ባህግና Eri Bahgna Media 15.03.2026 ጉዕዞ ህግደፍ መሊሱ ከንቆልቁል፥ 8 መጋቢት ኣህጉራዊ ማዓልቲ፥ ኣብ ዝኽሪ ኲናት ዓድዋ ኸ እንታዩ ተባሂሉ
Written by Eri Bahgna MediaMedia
- ምምሕዳር ቤት ጽሕፈት ኣቦመንበር ሰልፊ ዲሞክራሲ ህዝቢ ኤርትራ ብዝሰርዖ፡ ኣቦመንበር ሰዲህኤ ብጻይ ገረዝጊሄር ተወልደ ብ14 መጋቢት 2026 ምስ ኣባላት ሰልፊ ተኸታታሊ ኣኼባታት ኣካይዱ። ኣብዚ ንተሳተፍቲ ዝጥዕም ሰዓታት ኣብ ግምት ብምእታው ዝተኻየደ ኣኼባታት ብዛዕባ ህልዊ ኩነታት ሰልፊ፡ ኤርትራን ዞባን ሰፊሕ መብርሂ ሂቡ።
- ኣብ መግለጺኡ ዝያዳ ካብ ዘተኮረሎም ዛዕባታት፡ ክልተ ዓመቱ ዘሕለፈ ፈኸራ ፈደራል መንግስቲ ኢትዮጵያ ኣንጻር ልኡላውነትን ግዝኣታዊ ሓድነትን ኤርትራ፡ ጉጅለ ህግደፍ ነዚ ዝምልከት ህዝቢ ግቡእ ግንዛበ ንክረክብ ዘካይዶ ጻዕሪ ኣዝዩ ድኹም ምህላዉን ሰዲህኤን ካለኦት ሓይልታት ለውጢ ኤርትራን ውግእ መፍትሒ ከምዘይከውን ብምርዳእ ዝገብርዎ ዘለዉ ጻዕርታትን ዝምልከት ሰፊሕ መብርህታት ሂቡ። ኣብ ርእሲዚ ኩነታት ሱዳንን ኣብ ዞባና ዝረአ ዘሎ ቅልጡፍን ተለዋዋጥን ፖለቲካዊ ኣሰላልፋን’ውን ኣረዲኡ። ኣብዚ እዋንዚ ኣህጉራውን ዓለምለኻውን ሕግታትን ውዕላትን እናተጣሕሱ፡ ሓይልን ዓመጽን ልዕልና ይሕዝ ምህላዉ ዘሻቕል ዘሎ ተርእዮታት ምዃኑ’ውን ኣገንዚቡ።
- ብፍላይ ንምንቅስቓስ ሰዲህኤ ኣብ ዝምልከቱ ዛዕባታት ዝያዳ ቆላሕታን ኣተኩሮን ብምሃብ ኣብ ዝጠቐሶ ከኣ፡ ብዛዕባ ኣብ መጻኢ ክዕመሙ ዝግበኦም ተግብራት መጽናዕቲ ክካየድ ከም ዝጸንሐን ናብ ምትግባሩ ንምእታው ወጺኡ ብዛዕባ ዘሎ ትልምታትን ኣብሪሁ። ኣባላት ሰዲህኤ ነቲ ትልሚ ብምትግባር ዝሓሸ መጻኢ ንምርኣይ ድሉዋት ንክኾኑ ጸዊዑ። ምስዚ ብምትሕሓዝ ድማ ብቤት ጽሕፈት ዜና ሰዲህኤ ብቋንቋታት ዓረብን ትግርኛን ዝዳለው መደብ ባህግና፡ ብመንገዲ ኤሪሳት ናብ ኤርትራ ይበጽሕ ምህላዉ ጠቒሱ፡ ቀጻልን ኣድማዕን ንክኽውን ከኣ ኣተባቢዑ።
- ከምኡ ከኣ ከም ኣካል ምድላው ን5ይ ጉባአ ሰዲህኤ፡ ብማእከላይ ባይቶ ዝተመዘት፡ ሓጻይት ሽማግለ መደባታት ሰሪዓ ስረሓ ጀሚራ ከምዘላ ጠቒሱ ኣባላት ንክተሓባበርዋ ኣተሓሳሲቡ። ንጉዕዞ ፖለቲካዊ ሓይልታት ኤርትራ (ፖሓኤ)፡ ኣብ ዝምልከት ከኣ ነቲ ጉዕዞ ንምብራኽን ምስፋሕን ብመጽናዕቲ ናይ ምስናዩ ጻዕሪ ይግበር ከም ዘሎ ብምጥቃስ፡ ሰዲህኤ ኣብዚ መዳይ ኣበርክቶኡ ቀጻሊ ከም ዝኸውን ኣረጋጊጹ።
ድሕሪ’ቲ መብርሂ፡ ተሳተፍቲ ኣኼባ ብዛዕባቲ ኣቦመንበር ዝጠቐሶ ዛዕባታትን ተዛመድቲ ጉዳያትን ንዘቕረብዎም ሕቶታት መልስን መብርህን ተዋሂቡ። ዝቐረቡ ሃነጽቲ ርኢቶታትን ለበዋታትን ከኣ ተመዝጊቦም። ድሕርዚ ተሳተፍቲ ናይቲ ኣኼባታት፡ ኣብዚ ቅልጡፍ ምቅይያራት ዝረአየሉ ዘሎ ተሃዋሲ ፖለቲካዊ ምዕባለታት፡ ከምዚ ዝኣመሰለ ኣብ ሰሰለስተ ኣዋርሕ ዝጋባእ መደብ ርክብ ኣባላት ምፍጣሩ ንኢዶም፡ ኣብ መጻኢ ቀጻሊ ክኸውን ከኣ ተላብዮም።
ኣቦመንበር ኣኼባታት ኣብ ዝደምደመሉ፡ ተሳትፎ ኣባላት ሰዲህኤ ኣብ ኩሉ መዳያት ዝነኣድ ኮይኑ ምጽንሑ ደጊሙ ብምምጓስ፡ ኣብ መጻኢ ከኣ ነቲ ኣብ ቅድሜና ዘሎ ዝተፈላለየ ገጻት ዘለዉዎ ብደሆታት ንምብዳህ ኣበርክቶኦም ኣሕይሎም ክቕጽሉ ኣዘኻኺሩ።
ከጀቲል ትሮንቮል ዝተባህለ ተመራማሪ ጐንጽን ሰላምን ኣብ ሓድሽ ዩኒቨርሲቲ ኦስሎ፡ ኣናዶሉ ንዝተባህለ ማዕከን ዜና ኣብ ዝሃቦ ሓበሬታ፡ ኣብ መንጎ ኤርትራን ኢትዮጵያን ዘሎ ወጥሪ ናብ ውግእ እንተዓሪጉ ካብ 10 ክሳብ 15 ሃገራት ኢደን ዘእትዋሉ ክኸውን ከም ዝኽእል ብምጥቃስ ስግኣቱ ገሊጹ።
እቲ ተመራማሪ፡ ኤርትራ ዝሓለፈቶም ዝተፈላለዩ ታሪኻዊ ምዕራፋት ብምድህሳ፡ ህዝቢ ኤርትራ ምእንቲ ናጽነቱ 30 ዓመታት ከም ዝተቓለሰት ጠቒሱ፡ ናይ ኢትዮጵያ ብወደብ ዓሰብ ምጥቃም ድሕሪ’ቲ ኣብ 1998-2000 ዝተኻየደን ህይወት ኣሸሓት ዝሃለቕሉን ውግእ ከም ዝተቋረጸ ኣስፊሩ። ኣብይ ኣሕመድ ዝመርሖ መንግስቲ ኢትዮጵያ፡ ኣብ 2018 ንቀያድን ናይ መወዳእታን ውሳነ ዶብ ኤርትራን ኢትዮጵያን ክተግብሮ እየ ብምባሉ፡ ንሽልማት ኖበል ሰላም ዘብቀዖ ሰላም ተፈጢሩ ነይሩ ኢሉ። ደሓር ግና ውግእ ትግራይ 2020-2022 ተኸቲሉ እቲ ሃዋህው ሰላም ከም ዝተዘርገን ኢትዮጵያ ሕቶ ዋንነት ኣፍደገ ባሕርን ወደብ ዓሰብን ከተቕርብ ብምጅማራ መሊሱ ከም ዝተጋደደ ኣብቲ ጽሑፉ ኣስፊሩ።
