ስደተኛታት ናብ ኤርትራ ክምለሱ፡ እቶም ኣብ ስዊዘርላንድ ክጸንሑ ዝተፈቕደሎም ድማ ክገሹ እንከለዉ ኣቐዲሙም ናበይ ከም ዝኸዱ ንሰበስልጣን ናይታ ሃገር ከፍልጡ ዝብል እዩ።

ምስዚ ኩሉ ግና ናይ ስዊስ ሚኒስተር ወጻኢ ጉዳይ  ኣቶ ዲደር ቡርክሃልተር ብመሰረ’ቲ ናይ ስዊስ ፓርላማ ኣቕሪብዎ ዘሎ ቅድመ-ኩነት ምስ መንግስቲ ኤርትራ ኣብ ስምምዕ ክብጽሕ ከምዘይክእል ከም ዘረጋገጹ ብሰፊሑ ዝግለጽ ዘሎ እዩ።

18 መስከረም 2011፡ ምልካዊ ስርዓት ኢሳያስ፡ ነቲ ኣብ ኣመሪካ ብ11 መስከረም 2011 እተወስደ ናይ ራዕዲ ተግባር ዝፈጠሮ ሕንፍሽፍሽ ተጐልቢቡ፡ ዓለም ኣቓልቦኣ ኣብ ካልእ እንከሎ፡ ነቶም ቅዋም ኣብ ግብሪ ክውዕልን ግዝኣተ-ሕጊ ክነግስን ዝጠለቡ 15 ኣባላት ማእከላይ ባይቶ ህግዲፍን ነቲ ተረኽቦታት ዘቃልሑ ጋዜጠኛታትን ኣብ ቀይዲ ዘእተወላ ጸላም ዕለት ኢያ። ስርዓት ኢሳያስ፡ ነዚ ስጕምቲ’ዚ ክወስድ እንከሎ፡ ብሓደ እምኒ ብዙሓት ኣዕዋፍ ምቕታል ዝብል ምስላ ተተርኢሱ ምዃኑ ንምርዳእ ዘጸግም ኣይኰነን።

እቲ ምስ ኢትዮጵያ ዝተባርዐ ናይ ዶብ ውግእ፡ ብውሳኔ ባይቶ ኤርትራ ወይ ካቢነ ኤርትራ ዘይኰነስ ብውሳኔ ፕረሲደንት ኢሳያስ ምንባሩ ሎሚ ናይ ኣደባባይ ምስጢር ኰይኑ ኢዩ። ኮሚሽን ዶባት ኤርትራን ኢትዮጵያን እንተዀነ እውን፡ ሓላፍነት ናይ ውግእ ምብራዕ ንስርዓት ኢሳያስ ኢዩ ኣሰኪምዎ። ከምኡ’ውን ስርዓት ኢሳያስ፡ ነቲ ብመንግስቲ ኣመሪካን ሩዋንዳን ይኹን ብሕብረት ኣፍሪቃ ዝቐረበሉ ናይ ዕርቂ እማመ ተሓሲሙ፡ ኣብ ውግእ ምስ ተሳዕረ ኢዩ ነቲ ናይ ኣልጀርስ ዕርቂ ክቕበል ዝተገደደ። ነዚ ፍሽለት’ዚ ንምሽፋን ኢዩ እምበኣር ፕረሲደንት ኢሳያስ፡ ነቶም ናብ ስልጣን ዘብጽሕዎ ናይ ቃልሲ ብጾቱ ብኽሕደት ክኸሶም ዝወሰነ። ብዙሓት ግሩሃት እውን በዚ ኣበሃህላ’ዚ ተደናጊሮም ኢዮም።

ብኻልእ ሸነኽ፡ ነዞም ቅዋም ክትግበርን ግዝኣተ-ሕጊ ክነግስን ዝሓተቱ ብጾቱ፡ ውዒሎም ሓዲሮም ንስልጣነይ ሓደጋ ክዀኑ ኢዮም ካብ ዝብል ስግኣት ተበጊሱ፡ ኣብ ትሕቲ ቀይዲ ከምዝኣትዉ ገይሩ። ኣብ ትሕቲ ቀይዲ ካብ ዝኣተዉሉ ዕለት ኣትሒዞም ክሳብ ሎሚ፡ 15 ዓመታት ማለት ኢዩ፡ ብዘይ ክስን ብዘይ ፍርድን ኣብ ማእሰርቲ ከምዝበልዩን ከምዝሞቱን ዝገብር ዘሎ ስርዓት ኢዩ። ቤተ-ሰቦም፡ ጠበቓታቶምን ናይ ሰብኣዊ መሰላት ተጣበቕትን ክርእይዎምን ክረኽብዎምን እውን ኣይፈቅደን ኢዩ። ኣብ ርእስ’ዚ፡ ብሃይማኖታዊ ይኹን ፖለቲካዊ እምነቶም ኣብ ማእሰርቲ ዝርከቡ በሽሓት ዝቝጽሩ ኤርትራውያን ኣለዉ።

ሰልፊ ዲሞክራሲ ህዝቢ ኤርትራ፡ በዚ ኣጋጣሚ’ዚ፡ ኵሎም ናይ ፖለቲካን ናይ ሕልናን እሱራት ብዘይ ውዓል ሕደር ክፍትሑ ይጽውዕ።

ኮሚሽን ሕቡራት ሰብኣዊ መሰላት ኤርትራ፡ ንዘቕረቦ ጸብጻብ ደገፉን ናእዳኡን ይገልጽ። ባይቶ ሰብኣዊ መሰላት ሕቡራት ሃገራት ነዚ ሒዝዎ ዘሎ ዕማም ኣብ መፈጸምታኡ ንኸብጽሖ ከይተሓለለ ክሰርሕ ድማ ይምሕጸን።

እቶም ብዝተፈላለየ ምስምስ ምስ’ዚ ስርዓት’ዚ ዝተሓባበሩ ዘለዉ ኤርትራውያን ይኹኑ ወጻእተኛታት፡ ንውሳኔታቶም ዳግማይ ርእይቶ ክገብርሉን ኣብ ጐድኒ ጭቍን ህዝቢ ኤርትራ ደው ክብሉን ይጽውዕ።

ምልኪ ይደምሰስ፡ ፍትሒ ይንገስ

መንግስተኣብ ኣስመሮም

ኣቦ መንበር ሰዲህኤ

17 መስከረም 2016

ቤት ጽሕፈት ዜና ሰዲህኤ

ሰልፊ ዲሞክራሲ ህዝቢ ኤርትራ ናብ ሚኒስተር ወጻኢ ጉዳይ ጀርመን ኣቶ ፍራንክ ዋልተር ስተኢንመየር መዘክር ልኢኹ። ኣብዚ መዘክሩ መንግስቲ ጀርመንን መሪሕነቱን ብዛዕባቲ ኤውሮጳ ንመንግስቲ ኤርትራ እትህቦ ሓገዝ የጋግዩ ከይህልዉ ዘለዎ ስኽፍቲ ገሊጹ። እቲ መልእኽቲ፡ እቲ ብመንግስቲ ጀርመን ዝተዓደመ ልኡኽ ኤርትራ እንተላይ ብገበን ግህሰት ሰብኣዊ መሰል ዝጥርጠሩ ገበነኛታት ከም ዘጠቓለለ’ውን ኣመልኪቱ።

እዚ ተሪር መልእኽቲ ዝሓዘ መዘክር ሰደህኤ፡ ናብ ናይ ጀርመን ኣቦመንበር ፓርላማ፡ ናብ ሚኒስተር ቁጠባን ዕቤትን ከምኡ እውን ነተን ኣብዚ ዝሓለፈ ዓመታት ጸረ-ህዝብነቱ ምስ ዝተረጋገጸ ስርዓት ኤርትራ ብዛዕባ ምምሕያሽ ዝምድና ምስ ሓጋጊ ኣካልን ላዕለዎት ሓለፍትን መንገስቲ ጀርመን ክዘራረብ ዕድል ዝፈቓዳ ዓበይቲ ሰልፍታት ብመልክዕ ቅዳሕ ተላኢኹ።

