ዝኸበርኩም ዕዱማት ኣጋይሽና ብሓበራ

ዝኸበርኩም ኣቶ መንግስተኣብ ኣስመሮም ,ኣቦ መንበር ሰደህኤ

ዝኸበርኩም ኣቶ ክፍልዝጊ ገብረመድህን ኣቦ መንበር ግሃድ-ሕድሪ

ዝኸበርኩም ኣቶ ተስፋይ ወልደሚካኤል (ደጊጋ) ሓዱሽ ኣቦ መንበር ሰደህኤ

ዝኸብርኩም ዶክ.ሽተፋን ዶይሲንገን ሰልፊ ሰዲኡ ፍራንክፎርት

ዝከበርክን ወይ/ ላውራ ክኒሪን ሓምላይ ሰልፊ ፍራንክፎርት

ዝኸበርክን ወሮ/ ካተሪና ሽራይነር ኤፍደፐ ፍራንክፎርት

ዝኸበርክን ወሮ/ ክሪስቲና ብጆይር ሽወደን

ዝኸበርኩም ተውከልቲ ሰልፍታትን ውድባትን ስቪካዊ ማሕበራትን     

ዝኸበርኩም ኣባላት ኣሰናዳኢ ሽማግለ ፈስቲቫልን ኣባላት ኤደማን

ንውልቀ መደባትኩም ገቲእኹም ንዝተገበረልኩም ዕድመ ኣኽቢርኩም፡ ኣብዚ ኤርትራዊ ፈስቲቫል እዚ ብኣካል ምስታፍኩም ፡ ዝስማዓና ሓጎስ ደረት የብሉን ፡ ስለዚ ብስመይን ብስም እቲ ሓላፍነት ንምድላው ዝተቐበለ ክሳብ  ኣብዚ ደረጃ ንዘጸሐ ፡ ኣሰናዳኢ ሽማግለ ፈስቲቫል 2019 ፡ እንኻዕ ብደሓን መጻእኹም እናበልኩ ክብ ዝበለ ምስጋናይን ሰላምታይን የሕልፍ ።

ዝኸበርክንን ዝኸበርኩምን

  ኤደማ ጀርመን ከምቲ ኣብ ጽሑፍና ሰፊሩ ዘሎ እዚ ኤርትራዊ ፈስቲቫል እዚ ከዳሉ ከሎ ንኹሉ ኤርትራዊ ዜጋ ብዘይ ኣድልዎ ከዋስእ ከም ዕላማ ኣብ ፕሮግራሙ ስለዘስፈረ ጥራሕ እዩ። ስለዚ ትጽቢትና ነዚ ዕድል እዚ ክትጥቀመሉን ብግብሪ ከተሰንይዎን እዩ ። ብሓጺሩ ኣጀንዳኹም ክኸውን ዘለዎ ብናይ ገዝእ ርእስኹም ናይ ስደት ሃለዋትኩምን ናይ ሃገርኩምን ህዝብኹምን መሰረት ዝገበረ ዘተ ብሓባር ሽግራትኩም እትፈትሓሉ ፡ ብሓባር ክትሰርሑ መሪሕ መንገዲ እተጸጽየሉ ባይታ ዝተሓስበ እዩ። 

ዝኸበርክንን ዝኸበርኩምን

እዚ ኣብ መላእ ዓለምና ተበቲኑ ዘሎ ኤርትራዊ ዜጋ ፣ብስም ይኣክል ነዲሩ ንእንኮ መላኺ ስርዓት ንምልጋስ ዝገብሮ ዘሎ ርኡይ ናዕብን ምትእኽኻብን ውጽኢት ወይ ድማ እኩብ ድምር ናይ 28 ናይ ተቓውሞ ዓመታት እዩ ።ኤርትራዊ ዜጋ ስምዒቱ ገንፊሉ ኣብ ዝላዓለ ጽፍሒ ተቓውሞ ክበጽሕ ከሎ ንኹልና ተስፋ ዝህብ ፡ ዕድመ መላኺ ስርዓት ከኣ ዘሕጽር ምዃኑ ንርኢ።እዚ እቲ ኣወንታዊ ሸነኹ ክኸውን ከሎ፡ በቲ ሓደ ሸነክ ከኣ ሓጓፍ ከም ዘሎና ፡ ነዚ በብቦታኡ ዝግበር ምትእኽኻብ ፤ፊትወራሪ ኮይኑ ዘማእክሎ ሓደ ዝተወደበ ሓይሊ ዘይምህላው እዩ ።ድሕሪ ይኣኽል ናበይን ከመይ ስለምንታይ ዝብሉ ሕቶታት ነፍሲ ወከፍና እነልዕሎምን እንስከፈሎምን ዘሎና ኣገደስቲ ነጥብታት እዮም ።