ኣብዚ እዋንዚ ይረአ ብዘሎ ወጥሪ፡ ኣብ መንጎ ክልቲአን ሃገራት ውግእ እንተጀሚሩ፡ ካብ 3 ኣህጉራት ካብ 10-15 ሃገራት ዝሳተፋሉ ኢድ ኣእታውነት ክፍጠር ይኽእል እዩ ድሕሪ ምባል፡ ነቲ ከጋጥም ዝኽእል ኩነታት ምስ ተመኩሮ ውግእ ኮንጎ ብምዝማድ “2ይ ውግእ ዓለም ኣፍሪቃ” ዝብል ስያመ ብምሃብ፡ ኣብቲ ጽሑፉ ገሊጽዎ’ሎ። ኣብ መንጎ ክልቲአን ሃገራት ወጥሪ ዝጀመረ ድሕሪ ውግእ 1998-2000 እኳ እንተኾነ፡ እዚ ሎሚ ዝረአ ዘሎ ዝተጋደደ ድሕሪ ምኽታም ውዕል ፕሪቶርያ እዩ ከኣ ኢሉ።
እቲ ወጥሪ ኣብዚ ሎሚ ዘለዎ ደረጃ ዝበጸሐ፡ ኢትዮጵያ ብ2024 ገማግም ቀይሕ ባሕሪ ኤርትራን ወደብ ዓሰብን ናይ ምውናን ሕቶ ምስ ኣልዓለት እዩ ዝበለ እቲ ፕሮፌሶር፡ ናብዚ ዝደፈኦ ከኣ መንግስቲ ኤርትራ ፋኖ ኣምሓራን ሓይልታት ትግራይን ሓቢሮም ኣንጻር መንግስቲ ኣብይ ኣሕመድ ከም ዝስለፉ ክሕግዝ ምስ ጀመረ እዩ ይብል። እቲ ኢትዮጵያ ኣብ 2025ን መጀመርታ 2026ን ናብ ውድብ ሕቡራት ሃገራት ዝጸሓፈቶ ናይ ጥርዓን ደብዳበታት፡ ኤርትራ በዓል ፋኖ ኣምሓራን ህወሓትን ብምዕጣቕን ሰራዊታ ካብ መሬት ኢትዮጵያ ዘይምውጸኣን ከም ዘሻቕሎ ዘመልክት’ዩ ክብል’ውን ገሊጹ።
ፕሮፌሶር ትሮንቮል፡ ኣብ መንጎ ክልቲአን ጐረባብቲ ሃገራት ዝኽፈት ውግእ፡ ካብኣተን ሓሊፉ ንዘይምርግጋእ ዞባ ቀርኒ ኣፍሪቃ ጠንቂ ከም ዝኸውን ኣጠንቂቑ። ናይ ኢትዮጵያ ኣብ ትግራይን ዶብ ኤርትራን ብብዝሒ ሰራዊት ምእካብ ሓደገኛ ምልክት ብምዃኑ ስግኣቱ ገሊጹ።
ኣብ መወዳእታ ከኣ ዝምልከቶም ዞባውን ዓለም ለኻውን ትካላት፡ ውግእ ንከይክፈት፡ ኤርትራ ካብቲ ኢትዮጵያ ሕቶ ዋንነት ባሕሪ ንከተልዕል ከም ምኽንያት ተቕርቦ ዘላ ኢድ ኣእታውነት ክትቁጠብ፡ ኢትዮጵያ ድማ ካብቲ ተርእዮ ዘላ ወተሃደራዊ ምልዕዓላት ንከተቋርጽ ዲፕሎማሲያዊ ተጽዕኖኦም ንከሕይሉ ጸዊዑ።
ሓደጋ ካብ ዘጋጠመሉ ቦታታት ሓደ
ኣብ ኢትዮጵያ ክልል ደቡብ፡ ጋሞ ኣብ ዝተባህለ ዞን፡ ብሰንኪ ከቢድ ዝናብ ዘኸተሎ ምህማም መሬትን ሕያል ውሕጅን፡ 5 ኣባላት ሓደ ስድራቤት ዝርከብዎም ብዙሓት ሰባት ከም ዝሞቱ “ኢትዮጵያ ኢንሳይደር” ዝተባህለት መርበብ ሓበሬታ እቲ ሓዳጋ ናይ ዘጋጠመላ ወረዳ ጋጫ ባባ ኣመሓዳሪ ኣቶ ብሩክ ቡጻ ብምጥቃስ ሓቢራ። በቲ 11ን 12ን መጋቢት 2026 ዘጋጠመ ተፈጥሮኣዊ ሓደጋ 70 ሰባት ክሞቱ እንከለዉ ኣስታት 120 ዝኾኑ ከኣ ሃለዋቶም ከምዘይተፈለጠ እታ መርበብ ሓበሬታ ኣፍሎጣ።
ናይቲ ዞና ኣመሓዳሪ በቲ ምህማም መሬት ካብ 4 ወረዳታት ንዝተመዛበሉ ልዕሊ 3 480 ግዳያት ብመንግስቲ ናይቲ ክልል መግቢ፡ መድሃኒትን ካልእ ቀረብን ዝምልከት ዝተወሰነ ህጹጽ ረዲአት’ኳ እንተተዋህበ፡ ናይቶም ዝሙቱ ግዳያት ኣስከሬን ንምውጻእን ናይቶም ሃለዋቶም ዝጠፈአ ኩነታት ንምጽራይን ዘኽእል ናይ መሳርሒ ሓገዝ ግና ከምዘይረኸቡ ጠቒሱ።
ናይቲ ዞና ሓላፊ ቤት ጽሕፈት ሓደጋት ስግኣትን ኣቶ መስፍን ብወገኑ፡ እቲ ሓደጋ ዘጋጠመሉ ከባቢ ሰፊሕን ንመራኸቢ ዘይምችእን ብምዃኑን ካብ ዝተፈላለዩ ከባብታት ግቡእ ጸብጻብ ስለ ዘይቀረበ ናይ ዝሞቱ፡ ደሃዮም ዝጠፈአን ዝተመዛበሉን ሰባት ቁጽሪ ካብቲ ዝተጠቕሰ ክዛይድ ከም ዝኽእል ኣፍሊጡ። ፕረሲደንት ክልል ደቡብ አቶ ጥላሁን ከበደን ዶር ደምሴ ኣድማሱ ዝተባህለ ኣመሓዳሪ ዞና ጋሞን ኣብቲ ሓደጋ ዘጋጠመሉ ቦታ ብኣካል በጺሖም ነቲ ኩነታት ከም ዝተዓዘብዎን ንቤተሰብ ግዳያት ከም ዘጸናንዑን እውን ኢትዮጵያ ኢንሳይደር ኣፍሊጣ። ፈደራላዊ መንግስቲ ኢትዮጵያ ናይ ሰለስተ መዓልታት ናይ ሓዘን ከም ዝኣወጀ ከኣ ተፈሊጡ።
ባህግና Eri Bahgna Media 15.03.2026 ዝኽሪ መበል 62 ዓመት ሓርበኛዊ ስርሒት ሰሓኤ ዓወት ቶጎርባ
Written by Eri Bahgna MediaMedia