.መዘክር ሰዲህኤ መልእኽቱ ብምቕጻል፡ ሓለፍቲ ጀርመን ምስቲ ኣብ ዝሓለፈ ዓመት ኣብ ልዕሊ ዜጋታቱ ገበናት ብምፍጻሙ ዝተኾነነ መንግስቲ ዝዘራርብሉ ቅቡል ምኽንያት ከምዘይረኣዮ ገሊጹ። እዚ ኣብ ከተማ በርሊን ብ8 መስከረም 2016 እቲ ጫካን ኣማኻሪ ፕረሲደት የማነ ገብረኣብ ምስ ዝርከቦ ልኡኽ ዝተኻየድ ርክብ ዝወደበ፡ ጀርመን- ኣፍሪቃ ፋንደሽን ዝበሃል ኣብዚ እዋንዚ ብወይዘሮ ኡርሱላ ኢድ ካብ ሓምላይ ሰልፊ ዝምራሕ ዘሎ እዩ።

The  EPDP memorandum also stated as follows:  

እቲ ብሰልፊ ዲሞክራሲ ህዝቢ ኤርትራ ዝቐረበ መዘክር እዚ ዝስዕብ እውን ጠቒሱ። “መንግስትን መብዛሕትኡ ህዝብን ጀርመን ኣብ ኤርትራ ዘሎ ኩነታት ዘይጽወርን ብሰብኣውነት ክትዕገሶ ዘይከኣልን ምዃኑ ይፈልጡ እዮም። እዚ ጥራይ ኣይኮነን ናይቲ ኣብ ኤርትራ ዘሎ ኩነታት መሰረታዊ ምኽንያት፡ ምንፋግ መሰልን ብኩራት ቅርዑይ ምምሕዳር እዩ። እዚ ድማ ኣብ ከምቲ ኣብ ኤርትራ ዝረአ ዘሎ ምልካዊ ስርዓት ብምቅብጣር ዝፍታሕ ኣይኮነን። ብኣንጻሩ ከምዚ ዝኣመሰለ ምልስላስ ኣብ ኣተሓሕዛ ሰብኣዊ መሰልን፡ ደሞክራስን ፍትሓውነትን ኣብ ኤርትራ ኮነ ኣብ ካልእ ከባቢብታት ናብ ከዚ ኣብ ሱርያ ዝረአ ዘሎ ኩነታት ዘምርሕ እዩ።

ካብዚ ሓሊፉ፡ ኣብ ሕቡራት መንግስታት ኣቦመንበር ኮሚሽን ሰብኣዊ መሰላት ኤርትራ፡ ኣብ 21 ሰነ 2016 ንባይቶ ሰባኣዊ መሰል  “ሕገመንግስቲ ኮነ ሃገራዊ ፓርላማ ክሳብ ዘየለ፡ ኣበይ’ዩ ብዛዕባ ሃገራዊ ሕቶታት ዝዝተ? መወዳእታ ዘየብሉ ግዱድ ኣገልግሎት ክሳብ ዘሎ፡ ነጻ ፕረስ ኣብ ዘየብሉ፡ ብዘይካቶም ብመንግስቲ ዝሽየሙ፡ ናጻ በርገሳዊ ማሕበራት ኣብ ዘየብሉ፡ ህዝቢ ኣብ ስግኣትን መንግስታዊ ቁጽጽርን ኣብ ዝነብረሉ፡ ብግቡእ ምኽባር ሰብኣዊ መሰላትን ሓቀኛ ዕቤት ህዝቢ ኤርትራን ክህሉ ኣይክእልን እዩ።” ኢሎም። ናይ ሕቡራት ሃገራት ኮሚሽን ሰባኣዊ መሰል ንኤርትራውያን ገበነኛታት ኣብ ፍትሒ ምቕራብ ዝብል መደምደምታ ዝበጸሐ፡ ምእንቲ እቶም ግዳያት ህግሰት ዝኾኑ ዘለዉ ኣእላፍ ኤርትራውያ ጥራይ ዘይኮነ፡ ኣብ ዝኾነ ኩርናዕ ከምዚ ኣብ ልዕሊ ኤርትራውያን ዝፍጸም ዘሎ ክረአ እንከሎ ቅቡል ከምዘይኮነ ንምምልካት’ውን እዩ”

ኣብ መጠቓለሊ እቲ መዘክር ዕላምኡ ሓድሽ ዘይኮነስ፡ ቅድሚ ሕጂ ኣብ ወርሒ ሰነ 2015 ናብዚ ክቡር ቤት ጽሕፈትኩም ቀሪቡ ዝነበረ ጥርዓን ደጊምካ ንምዝካኻርብ ምዃኑ ብምጥቃስ፡ እዚ ዝስዕብ ነጥብታት ኣስፊሩ

1.   ፈደራላዊ መንግስቲ ጀርመን ብዘይዝኾነ ቃለዓለም ዲክታቶርያውን ስርዓት ኤርትራ ካብ ምሕጋዝ ንኩቐጠብ ብትሕትና ንሓትት።

2. ጀርመን ምስ ኣብ ወጻኢ ዝርከቡ ዘይመንግስታዊ ተዋሳእቲ ርክብ ክኸፍት እሞ ኣብ ሃገሮም ኣብ ዝግበር ደሞክራሲያዊ ምስግጋር ተሳተፍቲ ክኾኑ ከተባብዖም
3. ፈደራላዊ መንግስቲ ጀርመን ነቶም ኣብ ምብራቕ ሱዳንን ሰሜን ኢትዮጵያን ዘለዉ ኤርትራውያን ስደተኛታት ዝምልከት ዝተጸንዓ መደባት ብምሕንጻጽ ኣብቲ ብትካላት ሕብረት ኤውሮጳን ሕቡራት መንግስታትን ዝግበር ሓገዝ ንክሳተፍ ንጽውዕ። እዚ ከምዚ ዝኣመሰለ ብዙሕ ዕማምን ሰፊሕ መደባት ዘለዎ ዕማም ኣብ ብቕራብ መግቢ፡ መጽለሊ፡ ጥዕናን ድሕንነትን ጥራይ ከይተደረተ፡ ነቲ ገዚፍ ብዝሒ ዘለዎ ኣብ ቀርኒ ኣፍሪቃ ዝርከብ ኤርትራዊ ስደተኛ ስሩዕን ክኢላውን ትምህርቲ’ውን ዝህብ ክኸውን።

In a memorandum addressed to German Foreign Minister Frank-Walter Steinmeier, the Eritrean People's Democratic Party (EPDP) expressed "deep disappointment and frustration" with the Government of Germany and its "leading (rather, misleading) Europe towards supporting the wrong side in Eritrea." The message hinted that the delegation could include suspected perpetrators of "crimes against humanity."

Recipients of the EPDP Memo: Steinmeier; Gauck; Mueller and Ursula Eid.

The strongly-worded memo, also copied to the president of the German Parliament (Budestag), the minister of economic cooperation and development as well as to the major German parties, regretting the giving of "unmerited opportunity" to the repressive Eritrean regime to talk to German legislators, government officials and parties with the aim of 'improving' Germany's relations "with that autocratic system that has proven its incorrigibility in the past two decades".

The EPDP further stated that it could not find a rational explanation to the for talking with German officials as well as to Bundestag members "who last year condemned that regime for its brutalities against its own people". 

The discussion forum held in Berlin on 8 September for three Eritrean high officials including the notorious presidential advisor, Yemane Ghebreab, was organized by the German Africa Foundation, currently headed by Ms Ursula (Uschi) Eid of the German Green Party.

The EPDP memorandum also stated as follows:

"The German Government and the majority of your people know too well that things are intolerable and humanly inacceptable in Eritrea. Yet, the problem of migration, whose root cause in Eritrea and elsewhere is the denial of human rights and bad governance, cannot be addressed with appeasement and bolstering dictatorships like the one in Eritrea. In fact, this kind of compromise of well established values and old commitments to promote human rights, democracy and justice will lead to worse situations in Eritrea and in other places, as Syria has already exemplified it.