እዚ ናይ ሎሚ ዓመት ፈስቲቫልና ኣብ ሓደ ንምግላጹ ዘሸግር መድረኽ ንልዑላውነት ሃገርን ክብሪ ህዝብን ኤርትራ ዝፈታትን ኩነት ኣብ ዝራኣየሉ ፡ ክልተ ፖለቲካውያን ሓይልታት ኤርትራ ኣብ ዝሰመርሉ ፡ ጎረባብቲ ሃገራት ሱዳን፡ ኢትዮጵያ፡ሶማልያ፡ርግኣት ዝጎደሎ ሃለዋት ኣብ ዘለዋሉ ፡ ገማግም ቀይሕ ባሕሪ ኤርትራ ኣብ ኣዝዩ ዘሰክፍ ህሞት ኣብ ዝርከበሉ ፡ ህዝቢ ኤርትራ ካብ ክቱር ምረት ዝገንፈለ ናይ ይኣክል ነጋሪት ኣብ ዝሃርመሉ ንርከብ ። እቲ ቀንዲ ንሃገርና ናብ ናይ ሽግር ዓዘቕቲ ዝሸማ ዘሎ ብቐንዱ እቲ ናይ ሳሕል ወታህደር ብግዝያዊ መንግስቲ ን28 ዓመታት ዝፍለጥ መላኺ ሓይሊ ክኸውን ከሎ ፡ በቲ ካላኣይ ሸነኽ ድማ ብደንበ ተቓውምቲ ዝፍለጥ ዝተበታተነ ኣተሃላልዋ ዝውንን ፡ ነንሕድ ሕዱ ዝዋጠጥ፡ ብሓደ ተጠሚሩ ክቃለስን ነዚ ንመላኺ ሓይሊ ክብድህ ኣንፈት ዘይሓዘን እዩ ።እቲ ዘገርም መትከላዊ ወይ ስነሓሳባዊ ፍልልይ ኣለዎ ኢልካ ዘይትግምገመሉ ሃለዋት ኣብ ኣረጊት ምስ ዘበና ዘይከይድ ኣትሓሳስባን ቂምን ቅርሕንትን ማእከል ዝገበረ ዝመስል እዩ።

ዝኸበርክንን ዝኸበርኩምን

ተመኩሮ ናይዚ 28 ዓመት ዘቕጸረ ደንበ ተቓውሞ እዚ ካብ ኮነ፤እቲ ዝዓበየ ዋኒኑ ክኸውን ዘለዎ ንኣረጊት ኣተሓሳስባ ፤ኣብ ጋም ማን ዘጽንሓና ዘይ ኣፍራዪ ጉዕዞ ወጊዱ ኢሉ ፤ ንሃገር ህዝብን ንምድሓን ዘኽእሎ ሓዱሽ ቅዲ ምስ ኣዚ መድረኽ ዘሳኒ ክህንድስ ዝግደደሉ መዋእል ንኣቱ ኣሎና ።ሕድገትን ምትእምማንን መሰረት ዝገበረ ፡ናይ ሎሚን ናይ ጽባሕን ኣጀንዳ ኣለልዩ ክግስግስ ኤደማ ጸዋዒቱ የቕርብ ።ስለዚ እዚ ብኤደማ ተቐሪብልኩም ዘሎ ዕድል ናይ ብሓባር ምዝታይ ክትጥቐምሉን ነቲ ፈላሊይኩም ዝጸንሐ ዘይፈርስ መንደቕ ዝመስል ግን ከ ከም ናይ በርሊን መንደቕ ኩርምሽ ዝብል ስዒርኩም ፡ብሓባር ኣድምጹ ከተስምዑ፡ ብሓባር ስርሑ ከተድምዑ ። እዚ ምስ እትገብሩ ነዚ ፋሕ ዝበለ ናይ ይኣኽል ኣውያት ናብ ሓደ መኣዲ ንምጽማዱን ንመላኺ ሓይሊ ንምውዳቑ ዘቃላጥፍ መስርሕ ምዃኑ ጥርጥር የብልናን ።