እቲ ናይ 30 ዓመታት መሪር ብረታዊ ቃልሲ ህዝቢ ኤርትራ፡ ብግቡእ እንተዝስነድ ነፍሲ ወከፍ ዕለት ናይ ገዛእ ርእሳ ኣሰር ኣንቢራ’ያ ሓሊፋ። ዕለታት ምጅማር ብረታዊ ቃልሲ፡ ምርግጋጽ ናጽነትን ምእዋጅ ወግዓዊ ልኡላወነት ኤርትራን ናይቲ ኣዝዩ ብዙሕ ዝርዝር ዝሓቖፈ ነዊሕ መስርሕ ፖለቲካዊ ቃልሲ ህዝቢ ኤርትራ፡ ታሪኻዊ ዕድለኛታት ፍጻመታት እየን። 15 መጋቢት 1964 ዝኽሪ ሓርበኝነት ተጎርባ ከኣ ኣብቲ መስርሕ ብረታዊ ቃልሲ ናይ ገዛእ ርእሳ ተዘክሮ ኣንቢራ ዝሓለፈት ናብ ነጻነት ካብ ዘብጽሐ ዕለታት ሓንቲ እያ። እነሆ ከኣ ንዝሓለፈ 62 ዓመታት ንሓርበኛታታን ጀግንነቶምን ንዝክር ዘለና።
ሓይልታት መግዛእቲ ኢትዮጵያ፡ ሰውራ ኤርትራ ንምብርዓን፣ ብምስትነዓቕን ብደዐን ብሓይሊ ፖሊስ ዓባይ ጥራይ ክከላኸልዎ ዝገበርዎ ፈተነታት ውጽኢት ምስ ሰኣንሉ፡ ኣብዚ ዝተጠቕሰ ዕለት ኣብ ተጎርባ ፍሉይ ሓይሊ ካብ ሃይኮታ ኣውፊሮም ኣንጻርቶም ልዕልና ዕላማ፣ ትብዓትን ጽንዓትን እንተዘይኮይኑ፡ ኣዝዩ ውሑድ ቁጽርን ድሑር ኣጽዋርን ዝነበሮም ምዑታት ኣሃዱታት ተጋድሎ ሓርነት ኤርትራ ገጢሞም። ዕላመኦም ከምቲ ክሳብ ስዕረቶም ብተደጋጋሚ ተፈቲኑ ዝፈሸለ ካለኦት ግፍዓዊ ስርሒታቶም፡ ነቲ ናይ ሰውራ ቁልዒ ሓንሳብን ንሓዋሩን ንምቕሃሙ ነይሩ። እንተኾነ ኩነታታት ካብ ትጽቢቶም ወጻኢ ኮይኑ፡ ኣብዚ ናይ መጀመርያ ኣትኪልካ ፊትንፊት ግጥም መኮነናት ዝርከብዎም 84 ኣባላት ሰራዊት ኢትዮጵያ ተቐቲሎም፡ ኣስታት 22 ከኣ ተወጊኦም። ሓይልታት መግዛእቲ ኣብ ልዕሊ እቲ መጀመርያ ዘሰለፍዎ ኣስታት 200 ሓይሊ ሰብ፡ ተወሳኺ ረዳኢ ዓቕሚ’ኳ እንተሰለፉ ካብ ስዕረትን ክሳራን ክድሕኑ ግን ኣይከኣሉን።
እቲ ብሓርበኛ መሓመድ ዓሊ ኢድሪስ (ኣቡ ርጃላ) ዝምራሕ ዝነበረ ሰራዊት ሓርነት ኤርትራ፡ ኣብ ልዕሊ ጸላኢ እዚ ዝተጠቕሰ ጉድኣትን ክሳራን ኣውሪዱን ኣሕፊሩን ነቲ ግጥም ናብ ሓድሽ ምዕራፍ ከሰጋግሮ እንከሎ፡ ብጥራዩ ዘይኮነ ክቡር ዋጋ ከፊልሉ እዩ። በዚ መሰረት ኣብ ውግእ ተጎሩባ 18 ምዑታት ተጋደልቲ ብጀግንነት ክስዉኡ እንከለዉ 4 ከኣ ተወጊኦም። ካብቶም ስዉኣት፡ እድሪስ ኣደም ፋጃጅ፡ ዑስማን ዓፋ እድሪስ፡ እድሪስ መሓመድ ዓሊ ሑመድ፡ ዑስማን መሓመድ ዓሊ ኣፋዳድ፡ ዓሊ እድሪስ ጀምዕን ሳልሕ ኑር ሓምደን ዝበሃሉ ሓርበኛታት ከም ዝርከብዎም፡ “ዛንታና” ዝብል ኣቡ ርጃላ ብምውካስ ዝተዳለወ ሰነድ ይሕብር።
ሓይልታት መግዛእቲ ኣደዳ ዘይተጸበይዎ ስዕረትን ክሳራን ኮይኖም ናብቲ ዝመጽዎ ሃይኮታ ምስተመልሱ፡ ኣብቲ ዝተሳዕርሉ ውግእ ኢድ ንዘይነበሮም 8 ሲቪል ኤርትራውያን ቀቲሎም። ህዝቢ ንምርዓድን ምስ ሰውራኡ ከይተሓባበር ንምፍርራሕን ከኣ ናይቶም ስዉኣት ተጋደልትን ኣብ ከተማ ዝተቐትሉን ሬሳታት ኣብ ከተማታት ሃይኮታ፡ ኣቑርደት፡ ባረንቱን ከረንን ንነዊሕ ሰዓታት ሰጢሐሞ። ውጽኢቱ ግና ከምቲ ዝተጸበይዎ ራዕዲ ዘይኮነ፡ ሕራነ ኤርትራውያን’ዩ ፈጢሩ።
ግጥም ተጎርባ ከም ኣገዳሲ ታሪኻዊ ተዘክሮ፡ ፍሉይ ጅግንነት ዝተፈጸመሉን ካብቲ ካልእ ውግኣት ኣብ ልዕሊ ጸላኢ ዝለዓለ ራዕዲ ዝፈጠረ ጥራይ ኣይኮነን። ካብኡ ሓሊፉ ነቲ ወተሃደራዊ ግጥም ናብ ሓድሽ ናይ ፊት-ንፊት ምዕራፍ ዘሰጋገረ ስለ ዝነበረ፡ ነቲ ኣብ ኤርትራ ካብ ምብራቕ ናብ ምዕራብ፡ ካብ ሰሜን ናብ ደቡብ ዝተፈጸመ ጅግንነት ኣፍደገ ዝኸፈተ ስለ ዝነበረ እዩ ብፍሉይ ከም መዓልቲ ሰራዊት ሓርነት ዝዝከር።
ውግእ ተጎሩባ እቲ ወሳኒ ስንቅን ኣጽዋርን ኣብ ሕልና ጀጋኑ ዝሰረጸ ጽንዓት፡ ቅሩብነትን ተወፋይነት ምዃኑ ዘርኣየ እዩ። እቲ ዝተበግስሉን ዋጋ ዝኸፈልሉን ፍትሒ ናይ ምርግጋጽ ቃልሲ ግና፡ እቲ ሓደ ካብቲ ሓደ እንዳተቐባበልና ኣብዚ ሎሚ ዘለዎ ደረጃ በጺሑ ኣሎ። እቲ በብግዜኡ ነዚ ረዚን ሓላፍነት ዝርከብ ትውልዲ ከኣ መምስቲ ዝርከበሉ መድረኽ ዝመጣጠን ካልእ ተጎርባ ናይ ምስራሕ ሓላፍነት ከም ዘለዎ፡ ብፍላይ ኣብዚ ንርከበሉ ዘላን ኩነታት ንካልኢት’ኳ ክዝንግዕ ኣይግብኦን። ነዚ ንምዝኽኻር ኢና ከኣ ንተጎርባን ካለኦት ታሪኻውያን ዕለታትን ዓመት መጸት እንዝክረን።