"And as the chairman of the UN Commission of Inquiry on Eritrea told the Human Rights Council on 21 June 2016, " So long as there is no constitution, so long as there is no parliament where you can debate national questions, so long as there is an abusive national service which is unending, so long as there is no free press, so long as there are no civil society organizations apart from government-appointed ones, so long as people are living in fear and controlled by the State, there will be no full enjoyment of all human rights and no real progress for the Eritrean people." The UN Commission's conclusion to collectively bring the Eritrean perpetrators of crimes to justice "is not only for the sake of the countless number of Eritrean victims but to demonstrate that such behaviour is simply unacceptable anywhere in the world today."

"In concluding this appeal, Sir, we can only repeat the appeal what we made in our June 2015 memorandum to your esteemed office:

1. The Federal German Government to kindly oppose any gesture of appeasement and support to the Eritrean dictatorship;      
2. Germany to start an open engagement with Eritrean non-state actors in the diaspora with the aim of empowering them to take part in a democratic transition in their country;
3. The Federal German Government to kindly initiative the establishment of a solid programme for Eritrean refugees in Eastern Sudan and Northern Ethiopia by involving the support of EU and UN agencies. Such a multi-purpose and wide programme for thousands of desperate refugees should include not only the provision of adequate food, shelter, health facilities and security, but also give basic academic and vocational education to the big number of young Eritrean refugees in the Horn of Africa".

ህዝብና ብክብ ዝበለ ደረጃ ዝጽንብለን ክልተ ዓበይትን ኣገደስትን በዓላት ኣብ ሓደ ዕለት ወይ ኣብ እተቓራረበ ዕለት ይውዕላ ኣለዋ። እታ ሓንቲ ቅዱስ ዮውሃንስ ወይ ድማ ሓድሽ ዓመት ክትከውን ከላ፤ እታ ካልኣይቲ ከኣ፡ ዒድ ኣል ኣድሓ ኣልሙባረክ ኢያ።

በዚ ኣጋጣሚታት’ዚ ንህዝቢ ኤርትራ ብስመይን ብስም ሰልፊ ዲሞክራሲ ህዝቢ ኤርትራን እንቋዕ ሓጐሰካ ዝብል ናይ ዮሃና መልእኽተይ ከመሓላልፍ እደሊ።

ፖለቲካዊ፡ ቍጠባውን ማሕበራውን ጸገማት ሃገርና ካብ ግዜ ናብ ግዜ እናኸፍአ ይኸይድ ስለዘሎ ግን፡ ህዝብና ነዘን ዕለታት እዚኣተን በቲ ዝምነዮ ኣገባብ ከብዕለን ከምዘይክእል ርዱእ ኢዩ። ስድራ ቤታት ኣብ ዝተበታተናሉ፤ መንእሰያት ኣብ መወዳእታ ዘይብሉ ናይ ባርነት ህይወት ኣብ ዝተጸምድሉ፤ ማይ፡ ባኒ፡ ጽዓት ብራሽን ኣብ ዝዕደለሉ፡ ብልሽውና ኣብ ዝነገሰሉ . . .ወዘተ ዝጽንበል በዓላት ምሉእ ክኸውን ፈጺሙ ኣይክእልን ኢዩ።

መንግስቲ ኢሳያስ፡ ንዅሉ ናይ ቍጠባ ማሕውራት፡ ንግድ፡ ትራንስፖርት፡ ሕርሻ፡ ቱሪዝም፡ ማዕድን፡ ፋብሪካ፡ ኣብ ትሕቲ ፍጹም ምቍጽጻሩ ብምእታው፡ ህዝቢ ወስ ቀስ ከይብል ቀይዱ ሒዝዎ ይርከብ። ብስም ብሕታዊ ጽላት ዝንቀሳቐሱ እንተልዮም ውን፡ ብድሕሪኦም ኢድ መንግስቲ ዘለዎ ኢዩ (ንኣብነት ሓዋላ)።

ብስም ምቕያር ባጤራ፡ ህዝቢ ኣብ ኢዱ ክሕዞን ከንቀሳቕሶን ዝኽእል ገንዘብ ስለእተደረተ ድማ፡ ዒድ ኣልኣድሓ ኣልሙባረክን በዓል ሓድሽ ዓመትን በዚ ብኣሉታ ክጽለዉ ምዃኖም ዝሰሓት ኣይኰነን።

ወዲሰብ ብተስፋ ስለዝነበር ግን፡ ህዝቢ ኤርትራ ካብ ዘለዎ ሓሳረ-መከራ ዝናገፈሉ፤ ካብ ፋሕ ኢልዎ ዘሎ ቦታታት ኣብ ሃገሩ ዝእከበሉ፤ ሰላም፡ ስኒት፡ ፍቕሪ፡ ግዝኣተ-ሕጊ ዝሰፍነሉ ዝሓሸ ዘመን ክመጸሉ እምነ።

ርሑስ ሓድሽ ዓመትን ዒድ ኣልኣድሓ ኣልሙባረክን ይግበረልና

መንግስተኣብ ኣስመሮም

ኣቦ መንበር ሰዲህኤ

10 መስከረም 2016

ዝኽሪ መበል 55 ዓመት ምጅማር ዕጥቃዊ ቃልሲ ኤርትራ ብ3 መስከረም 2016 ኣብ ከተማ ዙሪኽ ስዊዘልርላንድ ከቢሩ ውዒሉ።

ነዚ ጽንብል ዘዳለወ ኣካል፡ ምንቅስቓስ ኤርትራዊ መንእሰይ ኣብ ስዊዘርላንድ እዩ። እቲ በዓል ካብ ሰዓት 8 ናይ ንግሆ ጀሚሩ ክሳብ ሰዓት 9 ድ.ቀ.  ዝተፈላለየ ንጥፈታት መንእሰያት ዘስተናገደ ነበረ። ሓያሎ መንእሰያት ካብ ዝተፈላለየ ቦታታት ስዊስ ዝተሳተፍዎ ውድድራት ስፖርት ሓደ ካብቲ ነቲ በዓል ምርኡይ ዝገበሮ ተረኽቦ ነበረ።  ኣብ መደባት ንግሆ ዝተሰላለሰሉ መደባት ስፖርት፡ ውድድር ኩዕሶ እግርን ቅድድምን ነይሮም። እዚ ድማ ንንያት መንእስያት ኣበሪኹ ንድምቀት ዝኽሪ ባሕቲ መስከረም ኣማዕሪጉዎ ውዒሉ።

ድሕሪ ቀትሪ ኩሎም ተሳተፍቲ ኣብ ኣደራሽ ኣኼባ ተረኺቦም ፖሊቲካዊ መደረታት  ተሰሚዑ። ቃል ምንቅስቓስ መንእሰያት ኣብ ስዊስ ብኣቦ መንበር ዓሊ  ገሽራ ድሕሪ ምስምዑ፡ ሓው ተስፋይ ወልዲሚካኤል ደጊጋ፡ ኣባል ፈጻሚ ሽማግለ ሰዲህኤን፡ ኣባል ግዜያዊ ኣካል ዋዕላ ናይሮቢን፡ ንዝተገብረሉ ዕድመ ኣኽቢሩ ኣብ’ቲ በዓል ብምርካብ ብዛዕባ ምጅማር ብረታዊ  ሰውራን፡ ህልዊ ኩነታት ሃገርን፡ ኣውራ ድማ ብዛዕባ  ንጥፈታት ገዜያዊ ኣካል ርኽክብን፡ ዳግማይ ኩሉ ሓቆፍ ምምኻራዊ ዋዕላ ናይሮቢን ሰፊሕ መግለጺ ኣቕሪቡ። ከምኡ’ውን ሓው ዩሱፍ ኢብራሂም ቦሊሲ፡ ኣባል ረድዮ መድረኽ፡ ብዛዕባ ተራ መድያ ኣብ ኤርትራ ሰፊሕ መግለጺ ኣቕሪቡ።

ድሕሪ’ዚ  ነቶም ኣብ ንጥፈታት ስፖርት ዝተዓወቱ ስልማታት ተዓዲሉ። ኣሕዋት ተስፋይ ደጊጋን  ዩሱፍ ቦሊሲን እውን፡ ናይ ቃልሲ ኣበርክቶኦም ዘንጸባርቕ፡ ናይ ኣፍልጦ ሰርቲፊኬት፡ ካብ ኤርትራውያን መንእሰያት ንለውጢ ተቐቢሎም።

ካብ’ዚ ኣስዒብና እቲ ብሓው ተስፋይ ደጊጋ ዝቐረበ መደረ ንኣንበብቲ ነቕርብ                                                      

ሰላምታ: ኣቦ መንበርን ኣባላትን ምንቅስቓስ ኤርትራዊ መንእሰይ ንለውጢ ኣብ ስዊዘርላንድ

ምስጋና:  ኣብ’ዚ በዓል’ዚ ንምስታፍን፡ ቃል ንምሃብን ዝዓደሙ ኣሰናደውቲ

ክቡራትን ክቡራንን!