ዝኸበርክንን ዝኸበርኩምን

  ኤደማ ነዚ መደብ ፈስቲቫል እዚ ከአንግድ ከሎና ፡ ነገራውን ጉልበታውን ተውፋይነትን ኣባላት ማሕበርን ኣባላት ሰደህኤ ኣብ ዞባ ኤውሮጳ ዝሰላሰል ዘሎ ሃገራዊ ውራይ እዩ።ስለዚ ክናኣድን ክምስገንን ዝግበኦ ኣባል እዩ ሞ ሞራላዊ ናይ ሕልና ደገፍኩም ብጠቓዒትን ብዕልልታን ክትገልጽሉ እጽውዕ ።     

ዝኸበርክንን ዝኸበርኩምን                                                             

ኣብ መወዳእታ ፡ መደብ ኤርትራዊ ፈስቲቫል ከነውጽእ ከሎና እቲ ከም ቀዳማይ ሕቶ ዝለዓል ኣበይ ንግበሮ ንዝብል ሕቶ ምስ መለሽና ኢና ምድላዋት እንጅምር።ኣብዚ ክዝከር ዘለዎ ኣገዳሲ ነጥቢ ሰናይ ድልየት ምምሕዳር ከተማ  ፍራንክፎርት ስለ ዝተሓወሶ ፤ብጠቕላልኡ ሃገረ ጀርመን ሰብኣዊ መሰላት ዝኽብርሉ ሕግታትን ዲሞክራሲያዊ ምሕደራን ዝውንን ስለዝኾነ : ተጠቀምቲ ናይዚ መሰላት እዚ ክንከውን ብምኻኣልና ክብ ዝበለ ምስጋናና ንምምሕዳር ከተማ ፍራንክፎርት ካብዚ ኣዳራሽ እዚ ነሕልፍ ።

ሎሚ፡  ተውከልቲ ዝኾኑ ፖለቲካዊ ውድባትን ስቪካዊ ማሕበራትን ውልቀ ሰባትን ናይ መራኸቢ ብዙሓት ዜናዊ ትካላትን ( ጋንታ ኣሰና ፤ ኤሪ ሳትዝን) ነዚ ናይ ይኣክል መድረኽ ብኸመይ ይውደብ ብዝብል ዛዕባ ብሓባር ክዝትዩ ኣዳሊናልኩም ኣሎና ። ነዚ ዕድል እዚ ክትጥቀምሉ ተስፋ ንገብር ። ነቲ ክጸብብ ዘይካኣል ፍልልያትና ንምስዓር ኣብ ቦቦታኹም ኮንኩም ክትቃለስሉ ለበዋና

ተውሳኺ ሓበረታ ፡ ኣሰናዳኢ ሽማግለ ፈስቲቫል ንዓኻትኩም ንምእንጋድ ዘዳለዎ ሽሻይ ስለ ዘሎ ባዕልኹም ንነብስኹም ዓንግሉ ።ብሩኽ ምጅማርን ምውዳእን ፡ ሰላምን ፍቕርን ምርድዳእን፡ ሕድገትን ምትእምማንን ዝዓሰሎ ፈስቲቫል ይግበረልና እናበልኩ ናይ ሎሚ መልእኽተይ ኣብዚ ይዓጹ ።ጽን ኢልኩም ብምስማዕኹም የቐንየለይ። 

ንድሕነት ሃገርን ህዝብን ፡ ሓቢርና ነድምጽ ከንስምዕ ፡ ሓቢርና ንስራሕ ከነድምዕ ።                                          

ራህዋ ንውጹዕ ህዝቢ ኤርትራ 

ክብርን ዝኽርን ንሰማእታትና                                                     

ተስፋማርያም ክብራኣብ  

ኣቦ መንበር ኣሰናዳኢ ሽማግለ ፈስቲቫል ፍራንክፎርት 2019 

ሰልፊ ዲሞክራሲ ህዝቢ ኤርትራ (ሰዲህኤ) ብ23 ሓምለ 2019፡ ኣብ ምፍታሕ ብ21 ሓምለ 2019 ኣብ  ከተማ ካይሮ ኣብ ሰላማዊ ሰልፊ ስለ ዝተሳተፉ  ተኣሲሮም ዘለዉ 5 ኤርትራውያን ስደተኛታት ንክተሓጋገዙ ናብ ኮሚሽነር ላዕለዋይ ኮሚሽን ጉዳይ ስደተኛታትን ግብጽን ምሕጽንታ ኣቕሪቡ።