ኣብ ተጎርባ ዓወት ዝተመዝገበሉ ግዜን ኩነታትን ብብዙሕ መልክዑ ካብዚ ዘለናዮ ዝተፈልየ እዩ ነይሩ። ናይ ሓይልታት ኣሰላልፋ፡ ናይቲ ቃልሲ እስትራተጅን ስልትን፡ ናይ መራኸቢ ምዕባለ፡ ናይ ጸላኢ ባህሪ፡ ጠቕላላ ዓለማዊ ኩነታት … ወዘተ ዝተፈልዩ እዮም። ብዓብይኡ ከኣ ቅያ ተጎርባን ካለኦት ግጥማትን ኣብ ፍረ በጺሖምስ ድሕሪ ነጻነት ንሓርነትን ምዕቃብ ልኡላውነትን ኣብ እንቃለሰሉ ፍሉይ ባህሪ ዘለዎ ምዕራፍ ኢና ዘለና። እዚ ክበሃል እንከሎ ግና ሎሚን ግዜ ተጎሩባን፡ ናይ ተመኩሮ ምውርራርስን ምትእስሳርን የብሎምን ማለት ኣይኮነን።
ኣብ ግዜ ዓወት ተጎርባ ኮነ ሎሚ ሕቶ ህዝቢ ቅድሚት ምስራዕ ኣብ ቦታኡ እዩ። ሽዑ ኮነ ሎሚ ወሳኒ ግደ ተሳትፎ ህዝቢ ኣብ ቦታኡ እዩ። ንትማሊ፡ ሎምን ጽባሕን ናይ ምትእስሳር ብጽሒት መንእሰይ ከኣ ህያው እዩ። ከምዚ ናትና ዝኣመሰለ ነዊሕን ኣብ ምዕራፍት ዝተኸፋፈለን ቃልሲ ብሓደ ውሱን ትውልዲ ዝውዳእ ኣይኮነን። እንታይ ደኣ ካብ ወለዶ ናብ ወለዶ ዝሰጋገር እዩ። ናይዚ ምስግጋር ቀንዲ ሞተርን ድንድልን ከኣ መንእሰይ እዩ። ስለዚ እዚ ንርከበሉ ዘለና እዋን ከም ወትሩ፡ ዝያዳ ኩሉ ክፍልታት ሕብረተሰብ ንመንእሰይ ትውልዳዊ ሓላፍነት ዘሰክሞ ምዃኑ በዚ ኣጋጣሚ ምዝኽኻሩ ኣገዳሲ እዩ።
ሓላፍነት መንእሰይ ኩሉ ግዜ ዕዙዝ ኮይኑ፡ ከከምቲ መድረኹ ከቢድን ቀሊልን ክኸውን ይኽእል። ናይ ሎሚ መንእሰይ ሓላፍነት፡ ካብ ናይ ግዜ ተጎርባ መንእሰይ ሓላፍነት ዝተፈልየን ዝኸበደን ክኸውን ግድነት እዩ። ብመንጽር’ዚ፡ መንእሰይ ኤርትራ ስለ ዝመረጾ ዘይኮነ፡ ሓራን ዲሞክራስያዊትን ልኡላዊት ኤርትራ ንምዕቃብ እዚ ንርከበሉ ዘለና መድረኽ ዝጠልቦ ሓላፍነት እዩ ዝስከም።
በዚ ኣጋጣሚ ከኣ ነዚ ዘንጸላልወና ዘሎ ከባብያዊ ናይ ኣሰላልፋን ሕልኽልኽ ምዕባለታትን፡ ብፍላይ ከኣ ሃቐነ ግሃሰት ልኡላውነትና ብኢትዮጵያ፡ ኣብ ግምት ኣእትዩ፡ ምስ ትማልን ጽባሕን ኣገናዚቡ፡ ክሳብ ሕጂ ንዝተመዝገበ ታሪኻዊ ጽንዓት ዓቂቡ፡ ነዊሕ ዘማዕዱ ራኢ ወኒኑ ናይ ምቅላስን ምስግጋርን ካልእ ከስከመሉ ዘይክእል ከቢድ ሓላፍነት ከም ዘለዎ ንመንእሰይ ኤርትራ ኣብ ርእሲቲ ግንዛበኡ ነዘኻኽሮ። እዚ ከምዚሉ እንከሎ፡ ሓይልታት ለውጢ ኤርትራ እውን ኣብ ቅነ እዚ ታሪኻዊ ዕለት፡ ብዛዕባቲ ዝዓበየ ጉድለቶም ኮይኑ ዘሎ ሓቢርካ ክትቃለስ ዘይምብቃዕ ከስተብህልሉ ዘለናዮ እዋን ዝጠልቦ’ዩ ንብሎም።
ዘለኣለማዊ ክብርን ዝኽርን ንሰማእታት ኤርትራ!
15 መጋቢት 2026
نلتقي بكم اليوم في مناسبة عالمية مهمة، يحتفل بها العالم في الثامن من مارس من كل عام، وهي اليوم العالمي للمرأة؛ اليوم الذي يُعد فرصة للاحتفاء بإنجازات المرأة، واستذكار نضالها الطويل من أجل الكرامة والمساواة والمشاركة الفاعلة في بناء المجتمعات
إنه يوم لتكريم المرأة في كل مكان… الأم، والمربية، والعاملة، والقائدة، وصانعة الأمل في حياة الشعوب
يرجع تاريخ الاحتفال باليوم العالمي للمرأة إلى بدايات القرن العشرين، عندما بدأت النساء في عدد من الدول الصناعية بالمطالبة بحقوقهن الأساسية في العمل والكرامة والمشاركة السياسية
ومن أبرز الأحداث التي ارتبطت بتاريخ هذا اليوم، خروج مظاهرات نسوية في مدينة نيويورك عام 1908، حيث طالبت آلاف العاملات بتحسين ظروف العمل وتقليل ساعات العمل ومنح المرأة حق التصويت
وفي عام 1910، وخلال مؤتمر النساء الاشتراكيات الذي انعقد في مدينة كوبنهاغن في الدنمارك، اقترحت المناضلة الألمانية كلارا زيتكين تخصيص يوم عالمي للمرأة، ليكون مناسبة سنوية لتوحيد جهود النساء في مختلف أنحاء العالم للدفاع عن حقوقهن