ዝኽሪ ሓደ መስከረም እነብዕለሉ ዘሎና መዓልቲ፡ ምንጪ ክብርን ኩርዓትን  ኤርትራና ኰይኑ ንውሉድ ወለዶ ዝሓልፍ ህያው  ኤርትራዊ ታሪኽ’ዩ።  ንክብሪ’ዚ ዕለት’ዚ መደረ ከስምዕ ዕድል ምርካበይ  ድማ ልዑል ሓበን ከም ዝስመዓኒ ክገልጽ እፈቱ።

ቅድሚ 55 ዓመታት ብባሕቲ መስከረም 1961፡ ኣብ ትሕቲ መሪሕነት ጅግና ሓምድ ኢድሪስ ዓዋተ፡  ኣብ ጎቦታት ኣዳል ንሃገራዊ ናጽነትን ሃገራዊ ሓድነትን ዘማዕደወ ብረታዊ ተጋድሎ ተኣዊጁ። እወ: ክጅምር ከሎ፡ መጠን ሰብኣዊ ሓይሊ ክሳብ 11 ኣባላት፡ ኣጽዋር ድማ  ሓሙሽተ ጠያይት ጥራይ ዝልጐም ኣቡ ኻምሳ ዝዓብለሎ እዩ ነይሩ። እቲ ራእይን ፖሊቲካዊ መልእኽትን ግን ንምልዮናት ኤርትራውያን ከውክል ዝኽእል እዩ ነይሩ። ስለ’ዚ እዩ ድማ  ዝተባርዐ ሰውራ፡ ካብ መድረኽ ናብ መድረኽ እናዓበየ ኣብ ውሽጢን ግዳምን ንኩሎም ኤርትራውያን ኣተሓባቢሩ፡ ተሳትፎ መላእ ህዝቢ ኤርትራ  ኣረጋጊጊጹ ድሕሪ ናይ ሰላሳ ዓመታት ቃልሲ ብወርሒ ግንቦት 1991 መግዛእቲ ክስዕር ዝኸኣለ።

ዋጋ ናጽነት ቀሊል ኣይነበረን። ብዓወታት ጥራይ ዝተኸለለ መስርሕ እውን ኣይነበረን፡ ህይወት ብሉጻት ደቂ ኤርትራ ወሲዱ እዩ። መሪር ተምክሮ ኲናት ሓድሕድን  ግዳማዊ ምትእትታውን ርእዩ እዩ። ሳላ ጽንዓትን ኣብ ሓደ ዕላማ ዘትኰረ ተሳትፎ መላእ ህዝብናን ግን ኣብ ልዕሊቲ ብዕጥቂን ብዝሒ ሰብኣዊ ሓይሊን ግዳማዊ ደገፍን ዘይመጣጠኖ ሓይሊ መግዛእቲ ጭቡጥ ዓወት ከመዝግብ ክኢሉ። ካብቲ ታሪኽ እንቐስሞ እንተሎ፡ ኣብ መድረኽ ቃልሲ ንናጽነት  ሃይማኖታዊ ፍልልያት ተሰጊሩ እዩ። ብሄራዊ፡ ኣውራጃዊ፡ ቀቢላዊ ፍልልያት እውን ክስገር ተበቒዑ እዩ። ኩልና ኤርትራውያን፡ ኣብ ሓደ ሃገራዊ ዕላማ ኣትኲርና ኢና ተዋዲቕና። ጸላኢና ዝፈተኖ ፍልልያት ነይሩ እዩ፣ ግንከ እዚ’ውን ተሳዒሩ። ኣብ ትሕቲ መግዛእቲ ኢትዮጵያ ዘገልግሉ ዝነበሩ ኤርትራውያን ነጭ-ለባሽ፡ ሓይልታት ፖሊስ፡ ኮማንዶስ፡ ሓይሊ ባሕሪ ከምኡውን ኣብ ዝተፈላለየ ኣገልግሎት ስለያን ጦር ሰራዊትን ዝነበሩ ኤርትራውያን፡ ንሓይሊ መግዛእቲ ራሕሪሖም ሓይሊ ሰውራ ክዀኑ ዝገበረ ታሪኽ ተጋድሎ እዩ ዘሎና። እንቋዕ ስውእ ሓምድ ኢድሪስ ዓዋተን ብጾቱን እታ ፈላሚት ጥይት ተኲሶም ሰውራ ከም ዝባርዕ ገበሩ። ባሕቲ መስከረም ብኽብሪ ትንበር።

ሕጂ መዓልቲ ምጅማር ሰውራ ክንጽብል ከለና፡ ታሪኽ ናጽነታዊ ተጋድሎና እንዝክረሉ ኣብ ልዕሊ ምዃኑ፡  ሓባሪ ምዕ

ራፍ ኣተሃላልዋናን መጻኢናን ክንገብሮ  ሓላፍነትና እዩ። እቲ ሃልሃልታ ቃልሲ ናጽነት ዘረጋገጸ ቁልዒ፡ ኣይቀሃመን። ሕጂ ሃልሃልታ ሓርነታዊ ቃልሲ ከረጋግጽ ከም መነሃርያ ክንወስዶ የድልየና። ኣብዚ መድረኽ’ዚ እምበኣር ስለስተ ሕቶታት ከንልዕል እዋናዊ ይመስለኒ።

• ኣበይ ኣሎና?
• እንታይ ንደሊን ንገብርን  ኣሎና?
• ኣበይ ክንበጽሕ ኢና?

ኣበይ ኣሎና?

• ሃገርና እትነብረሉ ዘላ ኣሕዛኒ ኩነታት፡ ካብ ነፍሲ ወከፍና ስዉር ኣይኰነን ኣብኡ ግዜኹም ክበልዕ ኣይደልን። ብሓጺሩ፡ ዕላማታት ሃገራዊ ናጽነት ተጠሊሙ እዩ። ሃገርና ምልኪ ብዘምጽኦ መዘዝ ዝሰርሕ መንግስታዊ ትካል ዝበዀረላ ዝወደቕት ሃገር ከይና ኣላ። ግፍዒ ሳዕሪሩ፡ ደቃ ካብ ምንባር ንሓደጋ ጥፍኣት መሪጾም ዝባረሩላ ሃገር  ከይና፡ ዓዲ ጠላማት ሰበ ስልጣን፡ ደቃ ዝገፍዕዋ፡ ዘድከይዋን ማሕበራዊ ክውንነታ ዘፍረስዋን ሃገር ክብል ይቐለኒ።
• ኣተሃላልዋና ምስ ኩነታት  ደምበ ተቓውሞ ብምዝማድ ድማ ኣብ ሃለዋት ሓይልታት ተቓውሞ ከነስተብህለሉ ዘሎና ሽግራት ብነጥብታት ከቐምጥ እፈቱ፥
  • ድኽመት ፖሊቲካዊ ውድባት ተቓውሞ
  • ብሰንኪ ብኩራት  ሃገራዊ ሓባራዊ ማእከላዊ ስልጣን ትሕተ ሃገራዊ ምትእኽኻባት ሚዛን ይረክብ ምህላዉ
  • ጽበት መቃለሲ ሜዳ
  • ብኩራት ጥዑይ ዝምድና ኣብ መንጎ ሓይልታት ጸረ-ምልኪ
  • ድኽነት (ሕጽረት ሰብኣውን ንዋታውን ምንጭታት)
  • ብኩራት  ልዑል ኣህጉራዊ ደገፍ