 እቲ ናብ ኮሚሽነር ላዕለዋይ ኮሚሽን ጉዳይ ስደተኛታት ፍሊፖ ግራንዲን፡ ወጻኢ ጉዳይ ሚኒስተር ሳመህ ሽኩርን ዝተላእከ ምሕጽንታ፡ እቶም ግዳያት ናይቶም ኣብ ካይሮ  ዝርከብ ቤት ጽሕፈት ሕቡራት ሃገራት ዝተዓዘብዎ ድኽመታት ንምንቃፍ ሰላማዊ ሰልፊ ብምክያዶም ጥራይ ብምእሳሮም ዝሓደሮ ሻቕሎት ኣስፊሩ።

 ኤርትራውያን ምንጭታት ካብ ካይሮ ከም ዝሓበርዎ ኣብቲ መጀምርያ ግብጻውያን ሰብ መዚ ካብቶም ተሰለፍቲ 40 እዮም ኣሲሮም። እንተኾነ ንኹሎም ፈቲሐምዎም ነይሮም። እንተኾነ ናይታ ሃገር ናይ ጸጥታ ኣካላት ተመሊሶም ነቶም ሓሙሽተ ኣሲረምዎም። ናይቲ ዳግማይ ማእሰርቲ ጠንቂ ኣብታ ከተማ ናይዘሎ ኤምባሲ ኤርትራ ሰለይትን  ኣባላት ናይቲ ቤት ጽሕፈት ሕቡራት ሃገራት ዝኾነ ግብጻውያን ብዘቕረብዎ ናይ ሓሶት ሓበሬታ እዩ።

እዞም እሱራት 23 ወይ 24 ሓምለ 2019 ብዘይ ተኸላኻሊ ጠበቓ  ናብ ቤት ፍርዲ ክቐርቡ መደብ ነይሩ። በዚ ኣካይዳ ሰብ መዚ ግብጺ ነዞም ግዳያት ኣገዲድካ ናብ ኤርትራ ኣብ ምላሶም ምስቲ ኣብ ካይሮ ዘሎ ኤምባሲ ጨቋኒ መንግስቲ ኤርትራ ከይተሓባበሩ ስግኣት ፈጢሩ ኣሎ።

መዘክር ሰዲህኤ፡ እንተደኣ ተገዲዶም ተመሊሶም ህይወቶም ኣብ ስግኣት ክወድቕ ምዃኑ ስምዕታኡ ኣቕሪቡ። መልእኽቱ ክድምድም እንከሎ ከኣ ንሕና ሰዲህኤ፡ ከም ሓደ ኤርትራዊ ተቓዋሚ ሰልፊ ኣብ ስደት፡ ላዕለዋይ ኮሚሽን ጉዳይ ስደተኛታትን መንግስቲ ግብጽን ኣብዚ ህጹጽ ጉዳይ ሕያውነታዊ ኢዶም ሓዊሶም ናይዞም ብዝተዋደደ ናይ ሓሶት ክሲ ኣብ ቤት ማእሰርቲ ዘለዉ ሓሙሽተ  ኤርትራውያን ስደተኛታት  ህይወት  ከድሕኑ ንምሕጸን ኢሉ።

ጨንፈር ሰዲህኤ ቁ.2 ብዕለት 23/07/2019 ብኤለትሮኒካዊ መራኸቢ ብዙሓን 7ይ ስሩዕ ኣኼባ ናይ ምሉኣት ኣባላት ኣካይዱ። ኣቦ ወንበር ጨንፈር ብሰላምታ ከፊቱ ዝቀረባ 3ተ ኣጀንዳታት  ኣርጊኡ፡ ህልዊ ጨንፈርን ንጥፈታቱን ብጉዳይ ንብረትን ብብሩህ ሓቢሩ።