وبعد عقود من النضال، اعترفت الأمم المتحدة رسمياً بهذه المناسبة عام 1975، ليصبح الثامن من مارس يوماً عالمياً تحتفل به دول العالم سنوياً
وفي كل عام يُرفع شعار عالمي يعكس أولويات المرحلة، ويؤكد أهمية تمكين النساء والفتيات، وتعزيز مشاركتهن في التنمية وصنع القرار، وبناء مجتمعات أكثر عدلاً وتوازناً
فتمكين المرأة لم يعد مجرد مطلب اجتماعي، بل أصبح شرطاً أساسياً لتحقيق التنمية المستدامة وبناء مستقبل أفضل للأجيال القادمة
المرأة الإرترية… تاريخ من النضال
وعندما نتحدث عن المرأة ودورها في المجتمع، فإننا نجد نموذجاً ملهماً في المرأة الإرترية التي لعبت دوراً محورياً في تاريخ بلادها الحديث
فخلال سنوات الكفاح المسلح من أجل الاستقلال، كانت المرأة الإرترية حاضرة بقوة في مختلف ميادين النضال، حيث شاركت في صفوف المقاومة، وأسهمت في الدعم اللوجستي والعمل الطبي والتنظيمي، وقدمت تضحيات كبيرة في سبيل حرية الوطن
لقد أثبتت المرأة الإرترية أن النضال من أجل الوطن ليس مسؤولية الرجال وحدهم، بل هو مسؤولية مشتركة بين أبناء الوطن جميعاً
وقد شكّلت هذه المشاركة الواسعة علامة فارقة في تاريخ المجتمع الإرتري، حيث برزت المرأة كقوة فاعلة في مسيرة التحرر الوطني
لم تكن المرأة الإرترية مجرّد شريكة في الماضي النضالي فحسب، بل كانت ولا تزال فاعلاً أساسياً في بناء الحاضر وصناعة المستقبل. غير أننا نلاحظ تراجعاً ملحوظاً في حقوق المرأة، مقارنة بما كانت عليه خلال الكفاح المسلح. ويعود ذلك إلى أن قضية المرأة تُعد من القضايا الجوهرية المرتبطة بإشكالية تحرير المجتمع بأسره، ودمقرطته؛ إذ لا يمكن تصور معالجة إحدى هاتين المسألتين بمعزل عن الأخرى، لأن تحرر المجتمع يظل ناقصاً ما لم يقترن بتحرّر المرأة وضمان حقوقها
إن الاحتفال بـ اليوم العالمي للمرأة هو تذكير بأهمية دعم المرأة وتمكينها، وتوفير الفرص المتكافئة لها في التعليم والعمل والمشاركة في صنع القرار
فالمجتمع الذي يمنح المرأة مكانتها المستحقة هو مجتمع أكثر قوة وتماسكاً وقدرة على التقدم
كما أن الاستثمار في تعليم الفتيات وتمكين النساء اقتصادياً واجتماعياً يعد من أهم العوامل التي تسهم في تحقيق التنمية والاستقرار
في هذا اليوم العالمي، نوجّه تحية تقدير وإجلال لكل امرأة إرترية ساهمت في بناء الوطن، ولكل امرأة حول العالم تناضل من أجل مستقبل أفضل
تحية للأم التي تصنع الأجيال…
وللمعلمة التي تنير العقول…
و للعاملة التي تبني المجتمع…
ولكل امرأة جعلت من العطاء طريقاً للحياة
كل عام والمرأة بخير…
وكل عام والمرأة رمزٌ للقوة والعطاء والأمل
More...