• እዚ እቲ ሽግራትና ኰይኑ ገሊኡ ባዕላዊ ገሊኡ ድማ ወድዓዊ እዩ።  ይኹን’ምበር ኩልና ከም ተቓውሞ ነዚ ኣስተብሂልና ፍታሓት ኣብ እነናድየሉ እዋን ኢና ዘለና ክብል እደፍር። ኩሉ ተቓዋሚ ሓይሊ ለውጢ ከረጋግጽ ይደሊ ኣሎ። ብዘይ ሓደ ጐደል። ለውጢ ከነምጽእ ነቲ ስርዓት ክንቀብጾ ነይሩና። ኣብ መብዛሕትኡ ህዝብና ኣብ ልዕሊቲ ስርዓት  ቅብጸት እምበር እምነት የለን። ቅብጸት ድማ ንቃልሲ ይዕድም’ዩ።
• ንፍርሒ ክንስዕር ነይሩና፡  ገዚኡና ዝነበረ ፍርሒ ተሳዒሩ እዩ። ዘይነዓቕ ህዝባዊ ምንቅስቓሳት ኣሎ፡ ብሰላማዊ ሰልፍታትን ህዝባዊ ምትእኽካባትን ዝግልጽ ንጥፈታት ይካየድ ኣሎ፡ ናይ’ዚ ዓመት’ዚ ሰላማዊ ሰልፊ ጀነቭ ህያው ምስክር እዩ።
• ብኣህጉራዊ ደረጃ እውን ኤርትራዊ ስርዓተ-ምልኪ ዝንጸገሉ፡ ወጽዓታት ህዝብና ድማ ዝፍለጠሉ ልዳት ረጊጽና ኣሎና። ኣብ ውሽጢ ሃገር ምስ ዘሎ ሓይልታት እውን ብዝተፈላለየ መንገድታት ዝምድናታት ይምዕብል ኣሎ። በዚ ነቲ ጽበት መቃለሲ ባይታና ከም ዝርሕብ ንገብር ኣሎና
• ዘድልየና  ዘሎ እዋናዊ ጉዳይ እምበኣር፡ ንብኩራት ጥዑይ ዝምድና ኣብ መንጎ ተቓውምቲ ውድባትን፡ ሲቪል ማሕበራትን ህዝባዊ ምንቅስቓሳትን ንምእራም ክንንቀሳቐስ: ንዝምድናታትና ዝገዝእ ሓባራዊ ስምምዕ ክንህንድስን  ኣብ ሓባራዊ ዕላማ ኣትኲርና ብተወፋይነት ክንዋሳእን እዩ። ኣብዚ መዳይ’ዚ ናይ ሕዳር 2015 ምምኻራዊ ዋዕላ ናይሮቢን፡ ናይ ነሓሰ 2016 ፍራንክፈርት ኮንፈረንስ ህንጸት ምትእምማንን፡ ካልእ  ከምኡ ዝበለ ንጥፈታት ደለይቲ ፍትሕን ኣወንታዊ ባይታ ኣንጺፉልና ኣሎ።  

እዚ ተስፋታት’ዚ እንከሎ ግን ዕሽሽ ኢልና ክንሰግሮ ዘይንኽእል ምዕባሌታት ምጥቃስ የድልየና። ብፍላይ ኣብዚ ሓጺር እዋን ዝምዕብል ዘሎ፡ ታሪኽ ተጋድሎና ከም ታሪኽ ሸፋቱ ዝገልጽ፡ ንሃገራዊ ናጽነታዊ ቃልሲ ኤርትራውያንን መስዋእቶምን ዘቈናጽብ ዝንባሌታት ክገሃድ ተራእዩ እዩ። ገለ ምድንጋር ንምፍጣር ፡ ወይ ንሃገራዊ ሓርነታዊ ቃልሲ መኣዝኑ ንምስሓት ዝሃቀነ ፈተነ ምዃኑ ርዱእ እዩ። ግን ታሪኽ ቦታኡ ሕሉፍ እዩ። ተሰሪሑ ስለ ዝዀነ ድማ ክትቅይሮ ኣይከኣልን’ዩ። ኤርትራዊ ታሪኽ ድማ፡ በሃሊ ዝበለ ይበል፡ ታሪኽ ህዝቢን ታሪኽ ናጽነታዊ ተጋድሎን ምዃኑ ኣይቅየርን እዩ።  እቲ ሓደጋ ነቲ ታሪኽ ካብ ሕሉፍ ቦታኡ ናብ ህልዊ ኣምጺኻ ትርጉሙ ክትጠዋውዮን ምዕባሌ ክትጋርደሉን ምስ እትፍትን እዩ። ናይዚ ኣንፈት’ዚ ኣበሃህላ ድማ ንመጻኢ ዝኣመተን ኣብ መጻኢ መንነት ኤርትራን ሃገራዊ ድሕረ ባይታኣን ንምብራዝ ዝሃቀነን እዩ። መኸተና እምበኣር ከምቲ ቀደም፡ ሕጂ ውን ንኤርትራዊ መንነት ምክልኻልን፡ ካብ’ቲ ክበታትኖ ዝህቅን ፈተነታት ምድሓኑን እዩ።

በቲ ካልእ ሸነኽ፡  ኣብ መንጎ’ቲ ብሕባር ክቃለስ ዝግብኦ ፖሊቲካዊ ሓይልታት ተቓውሞ፡ ብዛዕባ ስዉእ ሓምድ ኢድሪስ ዓዋተ፡ ናይ ኣረዳድኣ ፍልልይ ምርካቡን፡ ኣብ ሓባራዊ ዕዮ ዕንቅፋታት ክቕርብ ምጅማሩን እዩ።  ብርእይቶይ ነዚ ሕቶ’ዚ ብህድእትን ብልዝብን ክነፍትሖ ኣሎና ብሃላይ እየ።  ስዉእ ሓምድ  ኢድሪስ ዓዋተ ምጅማር  ብረታዊ ቃልሲ  ዝመርሐ ኤርትራዊ ጅግና ምዃኑ ዝቕየር ኣይኰነን። ስለዚ ድማ ከነኽብሮን ብሓወልቲ ከነማዕርጎን ይግበኣና። ንሕና ከም ኤርትራውያን ጥራይ ዘይከነስ፡ ወጻእተኛታት እኳ ከም ጀግና የኽብርዎ ኣለዉ። ኣብ ሃገር ኢጣልያ፡ ኣብ ኮሎኞ ሞንተዘ ኣብ ዘተባህለ ከተማ  ከባቢ ሚላኖ ንዝኽሪ ጅግንነቱ ምስ 8 ጀጋኑ ናይ ካልኦት ሃገራት ሰሪዖም  ኣብ ሓደ ”Garden of the just of the world” ጀርዲን ናይ ዓለም ቅኑዓት ኣብ ዝተባህለ ፓርክ፡ ገረብ ተኺሎምሉ ኣለዉ። እዚ ንህዝቢ ኤርትራ ዝገፍዕ ኤርትራዊ ምልካዊ ስልጣን እውን ኣብ ሃይኮታ  ሓወልቲ ተኺሉሉ ኣሎ። እዚ ኣብ ቦታኡ እንከሎ፡ ኩልና ኤርትራውያን እዚ ጅግና’ዚ ከማና ሰብ ምኳኑ ከም ሰብ ድማ ኣብ ህይወቱ  ጌጋታት ፈጺሙ ክኸውን ከም ዝኽእል ክንርዳእ ንኽእል ኢና። ኣብ ዓለም ዝተራእዩ ሃገራውያን ጀጋኑ  ዝዀነ ይኹን ጌጋታት ከይፈጸሙ እዮም ጀጋኑ ከይኖም ዝብል ተረድኦ የብልናን። ንኣብነት ጆርጅ ዋሽንግተን ናይ ባራዩ  ወናኒ ነይሩ፡ ክሳብ ሕጂ ጅግንነቱ ዘይእምኑ ሸነኻት ይርከቡ እዮም። ግን ናይ ቃልሲ ኣመሪካዊ ናጽነት ጅግና ምኳኑ ኣይተሓድገን። ኤሚልያኖ ዛፓታ ናይ መክሲኮ ብገበናት ዝልለ ክስታት ኣብ  ታሪኽ ኣለዎ ይበሃል እዩ። ግን ናይ መክሲኮ ጅግና እዩ፡። ከይረሓቕና ኣብ ከባቢና እንተተመልከትና እውን፡ መሓመድ ኣሕመድ ኣልማህዲ  ጭካነ ዘለዎ  ገበናት ከም ዝፈጸመ ይፍለጥ እዩ። ግን ሱዳናዊ ጅግና ምዃኑ ኣይተረፎን። ናይ ኢቶጵያ ሚኒሊክ እውን ክሳብ ሕጂ ብጅግንነቱ ዘይኣምኑ ኣለዉ፡ ግን ወግዓዊ ኢትዮጵያዊ ጅግና ምዃኑ ኣይተሓድገን።