 2ይ. ኣጀንዳ  ከኣ ኮንፈረንስ ሰዲህኤ ብዕለት 20ን 21 07/2019 ሓያሎ ሰዓታት ዝወሰደ ናይ ክልተ መዓልታት ዕዉት ከም ዝነበረ ፡  ናይ 4ተ ዓመታት ጸብጻብ ስራሓት 9 ቤት ጽሕፈታት ፈጻሚት ሽማገለ  ሰ.ዲ.ህ.ኤ.ብቀደም ተኸተል ቀሪቡ። እቲ ኮንፈረንስ ኣብ ኩሉ ኩርናዓት ዓለም ዝርኸቡ ኣባላት ሰልፊ ዲሞክራሲ ህዝቢ ኤርትራ ዝተሳተፍዎ ኮይኑ ዓሚቅ ክትዓትን ርእይቶን ለወባን ሂቦም ከም ዝዛዘምዎ ሓቢሩ። ብምቅጻል ካብ ተመክሮና ናይ ስምረትን ምምርኳስን ከኣ ህልዊ ኩነታት ዝጠልቦ ብንቅሓት እሩም ዝኾነ ኣቃራርባን ኣኽብሮት ሓዘል ሃነጽቲ ዝኾኑ ልዝብ ክዋስኡ ነዚ ንምእዋጁ ተዳልዩ ዘሎ ዕዉት 3ይ ሓድነታዊ ጉባኤ ሰዲህኤን ግንባር ሃገራዊ ድሕነት ሕድርን  ንወከልቲ ጉባኤ ተላብዮም። ህልዊ ህዝባዊ ማዕበል ይኣክልን ዝኸዶ ዘሎ ናህርን ብትብባዕን፡ ከኣ ኣብ ገለ ንዉድባት ዘግለለ ኮይኑ ይንህር ስለ ዘሎ ብጥንቁቅ ኣገባብ ክጽናዕን ስጡም ሓባራዊ ክኸውንን፡  ማለት ንሕና ካብ ንግሆ ይኣክልን ዝበልና ንብል ዘሎናን ስለ ዝኾና  ናይ ሎሚ ተባዓት መንእሰያት ቀጸልቲ ድኣ እምበር  ጀመርቲ ወይ መስረቲ ከም ዘይኮኑ ከነረድኦም ኣሎና ኢሎም።  ሰ.ዲ.ህ.ኤ. ኣብ ጉዳይ ናይ ሓቢርካ ምስራሕ ዝኣወጆ እማመ መሰረት ተሰማዕነት እናረኸበ ይመጽእ ብምህላው ብዕቱብ ክቕጽሎን መሪሕ ግደ ንሓድነት ክህልዎን መሪሕነት ሰልፊ ቀዳምነት ሂቡ ንምዕዋቱ ክጽዕር ምሉኣት ኣባላት ኣስሚሮምሉ። ኣብ መደምደምታ ንናይቲ ዓመት ዓመት ዝካየድ ሰፊሕ በዓል ኤርትራ ፈስቲቫል ፍራንክፎርት 2019 ኣሳናዳኢ ሽማገለ ድሮ ምድላዋታ ወዲኣ ብምህላዋ ኩሉም  ኣባላት ከኣ ንምዕዋቱ  ዕጥቆም ክድርቡ ምኳኖም ቃል ኣትዮም ኣኼባኦም ዛዚሞም።

ሓቢርና ንስራሕ ከነድምዕ ሓቢርና ነድምጽ ከነስምዕ !!!

ነባሪ ክብርን ዝኽርን ንጀጋኑ ስዉኣትና !!!

ዉድቀት ዕንወትን ንዉልቀ መራሒ ህግደፍ።

23 / 07 / 2019

Image copyright Reuters ናይ ምስሊ መግለጺ እቲ ጠያይቲ ዝተተኮሰሉ ቦታ ዘርእይ ብፖሊስ ዝተገብረ ምልክት

Image copyright KARPOV/SOS MEDITERRANEE ናይ ምስሊ መግለጺ ኣብ ንኢሽተይ ጀልባ ተጸቓቒጦም ይጓዓዙ ዝነበሩ ስደተኛታት ብኣባላት ምድሓን ሓገዝ እናረኸቡ

ሸሞንተ ሃገራት ኤውሮጳዊ ሕብረት ኣብ ዳግመ-ምጥያስ ካብ ማእከላይ ባሕሪ (ሜዲተራንያን) ዝደሓኑ ስደተኛታት አእጃመን ንምፍጻም ኣብ ስምምዕ ምብጸሐን ፈረንሳ ሓቢራ።

ጣልያን ኣብቲ ዝተበጽሐ ስምምዕ ከም ዘይትርከብ እቲ መግለጺ ኣረዲኡ።

ፕረዚደንት ፈረንሳ ኢማኑኤል ማክሮን፡ ሃገሩ፡ ነቲ ሸኽሚ ኣብ ምቅላል እጃመን ንዘይፍጽማ ሃገራት እትገብሮ ገንዘባዊ ሓገዝ ከም ዘይህሉ ኣፍሊጡ።