ጸሓፊ ወጻኢ ጉዳይ ኣሜሪካ ማርኮ ሩብዮ፡ ብ11 መጋቢት 2026 ናብ ቀዳማይ ሚኒስተር ኢትዮጵያ ኣብይ ኣሕመድ ዓሊ ብስልኪ ከም ዘዘራረቦ ናይቲ ቤት ጽሕፈት ምክትል ወሃቢ ቃል ቶሚ ፒጎት ኣፍሊጡ። ኣብ ዝርርቦም ብዛዕባ ዞናዊ ምርግጋእን ምውሓስ ዘተኣማምን ጸጥታን፡ ምቅላስ ኣንጻር ምፍጣር ራዕድን ቁጠባዊ ምትሕብባር ምቕጻልን ኣብ ዝምልከቱ ዛዕባታት ከም ዘልዓሉ’ውን ቶሚ ሓቢሩ።
ምስዚ ብምትሕሓዝ ናይቲ ናይ ስልኪ ርክብ ቀንዲ ዓላማ፡ መንግስቲ ኢትዮጵያ ኣብዚ ኣብ ቀርኒ ኣፍሪቃ ዝረአ ዘሎ ወጥሪ፡ ምስ ኤርትራ ናብ ዘይተደልየ ጐንጺ ንከይኣቱን ብጀነራል ደጋሎ ንዝምራሕ ዕጡቕ ተወርዋሪ ሓይሊ ሱዳን ካብ ምሕጋዝ ክቑጠብን፡ መልእኽቲ ዋሽንግተን ንምትሕልላፍ ምንባሩ ድማ፡ ኦል ኣፍሪካ ዝተባህለት መርበብ ሓበሬታ ኣፍሊጣ።
እዚ ከምዚሉ እንከሎ፡ እቲ ናይ ስልኪ ዝርርብ ዝተኻየደ፡ መራሕቲ ጅቡቲ፡ ኢትዮጵያን ሶማሊያን ኣብ ከተማ ጅቡቲ ኣብ ኣኼባ ኣብ ዝነበርሉ እዩ። ናይቲ ኣኼባ መራሕቲ ሰለስቴን ጉረባብቲ ሃገራት ዕላማ፡ ኣብ ዞባ ቀርኒ ኣፍሪቃ ዘሎ ወጥሪ ንምህዳእን ምትሕብባር ንምቕጻልን ምንባሩ ከኣ፡ “ሆርን ዲፕሎማት” ዝተባህለ ኣካል ጠቒሱ።
ተዓዘብቲ ናይቲ ኣብ ጅቡቲ ዝተኻየደ መራሕቲ ጐረባብቲ ሃገራት ብወገኖም፡ እቲ ርክብ ኣብ መንጎ ኢትዮጵያን ኣፍደገ ባሕረን ክትጥቀም እትደልየን ዘላ ሃገራትን ዝረአ ዘሎ ምትፍናን ንምህዳእ እዩ ይብልዎ። ብዛዕባ’ቲ ኢትዮጵያ ኣሰር እስራኤል ተኸቲላ፡ ንሶማሊላንድ ልኡላዊ ኣልጦ ክትህባ ትኽእል እያ ዝብል ግምት ከም ዝተዘራረቡ’ውን ተሓቢሩ።
ብዛዕባቲ ርክብ ኣሚሪካዊ ማርኮ ሩብዮን ኣብይ ኣሕመድን ኣኼባ መራሕቲ ኣብ ጅቡትን ብወገን ኢትዮጵያ ወግዓዊ መግለጺ ኣይተዋህበን።
ትካል ፕረሲደንት ሚካየል ዊልያም
ኤምባሲ ሱዳን ኣብ ኣሜሪካ፡ ዊልያምስ (TWG) ዝበሃል ትካል; ብመንጎኝነት ምስ መንግስቲ ኣሜሪካ ከም ዝቖጸረ እቲ እምባሲ ካብ ዋሽንግተን ብዝዘርገሖ ዜና ኣፍሊጡ። እቲ መንጎኛ ኣብዚ እዋንዚ ኣብ ክፍሊ ፍትሒ ኣሜሪካ ብዘሎ ስምዒት፡ ኣብ መንጎ መንግስቲ ሱዳንን ኣሜርካን ብዛዕባ ስትራተጅያዊ ቆንስላዊ ዝምድናን ምትሕግጋዝን ኩነታት ናይ ምጥጣሕ ሓላፍነት ከም ዝህልዎ ኣብቲ ዜና ሰፊሩ።
እቲ ውዕል ካብ 1 ጥሪ ክሳብ 31 ታሕሳስ 2026 ጸኒዑ ዝጸንሕ ከም ዝኾነን እቲ ኤምባሲ ነቲ ትካል ኣብ ወርሒ 60ሺሕ ዶላር ከም ዝኸፍሎን እውን ተሓቢሩ። በቲ ስምምዕ መሰረት እቲ ኣሜሪካዊ ትካል፡ ብስም ሱዳን ተክኒካዊ ትልሚ ከም ዘውጽእን ኣብ ቅድሚ መንግስቲ ኣሜሪካ፡ ባይቶን ጉጅለ ሓሰብትን ንድሌታት ናይቲ ኤምባሲ ከም ዝውክልን ተሓቢሩ።
እቲ ኣብ ትሕቲ ናይ ወጻእተኛታት ምዝገባ ሕጊ፡ እቲ ምስቲ ኤምባሲ ዝተሰማመዐ ትካል፡ ኣብ መንጎ መንግስቲ ሱዳንን ኣካላት ፈደራል መንግስቲ ኣሜሪካን ዝምድና ናይ ምህናጽ ተግባራት ክህልዎ እዩ። ነቲ ስምምዕ ካብ ኣንበሳደር ሱዳን ኣብ ኣሜሪካ መሓመድ ዓብደላ እድሪስ ብዝበጸሖ ደብዳበ መሰረት፡ ናይ ትካል ፕረሲደንት ሚካየል ዊልያም እዩ ፈሪምዎ። እቲ ስምምዕ ምስጢራዊ ዓንቀጻት ዝሓዘ ኮይኑ፡ ክልቲኦም ወገናት ናይ 30 መዓልታት ናይ ጽሑፍ ቅድመ-ስምዕታ ብምቕራብ ክስርዝዎ ይኽእሉ ዝብል ዓንቀጽ ይርከቦ።
ኣሜሪካ፡ ምስ መንግስታት ግብጺ፡ ስዑዲ ዓረብን ኢማረትን ኮይና፡ ጉዳይ ሱዳን ናይ ምፍታሕ ኣጀንዳ ሒዛ ከም ዘላ ዝፍለጥ እዩ። ትልሚ ሰላም ኣሜሪካ ብናይ ሰለስተ ኣዋርሕ ሰብኣዊ ምቁራጽ ተኹሲ ኣቢልካ ናብ ቀጻሊ ውግእ ምውጋድን ምምስራት ሲቪላዊ መንግስትን ምብጻሕ ዝብል እዩ። ብጀነራል ኣልቡርሃን ዝምራሕ መንግስቲ ሱዳን ኣብ ህልውና ኢማራት ኣብቲ ሽምግልና ዕቃበኡ ከስምዕ ምጽንሑ ዝዝከር እዩ።
ወዲ 56 ዓመት ወዲ ኣያቱላህ ዓሊ ካመኒ፡ ሞጅታባ ካመኒ፡ ኣብኡ ብምትካእ ላዕለዋይ መንፈሳዊ መራሒ ኢራን ኮይኑ ንክመርሕ ብቤት ምኽሪ ሊቃውንቲ ናይታ ሃገር ከም ዝተመርጸ፡ ዝተፈላለያ ማዕከናት ዜና ዓለም ኣፍሊጠን። እዚ ምርጫ ኣብኡ ብናይ ኣሜሪካን እስራኤልን ናይ ሓባር መጥቃዕቲ ምማቱ ድሕሪ 9 መዓልታት እዩ ተኻይዱ።
እዚ ሓድሽ ተመሪጹ ዘሎ ተካኢ ኣብኡ፡ ቅድሚ ሕጂ መንግስታዊ ስልጣን ዘይነበሮ፡ ኣብ መድረኻት ክዛረብ ዘይተሰምዐ፡ ብዘይካ ውሱናት ስእልታት ብህዝቢ ዝፍለጥ ብዛዕብኡ ዝሕብር ምልክታት ዘይጸንሖ ምዃኑን ጽልውኡ ድሩት ምዃኑን ኣብቲ ንድሕረ-ባይትኡ ዝምልከት ዝወጸ መግለጺ ተጠቒሱሎ።