ሕጂ ናብ ስዉእ ኢድሪስ ሓምድ ዓዋተ፡ ክንምለስ ከሎና፡ ከማና ሰብ ከይኑ፡ ዝዓበየ፡ ምዃኑ ንፈልጥ ኢና። ካብ ንእስነቱ ብረት ክጥቀም ዝኸኣለ፡ መንእሰይ ነይሩ። ኣብ 25 ዕድሜኡ ናይ ጥልያን ዓስከር ከይኑ ከም እተኸትበ፡ ጥልያን ብእንግሊዝ ምስ ተሳዕረ ድማ፡  ንመንግስቲ እንግሊዝ  ተቓዊሙ፡ ዓዲ ገዲፉ ንበረኻ ከም ዝወጸ ይትረኸሉ እዩ።  ተሓኤ እውን ኣብ ካይሮ ብዝነበሩ ተመሃሮን ፈሊጣውያንን ከም ፖሊቲካዊ ውድብ 1960 ቆይሙ ነይሩ እዩ።  ግን’ከ እቲ ዝዀነ ካልእ ሰብ ክገብሮ ዘይከኣለ፡ ንሱ ግን ዝገብሮ፡ ብባሕቲ መስከረም 1961፡ ኣብ ትሕቲ ኣመራርሓኡ ብረታዊ ሰውራ ምብራዕ እዩ። እዚ ታሪኽን ጅግንነትን ኣይቅየርን እዩ።  ናይ ኩልና እዩ። ስለዚ ብፍላይ ኣብ መንጎ ተቓወምቲ ሓይልትት ዘሎ ዘይምርድዳእ፡  ብሓደ ሸነኽ ታሪኻዊ ጅግንነት እናኽበርካ በቲ ካልእ ሸነኽ ድማ መሰል ሰባት ኣብ ምሕሳብን ታሪኽ ምምርማርን እናኽበርካ ብልዙብ መንገዲ ክስገርን፡ ናብ ሓድሽ መድረኽ ክንኣቱን ዝኽልክል ኣይኰነን ዝብል ተረድኦ ኣለኒ።

ናብቲ ካልኣይ ሕቶ ክንሰግር እንታይ ንደልን እንታይ ንገብርን ኣሎና።

ከም ሓይልታት ጸረ-ምልኪ ዘይንደልዮ ንፈልጦ ኢና። እቲ ሕቶ ነቲ እንደልዮ ኣነጺርና መደባት ከመይ ንሰርዓሉ እዩ። እቲ ንሓዋሩ እንደልዮ እምበኣር ንምልካዊ ስርዓት ኣውዲቕኻ፡  ኣብዝሓ ሰልፋዊ  ቅዋማዊ ስርዓት ስርዓት ምትካል፡ ንሓድሕዱ ዝቈጽጸር ትካላት መንግስቲ ምቛም፡  ማሕበራውን ቑጠባውን ዕቤት ምርግጋጽ፡ ሰላማዊ ውድድርን ምስግጋር ስልጣንን ዘፍቅድ ስርዓት ምህናጽ’ዩ። ነዚ ድሌት’ዚ  ንምርግጋጽ መጀመርያ ዝመጽእ ዕማም ንምልኪ ምስዓር’ዩ። ኩልና ኣብ ምልጋስ ምልኪ እንሰማማዕ ብሓባር እንግዘኣሉ ጐደና ክንጸርግን ክንምድምዶን ብህጹጽ የድልየና’ሎ።

ሕራይ፡ ብዙሕ ዝተገብረ  ፈተነታት ኣሎ’ዩ።  ቀጻሊ ናይ ሓባራዊ ስራሕ ዘተታት ክካየድ ጸኒሑን  ኣሎን። በብወገኑ ናይ ዕርቂ ተበግሶታት ይውሰድ ኣሎ።  ሰላማዊ ሰልፍታት ይካየድ ኣሎ። ናይ ጀነቫ ሰላማዊ ሰልፊ ዘመዝገቦ ዓወት  ንዕርድታት ህግደፍ ኣብ ምፍራስ ክሳብ ክንደይ ተራ ከም ዝነበሮ  ኩልና ናይ ዓይኒ ምስክር ኢና። ሕጂ ንጀምሮ ኣይኰንኩን ዝብል ዘለኹ፡ ብዕቱብነት ንቐጽሎን ንወፈየሉን እዩ’ቲ ጠለብ።  ውደባ ሓባራዊ ስራሕ የድልየና  ኣሎ’ሞ ከመይ  ጌርና ኢና ናብ ጸረ ምልካዊ ስሩዕ ውደባ እንሰጋገር ንመርምር ወጽኢት ምርመራና ድማ ነተግብር።

ኣብዚ ነጥቢ’ዚ ነቲ ኣብ ቅድሚ ኩልና ዘሎ ዓቢ ዕማም  ጉዳይ ምምኽራዊ ዋዕላ ናይሮቢን ናይ መጻኢ መደባትን ከልዕል ኣፍቅዱለይ።

ናይ ናይሮቢ ዋዕላ ምምጻኡን፡ ከም መጀመሪ 11 ውድባት ተራኺበን ሓባራዊ ውዕል ክኽትማ ምኽኣለንን ዓቢ ስጉምቲ  ኣብ ጉዕዞ ጸረ ምልካዊ ቃልሲ እዩ። ኣብዚ ውዕል’ዚ ብዝጸደቐ ስምምዕ መሰረት ግዜያዊ ኣካል ርኽክብ ብሽድሽተ ኣባላት ቆይሙ  ስራሑ  ብወርሒ ለካቲት  2016 ጀሚሩ።

 መሰረታዊ ዓማሙ ድማ

1. ኩሉ ሓቆፍ ዳግማይ  ዋዕላ ንምክያድ ኣድላዪ ምስንዳኣት ምግባር
2. ናብ ዲሞክራስያዊ ስርዓት ንምስግጋር፡ ምስ ፖሊቲካዊ ውድባት ብምምኽኻር ንድፊ ሓባራዊ ራእይን ናይ ትግባረ መደባትን ምቕራብ

R  ክሳብ ካልኣይ ሃገራዊ ምምኽራዊ ዋዕላ፡ ንጥፈታት ኣካላት ዋዕላ፡ ንምውህሃድን ንምውጋንን ዘኽእል ስትራተጅያዊ ኣንፈት ምትሓዝ።

ውድባዊ ቅርጻን ስራሓት ኣካላቱን ምንጻርን፡ ናይ ግዜያዊ ኣካል መደብ ዕዮ፡ ምሕንጻጽን

R  ናይ ኩሉ ንጥፈታት ውጽኢታት ከም ዝዕቀን ንምግባር መሳርሒታት ምምዕባል። (ነፍሲ ወከፍ  ኣባል ተመዲቡሉ ዘሎ ዓውደ ስራሕ፡ እንታይ ተግባራዊ ትጽቢታት ከም ዝንበረሉ ምውሳን)