ብዋሕዚ ስደተኛታት ተዕለቕልቕ ዘላ ጣልያን ግን ኣብዚ ጉዳይ ንዝግበር ዘተ ኣስተናዒቓቶ'ላ።

ናይታ ሃገር ሚንስትር ውሽጣዊ ጉዳያት ማቲዮ ሳልቫኒ፡ ጣልያን ኣብ ጉዳይ ስደት ዘለዋ ጽኑዕ ቅዋም ከይቕየር ይሙጉት ከም ዘሎ ይግለጽ።

• ፖሊስ ከተማ ካይሮ ብዙሓት ኤርትራውያን ሰልፈኛታት ኣሲሩ
• ጳጳስ ፍራንሲስ ስደተኛታት ዝሓዛ መራኽብ መዕለቢ ክረኽባ ጸዊዑ
• ሃለዋት ኤርትራውያን ስደተኛታት ኣብ ሊብያ

ኣብ ዓመት ብኣሽሓት ዝቑጸሩ ስደተኛታት ንማእከላይ ባሕሪ (ሜዲተራንያን) ኣቋሪጾም ናብ ኣውሮጳ ክበጽሑ ይፍትኑ። ሊብያ ድማ ቀንዲ መበገሲ ጉዕዞኦም'ያ።

እቶም ስደተኛታት እኹል ጽገና ብዘይተገበረለንን ልዕሊ ዓቐን ሰባት ብዝጸዓናን ጀላቡ ነቲ ባሕሪ ከቋርጹ ኣብ ዝፍትኑሉ እዋን ብዙሓት ህይወቶም ስኢኖም'ዮም።

ኣብ ጉዳይ ስደተኛታት ሓድሽ ኣማራጺ ንምድላይ ዓሊሙ ትማሊ ሰኑይ ኣብ ዝተኻየ ዘተ፡ ሚንስትራት ጉዳያት ውሽጢን ወጻእን ሃገራት ኣውሮጳ ተራኺቦም።

ፕረዚደንት ማክሮን ከም ዝሓበሮ ካብ 14 ሃገራት እተን ሸሞንተ፡ ኣብቲ ዝቐረበ ኣማራጺ ሓቢረን ንምስራሕ ኣብ ስምምዕ በጺሐን ኣለዋ።

ንሱ፡ ብዛዕባ እቲ ዝተበጽሐ ስምምዕ ዝሃቦ ዝርዝር መብርሂ የለን።

እተን ሸሞንተ ሃገራት ከኣ ክሮሺያ፣ ፊንላንድ፣ ፈረንሳ፣ ጀርመን፣ ኣየርላንድ፣ ሊቱንያ፣ ላክሰምበርግን ፖርቱጋልን ከም ዝኾና ተፈሊጡ'ሎ።

ዝኾነ ይኹን ቃልሲ ግዜ ከይበልዐ ቅልጡፍ ወይ በቋራጭ ዓወት ክጎናጸፍ ኣይክእልን እዩ። እዚ ብዙሕ ምኽንያታት ክህልዎ ይኽእል እዩ። በሓጺሩ ግን ነቲ ደጋዊ ይኹን፥ ከባብያዊ፥ ዘለዎ ጽልዋ ገዲፍና፥ እቲ ቀንዲ ሽግር ሓደ ዝተጸንዐን ስነፍልጠታውን  ኣገባብ ሒዝካ ዘይምኻድ ካብቲ ቀንዲ ግዜ ዝበልዕ እዩ። ሓደ ካብቲ ዓቢ ሽግር ድማ ንህላዌ ሰልፍታት ዝነጽግ ወይ እውን ክህልዋ የብለንን ዝብል ሓሳብ እዩ።