ሞጅታባ ካመኒ፡ ድሕሪ ምምራጹ ነቲ 47 ዓመት ዝዕድመኡ እስላማዊ ረፑብሊክ ኢራን ከቐጽል እዩ ብዝብል፡ ፕረሲደንት መስኡድ ፐዘሽኪኣን ወሲኽካ ብናይታ ሃገር ጸለውቲ ፖለቲካዊ ባእታታትን ኣዘዝቲ ሰራዊትን ተቐባልነት ከም ዝረኸበ ኣልጀዚራ ሓቢራ።
መራሕቲ ቻይና፡ ሩሲያ፡ ዑማንን ዒራቕን ድሕሪቲ ምርጫ ናይ ሓጐስ መልእኽቲ ካብ ዝሰዳዱ ኮይኖም፡ ብፍላይ መራሒ ሩሲያ ብላድሚር ፑቲን ኣሰር ኣብኡ ንክሕዝ ዘለዎ ትጽቢት ገሊጹ፡ ኣብ ጐኑ ከም ዝስለፍ ኣፍሊጡ። ፕረሲደንት ፑቲን ብወገኑ ኣብ ምምራጽ መራሒ ኢራን ግደ ክህልወኒ ነይርዎ ብዝብል ነቲ ምርጫ ዓብይ ጌጋ ምዃኑ ጠቒሱ ዝቕጽል ኣይኮነን ኢልዎ።
10ይ መልቱ ሒዙ ዘሎ መጥቃዕቲ ኣሜሪካን እስራኤል ኣብ ልዕሊ ኢራን፡ ብሓፈሻ ኣብ ሓያሎ ሃገራት ናይቲ ከባቢ ብፍላይ ከኣ ኣብ ኢራን ኣዝዩ ከቢድ ጉድኣት ኣውሪዱ ናበይ ገጹ ከም ዝምዕብል ኣብ ዘይፍለጠሉ ደረጃ ኮይኑ ዓለም ዘሻቕል ዘሎ እዩ።
في هذه الوقفة الفكرية نتأمل علاقتنا بالماضي، وكيف يمكن أن تتحّولَ من مصدرِ حكمةٍ إلى عبءٍ يقيّد الحاضر، إذا لم نستخلص منها الدروسَ والعبرَ
يُعدّ الماضي، بكل ما يحمله من أحداث وتجارب ووقائع، مرجعاً أساسياً تستند إليه الأفعال في الحاضر، كما يشكّل أساساً للتطلّع إلى المستقبل. ومن الطبيعي أن نستحضر ذكريات الأمس ونحن نعيش يومنا، لأن التذكّر في حد ذاته ليس مشكلة، بل قد يكون ضرورة لفهم ما نحن عليه اليوم
لكن تذكّر الماضي لا يعني أن نُحبسَ داخله أو نصبح أسرى له ذهنياً. إنما المقصود هو أن نأخذ منه العِبر، وأن نتعلّم من إيجابياته كما من أخطائه. فالمجتمعات التي تتعلّم من تاريخها تستطيع أن تتجنب تكرار الأخطاء، وتبني حاضراً أكثر توازناً، ومستقبلاً أكثر استقراراً
إنّ مواءمة الجوانب الإيجابية من الماضي مع واقع الحاضر، مع تجنّب التكرار الأعمى للأخطاء، هو الطريق الأجدى لأي شعب أو دولة. أما الإصرار على اجترار الماضي دون فهم أو تعلّم، فهو نهج غير مجدٍ، لأنه يعيد إنتاج المآسي ذاتها ويمنع التقدّم
وفي المقابل، فإن استحضار التجارب السلبية بشكل دائم قد يتحول إلى عقبة أمام الأفراد والجماعات وحتى الأطر السياسية، فيعيق قدرتهم على التطلع إلى المستقبل. ولهذا يتطلب التحرر من إرث الماضي السلبي جهداً كبيراً، ونضالاً فكرياً مستمرّين
إذا نظرنا إلى التجربة الإرترية، نجد أن التاريخ ترك بصماته العميقة على الواقع. فقد شهدت إرتريا خلال مراحل كفاحها الوطني تجاربَ قاسية، وما يزال بعض أثر تلك التجارب حاضراً حتى اليوم. لقد كلّفت الشعب الإرتري الكثير من طاقاته وموارده، بل وأسهمت في إطالة أمد معاناته عندما أعادت إنتاج أنماط الماضي بدل تجاوزها والتوجه إلى بناء الدولة ومعالجة سلبيات الماضي
إن الكفاح الطويل الذي خاضه الشعب الإرتري عبر عقود، بل عبر قرون، لا يمكن إنكار ما فيه من صفحات مؤلمة يصعب حتى استعادتها. لذلك فإن المطلوب اليوم ليس نسيان التاريخ، بل الحذر من تكرار أخطائه، وتجنّب البُنى الفكرية القديمة التي تعيق التقدم
ولا شك أن خيبة الأمل التي شعر بها المواطن الإرتري تجاه ممارسات الجبهة الشعبية للديمقراطية والعدالة تعكس كيف يمكن للتمسك بفكر سلطوي متجذّر في تجارب الماضي أن يقود إلى الابتعاد عن تطلعات الشعب وتضحياته