R  ናብ ኣባላት ሃገራዊ ምምኻራዊ ዋዕላን ናብ መድረኽን ስሩዕ ጸብጻባት ምቕራብ። ከም ኣድላይነቱ በብግዜኡ መብርህታት ምሃብ።

1. ነቶም ኣብዚ ዋዕላ’ዚ ዘይተሳተፉ፡ ብምልኣት ንክሳተፉ ጽዑቕ ርኽክባትን ጻዕርታትን ምክያድ ይርከቦ።

በዚ መሰረት  እዚ ኣካልዚ ቀጻሊ ርክባት ብምክያድ ነዚ ከቢድ ዕማም ኣብ ሓጺር እዋን ( ብዝምድናዊ ኣዘራኣርባ) ከብጽሖ ክጽዕር  ሓላፍነት ተሰኪሙ ኣሎ። 

ንብስራት፡ እዚ ዕማማት’ዚ ኣብ ኣተኣማማኒ ክበሃል ዝከኣል መድረኽ በጺሑ ከም ዘሎ ድማ ነዚ ኣኼበኛ ክሕብር፡ ተስፋታት እናኸለለኒ እዩ። ኩለን እተን ግዜያዊ ኣካል ርኽክብ ዝረኸበን ውድባት፡ ኣብ ዳግማይ ምምኻራዊ ዋዕላ ከም ዝሳተፋን፡ ስራሕ ግዜያዊ ኣካል ንኽዕወት ክተሓባባአራን ምዃነን ኣመዝጊበን ኣለዋ።  መፈለምታዊ ንድፊ ሰነዳት  ሓባራዊ ራእይን፡ ናይ ትግባረ መደባትን ናብ ምዝዛም ገጹ  እዩ። ናብ ኩለን ውድባት ክመሓላለፍን እተን ውድባት ብዘቕርባኦ ርእይቶታት ክህብትምን ተአሪዑሉ ኣሎ። ዳግማይ ዋዕላ ናይሮቢ ድማ ቅድሚ ምዝዛም እዚ ሒዝናዮ ዘሎና ዓመት ክትግበር እዩ፡ ዝብል መደብን ትጽቢትን ኣሎና።  ምትሕብባርኩም ኣይፈለየና።

ኣብ መደምደምታ ነቲ  ኣበይ ክንበጽሕ ኢና  ዝብል ሕቶ ከልዕል

 እቲ ጻዕሪ ናይ ኩልና፡ እቲ ዕላማ ድማ ናብ ዲሞክራስያዊ ስርዓት ምስግጋር ዘብቆዓና ኰይኑ፡ ኣብ መድረኽ’ዚ ክንበጽሖ እንደሊ  ኣብ መንጎ ኩሎም ደለይቲ ፍትሒ ኤርትራውያን፡ ሃገራዊ ዕርቅን ሓባራዊ ናይ ስራሕ መደብን ምርግጋጽ እዩ።

• ነዚ ንምትግባር ብቐዳምነት እነልዕሎ  ሕቶ ከመይ ጌርና ንኽበታትነና ዝኽእል ሽግራት ንውግድ?  ከመይ ጌርናኸ ነቲ ዝሓልፍናዮ ትራጀዲ ኣይንደግምን ዝብል እዩ።
• ንሕና ደቂ ሓንቲ ኤርትራ ኢና። ስለ ዝዀንና ኣካላት ናይ’ቲ ሽግር ንሕና ኢና። ብሓባር ንስከሞ። ኣካላት ናይቲ ፍታሕ እውን ንሕና ኢና። ብሓባር ኣብ ሃገራዊ  ውዕል፡ ብሓባር ኣብ ሃገራዊ ቃል ኪዳን ንእቶ። 
•  ኣብ መስርሕ ጸረ ምልካዊ ፖሊቲካዊ ዕርቂ ኣይንጋገ፡ ወይ ጌጋታትና ኣይንድገም። ምስ ኩሉ ናይ ኣእምሮን ኣተሓሳስባን ናጽነትና፡ ምስ ክብርታት  ክውንነትናን ኣተሃላልዋናን  ናብቲ መስርሕ ንእቶ። መስርሕ ፖሊቲካዊ ዕርቂ ንባዕሉ  ድማ ሓደ ኣወንታዊ መካኒዝም ክፈጥረልና ኣዩ።
• እዚ መካኒዝም እዚ ድማ ንሕግታት ፖሊቲካዊ ናብራና ወይ ንስርዓት ፖሊቲካዊ ቃርሳ  ኤርትራ (ፖሊቲካዊ ጌም) ክሰርዖ እዩ።   ኣብኡ ሃገራዊ ውዕል ይህልወና። ዘተ መሳርሒና ዘተ’ውን መቃለሲና ይኸውን።  ዘተን ልዝብን ድማ ኣብ መስርሕ ምስግጋር ንዲሞክራሲ ኣገዳሲ ቅድመ ኩነት እዩ። ማለት፡
  • ናይ ሓድሕድ ምትእምማን  ይሃንጽ (confidence building device)
  • ቀንዲ ረቛሒ ርግኣትን ሰላምን እዩ
  • ፖሊቲካዊ ሕጋውነት (political legitimacy) ናይ ምንቅስቓሳትና:  ወይ ናይ ኩሎም’ቶም  ሓቢርና እንልእኮም ኣካላትና ይፈጥር
  • ነቲ ኣብ መንጎ ውድባት ወይ ፖሊቲካውን ማህበራን ውደባታት ዘሎ ፍልልያት የጻብብ። ናይ ቀደም  ጸላእቲ ናይ ሕጂ ኣዕሩኽ፡ ናይ ቀደም ተጻባኣቲ ናይ ሕጂ መዋስብቲ ወይ መላፍንቲ ክገብር ይኽእል።
  • ኣብ  መወዳኣታኡ ድማ ናይ ሓድሕድ ምፍልላጥ ኣረጋጊጹ፡ ሓባራዊ ተሳትፎ የሰስን እሞ፡ ነቲ ኩልና ዝደመናሉ ቁስልታትና ከሕዊ ይኽእል፡ ነቲ ኩልና ከነመዝግቦ እንደሊ ለውጢ ድማ ከቀላጥፈልናን ከመዝግበልናን ይኽእል።

እወ ፍልልያት ጸኒሑና እዩ ኣሎና እውን። ገሊኡ፡  ብሱሩ ክንቅበሎ’ምበር ክንሰግሮ ዘይንኽእል እዩ። በብዘሎና እምነት ነቲ ፍልልያት ከም ዘለዎ ተቐቢልና፡ ኣብቲ ብሓባር ክንሰርሓሉ ዘሎና መዳያት ብሓባር ክንሰርሕ ምብቃዕ እዩ’ቲ ፍታሕ። ክንዛተ ከሎና  ነቲ ካባና ዝፍለ ካልእ ርእይቶ ዘለዎ ሸነኽ፡ ፖሊቲካዊ ኣተሓሳስባኣኡ፡ ሃይማኖታዊ እምነቱ፡ መበቆላዊ መንንቱ ንምቕያር ኣይኰነን ክኸውን ዘለዎ። ናይ ሓባር ባይታ ንምድህሳስን ምርትግባሩን እዩ ክኸውን ዘለዎ። ዕላማይ መንነትካ ወይ ኣተሓሳስባኻ ምቕያር ኣይኰነን፡ ከምታ ዘለኻያ እንከለኻ፡ ምሳኻ ንኸሰርሕ ናይ ሓባር ባይታ ምንዳይ እዩ ካብ ዝብል ዕግበት ክንብገስ ኣሎና። ምረት ምፍልላያት ኣብ መትንታት ደምና ዘይሩ እዩ። መትንታት ደምና ብስሪንጋ ናይ ለውጢን፡ ምክብባርን ክንወግኦ ንሕተተሉ መድረኽ መጺኡ ኣሎ። ስለዚ ናይ  መንነትካ ክቕይር ድልየትን ባህግን የብለይን፡ ከም ዘለካዮ ምስ ኩሉ እምነትካ ከሎኻ፡ ኣብቲ ሓባራዊ ዕማም ብሓባር ንኽንቃልስን ንኽንጐዓዝን መንገድታት ንሃንድስ እየ ዝብል ዘለኹ ክንብል የድልየና። ንሱ’ዩ እቲ ጸዋዒት።