ፖለቲካዊ ሰልፍታት ከም መደናጐይቲ ዓወት ኢየን ተባሂለን ስለዝግመታ እዩ እቲ ቀንዲ ምኽንያት። ኣብ ክንድኡ እኩብ ወይ ብዝሒ ህዝቢ (mob) ህዝባውነት ወደባ እዩ ቅልጡፍ ዓወት ዘምጽእ ዝብል እምነት ይትካእ ኣሎ። በዚ ዝኣክል “ውደበይ ውድብካ ኣየድልን እዩ” ፖለቲካዊ መደብ ዕዮአን ገዲፈን ኣብ ህዝባዊ ምንቅስቓስ ክጽንበራ ኣለወን እናተባህለ ይዝረብ። እዚ ኣተሓሳስባ’ዚ ግን እቲ ህዝቢ እንታይ ከምዝደሊ፥ ንዓኡ ዝምእምኦ መንግስቲ ኣብ ምምስራት ጋን ክኣትዎ ምዃኑ ዘይምርዳእ እዩ። እዚ ማለት እቲ ገዛኢ ወይ ጨቋኒ ጥራሕ ይተኣለ ብምባል ንግሩህ ልቢ ሰብ ዝማርኽን፥ እቲ ህዝቢ እዘን ውድባት ኣይረብሓን ኢየን።  ብዝብል መለዓዓሊ ይጥቀምሉ። እዚ ከኣ እቲ ጨቋኒ ምስተኣልየ ርህው ዝብሎም ዝመስሎም ብዙሓት ኣለዉ። 

ፖለቲካዊ ሰልፍታት ወይ ውደባ፡  ካብ ምልኪ ናብ ዲሞክራሲ መሰጋገሪ መሳርሒ ምዃነን ክንርዳእ ይግባእ። እዚ ሓጺር ጉዕዞ፡ ነቲ ጽባሕ እንታይ ክወልድ እዩ ዝብል ፈጺምካ ስለዘይሕሰበሉ ዘምጽኦ መዘዝን፥ ነቲ ስነፍልጠት ጥሒስካ ብፊን ዝበለካ ናይ ምኻድ ኣንፈት የኸትል። በዚ ዝኣክል ፖለቲካዊ ሰልፍታት ብሓጺሩ ንስልጣን ጥራይ ዲየን ዝወዳደራ ወይ ድማ ንስልጣን ጥራይ ዲየን ዝቃለሳ ዝብል ሓሳብ ንምርዳእ ይሕርብቶም ይኸውን። ኣብዚ ጉዳይ እቲ ስልጣን ዝህብ ወይ ዝኸልእ እቲ ህዝቢ ኢዩ። እቲ ስልጣን ክኸልእ ይኹን ክህብ ብዛዕባ እንታይነት ናይ መንግስቲ፡ ዲሞክራስን ፍትሕን ክርዳእ ኣለዎ። ነዚ ከኣ እተን ሰልፍታት ነናተን መደብ ዕዮ ዘለወን ነቲ ህዝቢ ዓቢ ዓውዲ ምህርቲ ፍልጠት እዩ ዝኾኖ። በዚ ምኽንያት ሰልፍታት ቀንዲ ተዋሳእቲ ናይ ዲሞክራሲያዊ ምስግጋር ስለዝኾና ህላዌአን ኣገዳሲ እዩ።

ፖለቲካዊ ሰልፍታት ነቲ ናብ ህዝቢ የርብሕ ኢለን ኣብ ፖለቲካዊ መደብ ዕዮአን ዘቐመጠኦ ዕላማ፥ ዘብጸሐን  መሳርሒ እዩ። ህዝቢ ቆጽሊ ዘውደቐለን ድማ ስልጣን ተውዳዲረን ይጭብጣ። እዚ ስለዝኾነ ግን ንስልጣን ጥራይ ኢየን ዝቃለሳ ኢልካ ውዱእ ሓሳብ ምሓዝ ግን ካብ ስነፍልጠት ዝረሓቐ ኢዩ። ከም ናይ ኤርትራ ዝኣመሰለ ንሰላሳ ዓመት ዝወሰደ ብረታዊ ሰውራን ከምኡውን ድሕሪ ናጽነት ኤርትራ ንምልኪ ኣሊኻ ስርዓት ዲሞክራሲ ንምንጋስ ዝግበር ቃልሲ ምስ ህላዌ ፖለቲካዊ ሰልፍታት ዝተኣሳሰር ክኸውን ናይ ግድን እዩ። ሰባት ኣብ ሓደ ጉዕዞ ንዘለዎም ሽግራት ንምፍታሕ ፖለቲካዊ ሰልፊ ብምምስራት፥ ኢሂን ምሂን ብምባል ንምፍትሑ ዝገብርዎ መሳርሒ እዩ። ኣብ ሰውራ ኤርትራ እውን ውድባት ስለዝነበራ፥ ህዝቢ ኤርትራ ነቲ ባዕዳዊ ገዛኢ ሓይሊ ንኽኣሊ ኣብተን ዝነበራ ውድባት ኢዩ ተጸንቢሩን ተቓሊሱን። ኣብ መወዳእትኡ ድማ ታሪኻዊ ኣጋጢሙ ረኺቡ ናብ ኤርትራ ዝኣተወ ውድብ ህዝባዊ ግንባር እዩ።