وفي كثير من الأحيان، يسكن الماضي الذاكرة الجماعية بكل تعقيداته، صعوداً وهبوطاً، فيتحول إلى عبء مستمر على العمل السياسي ويجعل الخروج من دائرته أمراً صعباً
وعلى الجانب الآخر، تظهر العلاقة المتشابكة بين إرتريا وإثيوبيا كيف يمكن للتاريخ أن يظل حاضراً بقوة في السياسات المعاصرة. ودوماً ما تعود بعض الخطابات السياسية في إثيوبيا إلى أساطير الماضي وتصوراته القديمة عند الحديث عن إرتريا وموانئها، وكأن التاريخ لم يُطوَ بعد
ولا يمكن تجاهل أن تصريحات القيادات السياسية، والمفكرين الإثيوبيين، ومنهم رئيس الوزراء آبي أحمد، تعكس استمرار هذا الجدل التاريخي، في ظل علاقات معقدة تشكّلت بفعل الاستعمار والتداخل الاجتماعي والثقافي والجغرافي بين البلدين
لقد حقق الإرتريون استقلالهم بعد نضال مرير استمر ثلاثين عاماً، وتوّج باستفتاء شعبي بمراقبة دولية أعاد للبلاد سيادتها. وكان اعتراف الجبهة الديمقراطية الثورية للشعب الإثيوبي بهذه السيادة خطوة تاريخية ساهمت في تجنيب الشعبين مزيداً من الخسائر
ولو جرى الالتزام التام باحترام السيادة والحدود وفق القوانين والأعراف الدولية، لكان ذلك أساساً متيناً لعلاقات مستقرة تخدم مصلحة الشعبين. لكن استمرار الخطابات التي تستحضر أوهام الماضي، مثل الحديث عن حدود تاريخية أو طموحات توسعية، يهدد بإعادة التوترات التي لا تحدد بأي حال من الأحوال مصلحة الشعبين والبلدين
إن الدعوات التي تتجاهل القانون الدولي أو تقلّل من شأنه تعكس مدى خطورة الغرق في الماضي، لأن تجاهل الإتفاقيات والحدود المعترف بها دولياً لا يؤدي إلا إلى مزيد من النزاع وعدم الاستقرار
ومن المهم التذكير بأن انتهاك سيادة أي دولة لا يضر بالآخرين فحسب، بل ينعكس سلباً على من يقوم به أيضاً، لأن احترام السيادة هو أساس العلاقات الدولية الحديثة
إرتريا اليوم دولة ذات سيادة براً وبحراً وجواً، وحماية هذه السيادة مسؤولية وطنية وقانونية. وأي محاولة للمساس بها تُعد عملاً عدوانياً يحمل مخاطر كبيرة على الاستقرار الإقليمي
وفي المقابل، فإن الحكمة تقتضي أن تدرك جميع الأطراف أن المستقبل لا يُبنى بالأوهام ولا بإحياء صراعات الماضي، بل بالحوار والاحترام المتبادل والالتزام بالقانون الدولي
إن الدرس الأهم الذي يمكن أن نتعلمه هو أن الماضي يجب أن يكون معلّماً لا سجناً. نستحضره لنفهم، لا لنتقوقع. نتعلم منه لنمضي إلى الأمام، لا لنعود إلى الوراء
فالشعوب التي تنجح هي تلك التي تملك شجاعة مواجهة تاريخها بصدق، ثم تمتلك الجرأة لفتح صفحة جديدة تبني فيها مستقبلاً أفضل لأجيالها القادمة.
يبقى الأمل دائماً في أن تتحول ذاكرة التاريخ من عبء ثقيل إلى مصدر حكمة، وأن يصبح الحاضر مساحة للعمل المشترك على مبدأ حسن الجوار والتكامل الاقتصادي ، وأن يكون المستقبل أفقاً مفتوحاً للسلام والاستقرار