ዋዕላ ናይሮቢ፡ ኣብ ክሊ’ዚ ተረድኦ’ዚ ብምውሳእ፡ ናይ ኩሉ ጸረ ምልካዊ ሓይልታት መኣዲ ዘተ ከፊቱ ምህላዉ እዩ እቲ  ኣወንታዊ ተበግሶ ዝገብሮ። ናይ ሕጂ ጸላኣቲ ወይ ተወዳድርቲ ናይ ጽባሕ መላፍንቲ ክንከውን ባይታ ከፊቱልና ኣሎ።  ነዚ ዕድል’ዚ ክንጥቀመሉ ኣሎና። ይግበኣና።

እዚ ንዝኽሪ ባሕቲ መስከረም እነካይዶ ዘሎና ኣኼባ ድማ ኣካል ናይ’ዚ ጉዕዞ’ዚ እዩ። ግዜያዊ ኣካል ርኽክብ፡ ነቲ ጀሚሩ ዘሎ ምቅርራብ ከተደልድል፡ ነቲ በኺሩ ዘሎ ሓይልታት ድማ ከተሳትፍ እዩ ዕላማኣ። ኣቦታት ክምስሉስ “መረብሲ በለሳ ሒዛ ትኾርዕ” ይብሉ። መረብ ንውሕጅ በለሳ ሒዛ ፈለግ ትኸውን። እቲ ሞራል ዓቢ ነገርሲ ብነኣሽቱ ምትእኽኻብ’ዩ ዝቐውም እዩ።  ሕጂ ውን ናብ ዓቢ ናይ ለውጢ ፈለግ ክንበጽሕ ኣሎና። እቲ ዓቢ ፈለግ ድማ ናይ ኩሉ ጸረምልኪ ሓይልታት ምትእኽኻብ ብምርግጋጽ መስርሕ ዲሞክራስያዊ ለውጢ ምጥጣሕ እዩ። እቲ ወሓዚ ምንጪ ድማ ከምዚ ዝበለ  እኼባታትን ቦታዊ ንጥፈታትን እዩ። ኩሉ እቲ ዋሕዚ በብኽእለቱ እጃሙ እናልዓለ ናብ ሓደ ዕላማ ንኸፍስስ ኩልና ክንጽዕረሉ እጽውዕ። እቲ ዝተኣከበ ዓቢ ፈለግ ድማ፡ ንሰረታት ምልኪ ኣፍርሱ፡ ንጨቋኒ ትካላት ደምሲሱ፡ ነታ ክንበጽሓ እንብህግ ዘሎና  ሓዳስ ኤርትራ ብናይ ህይወት ማያቱ ከርዊ እዩ።

ሕጂ ንተሓባበር! ናብ ዳግማይ ምምኻራዊ ዋዕላ ናይሮቢ ብሓባር ንእቶ!

ጽባሕ ግድን ናብቲ እንደልዮ ምዕራፍ ክንበጽሕ ኢና!

ዝኽሪ መስከረም ትንበር ዘልኣለማዊ ክብሪ ንስዉኣትና!

ደጊመ ንዕድሜኹም አመስግን። የቐንየለይ!

 ተስፋይ ወልደሚካኤል (ደጊጋ)

3 መስከረም 2016

للفاتح من سبتمبر عند الارتريين معنىً خاص ونكهة متميزة تعطيه أهمية خاصة، وتنبع هذه الأهمية من كونه اليوم الذي شهد ميلاد الكفاح الارتري المسلح والعادل وغير المعتمد علي سلاح سوى ثقته بشعبه وإيمانه بعدالة قضيته، لذلك فإن الثورة التي أشعلها وقادها الشهيد البطل/ حامد ادريس عواتي وقلة من رفاقه المخلصين الأشاوس سرعان ما زعزعت وكسرت قوة الجيش الاثيوبي أكبر وأفضل الجيوش الافريقية بشراً وعتاداً حربياً وتعاطفاً دولياً الي أن قضت علي ذلك الجيش العرمرم قضاءاً مبرماً ورمت بأشلائه خارج التراب الارتري في الرابع والعشرين من مايو 1991م. إن دعم الشعب للثورة الوليدة هو الذي نقلها خلال 14 عاماً فقط من سهول وأودية القاش وبركة وجبال الساحل الي ضواحي العاصمة أسمرا. 

النظام الاستعماري الاثيوبي وإن تمتع بالدعم الامريكي والاسرائيلي بل وباتفاق المعسكرين الشرقي والغربي علي دعمه وتسليحه طيلة فترة الحرب الباردة، لم يكن قادراً علي كسر إرادة الشعب الارتري ورغبته التحررية. ليس هذا فحسب، بل صارت الثورة الارترية نموذجاً نضالياً ناجحاً جديراً بالاحتذاء، وبالفعل سرعان ما ترسمت شعوب مجاورة وغير مجاورة آثار شعب ارتريا فتحررت وقضت علي أعدائها الوطنيين والطبقيين.

بوحدته وصموده الأسطوري تحدى شعبنا كل المؤامرات والأعداء وهزم كل أنواع التهديدات وأفشل كل محاولات الاقتلاع من الجذور. لذا أكدت التجارب أن الوحدة دوماً سر صمودنا وانتصارنا.

منطلقين من منصة هذه التجربة الغنية في الوحدة والتماسك   ، نحن واثقون من أن وحدتنا كما كانت بالأمس سر انتصارنا علي المحتل الأجنبي فهي اليوم أيضاً كفيلة بتمكيننا من الانتصار علي الدكتاتورية الجاثمة علي صدر بلادنا طيلة ربع قرن من الزمان، وهذه لا شك مدة كافية لتصل جميع قطاعات الشعب الارتري الي قناعة مشتركة بأنه لم يعد يرجى من هذا النظام أدنى خير، وأن كونه من بنـِـي جلدتنا لم يعصمه من إلحاق أشنع الأضرار بمن وثقوا بوطنيته وحرصه علي شعبه مهما حاول تجميل نفسه وترميم تصدُّعاته، لذا فقد آن الأوان لاستعادة وتمتين تماسكنا وصمودنا في التصدي للنظام حتى تنحيته وإبداله بنظام ديمقراطي مستدام يداوي جراح الشعب والوطن.

اليوم لم يعد هناك من يجادل في حتمية التغيير وأنه لا محالة قادم، لكن التحدي هنا هو العمل علي تحويل تيار التغيير الجارف الي وجهة إيجابية بناءة وليس وجهة سلبية هــدَّامة. وهذا يتطلب منا شيباً وشباباً أن نستعيد وحدتنا وثقتنا ببعض وننطلق بقوة في طريق النضال من أجل التغيير الديمقراطي الإيجابي. وعلي الأعيان ورجال الدين أن يتفاعلوا مع قضايا شعبهم ويرفعوا صوتهم عالياً أمام كل من يؤذي الشعب والوطن في تماسكه واستقراره، حاكماً كان أو معارضاً.

ختاماً وبمناسبة الذكرى الخامسة والخمسين لاندلاع الكفاح التحرري المسلح لشعبنا لا يسعنا إلا أن نعبر عن فخرنا بالانتماء الي هذا الشعب الذي توحـَّـــد وتفانـَـي في خدمة قضيته العادلة ودفع من أجلها أفدح الأثمان والتضحيات. وفي الوقت الذي نزف فيه التهاني الحارة لشعبنا علي جعل حلمه الوطني بتكوين دولة حرة ذات سيادة حقيقةً واقعة، فإننا أيضاً علي ثقة تامة بأن الشعب الذي قصم ظهر الطغيان الاستعماري سوف يقصم ظهر الدكتاتورية ويجعلها هشيماً تذروه الرياح.  

النصر لنضال شعبنا

الهزيمة والسقوط للنظام الدكتاتوري في ارتريا

منقستئاب أسمروم

رئيس حزب الشعب الديمقراطي الارتري

31 / 8 / 2016م