ነዚ ድሕሪ ናጽነት ዝተኸስተ ጭቆና ድማ፥ ከሎ ገና ንእንታይነት መሪር ጭቖና ስርዓት ኢሰያስ ዝተረደኣ ወድባት፥ ኣብ ግዳም ተወዲበን ንዲሞክራሲያዊ ለውጢ ይቃለሳ ኣለዋ። እቲ ሕቶ ክሳብ ሕጂ እንታይ ገይረን ዝብል ነጽንሓዮ እሞ፥ ንምንታይ እየን ተወዲበን ዝቓለሳ ዘለዋ፣ ብፍላይ ኣብ'ዚ ዘለናዩ ነዚ ዲክታቶርያዊ ስርዓት ንምእላይ እንታይ እዩ ግዲአን? ውድባት ንምልኪ ንምእላይ ክቃለሳ እንከለዋኸ መተካእታ ህግደፍ ድየን ክኾና፣? ወይ ከም'ዚ ሓደ ሓደ ዝብልዎ፡ ነቲ ፖለቲካዊ መደብ ዕዮኤን ኣቐምጠን ጽባሕ ህግደፍ ምስ ወደቐ እቲ ቅዋም ኣፍ ሃሊዩዎስ “ሕጂስ ሓላፍነትክን ተሰካማ” ዲዩ ክብለን፣? እዝን ወዲ ከምዝን ንፖለቲካዊ ሰልፍታት ንስልጣን ስለዝቓለሳ ንሕና ድማ ህዝቢ ምድሓን ስለ እንቓለስ ኣየድልያን ዝብሉ ንብዙሓት ካብ ምውዳብ  ኣርሒቖም፥ ነቲ ካብ ምልኪ ናብ ዲሞክራሲ ምስግጋር ቀንዲ ተዋሳእቲ ምዃነን ዝሓክኽ እዩ። ፖለቲካዊ ሰልፍታት በቲ ዝሓንጸጸኦ ፖለቲካዊ እምነትን መብጽዓ ዝገበራኦ፥ ካብቲ ህዝቢ ዝሓንጸጾ ቅዋም ከይወጻ፥ መንግስቲ የቚማ።  ኣብ መወዳእታ ድማ እቲ ዝቖመ መንግስቲ ብልሽው ምሕደራ ምስ ዘካይድ እተን ኣብ ውድድር ዝተሳዕራ ውድባት ብወገንን ተቓወምቲ ይኾና እሞ ዲሞክራሲ ውሕስነት ከምዝህልዎ ንምኽኣል ነቲ ቅኑዕ ምሕደራ ዝሰሓተ መንግስቲ ኣገባቡ ክእርም ይቃለሳ።

ኣብ ደንበ ተቓውሞ ተወዳዲሩ ዝሰዓረ፣ ወይ ዝተሳዕረ ኣሎ ድዩ? ነየናይ ስልጣንከ እዩ ዝወዳደር? እዚ ፈጺሙ ስለዘየለ በቲ ንቡር ከም ኣብ ዘዘለናዮ ሃገራት ግደን ዕላማን ሰልፍ ዘሎ ኣብ ኤርትራ የለን። ንዘየለ ድማ ግዜ ምጥፋእ ጽቡቕ ኣይኮነን። ስለዚ  እቲ ንቡር ንሱ ካብ ኮነ እተን ዘለዋ ውድባት እንታይ እዩ  ስርሐን ምስ እንብል ፣ ውድባትን ሰልፍታት ኤርትራ ሓንትን ንጽሩነትን ነዚ ስርዓት ኣሊኻ ዲሞክራሲያዊ መንግስቲ ምምስራት እዩ። ስለዚ ፖለቲካዊ ሰልፍታትን ውድባትን ስረሐንን ሓልፍነትን ንምልክን ምልካዊ ኣተሓሳስባን ምድምሳስ፥ ኮይኑ፡ ብግዝኣተ ሕጊ ዝኣምንን ዲሞክራሲያዊ ለውጢ ንምግባርን ውሑስ ዝገብራ እየን።