http://ascenteq.com/project/epdp

ርእሰ-ዓንቀጽ ሰደህኤ፦

ኣብዚ ዝሓለፈ መዓልታት ኣቦመንበር ሰልፊ ደሞክራሲ ህዝቢ ኤርትራ ናይ መላእ ኣባላት ሰልፊ ኣኼባ ኣካይዱ። እዚ ሃገርናን ህዝብናን ኣብ ኣዝዩ ጽንኩር ኩነታት ኣብ ዝርከብሉ መድረኽ ዝተኻየደ ኣኼባ፡ ቀንዲ ቆላሕታኡ ውሽጣዊ ሰልፋዊ ጉዳይ ኮይኑ ንህልዊ ኩነታት ሃገርናን ከባቢናን’ውን ዝጓሰየ ኣይነበረን። እዚ ኣኼባ ብተራ ሓበሬታ ናይ ምትሕልላፍን ዝቐረበ ሕቶታት ምምላስ ጥራይ ዝውሰድ ዘይኮነስ ናይ ደሞክራሲ ኣዕኑድ ካብ ዝኾኑ ግሉጽነት፡ ተሓታትነትን ኣሳታፍነትን ኣብ ምዕኳኽ እውን ግደኡ ዕዙዝ እዩ።

ናይዚ ኣኼባ ቀንዲ ዕላማ ብፍላይ ኣብዚ ቀረባ እዋን ብዓወት ናይ ዝተቓነዐ 2ይ ጉባአ ሰደህኤ ውጽኢት ንምሕባር ኮይኑ፡ እቶም ዝጸደቑ ሰነዳትን ውሳነታትን ኣብ ወረቐት ተደሪቶም ምእንቲ ከይተርፉ ንኣተገባብርኦም ዝምልከት ዝተሓንጸጸ ሜላታትን ዝቖሙ መፈጸሚ ትካላትን ዝሓበረን፡ ኣብ መጻኢ መስርሕ ብጽሒት መሪሕነትን ሓላፍነት መላእ ኣባላት ሰልፍን ንምጻር እውን ዝዓለመ እዩ ነይሩ። ኣብ ብዙሕ ኣጋጣሚታት ከም ዝግለጽ ሓደ ሰልፊ ወይ ውድብ ኣብቲ ብሓባር ምስ ካለኦት ዝግበር ምውጋድ ጉጅለ ህግደፍን ምትካል ደሞክራሲያዊ ስርዓትን ኣድማዒ ብጽሒት ንክህልዎ፡ ቅድም ውሽጣዊ ዓቕሙ ኣብ ምህናጽ ክበቅዕ ይግበኦ። ናቱ ዕዮ ገዛ ብዝግባእ ዘይሰርሐ ሰልፊ ይኹን ውድብ ግና ኣብቲ ናይ ሓባር መድረኽ ልሉይ ግደ ክህልዎ ኣይክእልን እዩ። እቲ መሪሕ ግደን ዓቕምን ዝጥረ ከዓ ብፍሉያት ኣካላት ወይ ድማ ብመሪሕነት ጥራይ ዘይኮነስ ብዝለዓለ ቀጻሊ ተሳትፎን ጻዕርን ኩሎም ኣባላት ሰልፊ እዩ። ኣባላት ሰልፊ ኣብዚ መዳይዚ ከድምዑ ድማ፡ ቅርቡነቶምን ጻዕሮምን እቲ ቀንዲ ኮይኑ ብግቡእ ሓበሬታን ዓሚቕ ኣፍልጦን ክዕጠቑ ይግበኦም። እዚ ናይ ዓቕሚ ምስንናቕ ክጥረ ካብ ዝኽእለሉ መድረኻት ሓደ ድማ እዚ ብላዕለዎት ኣካላት ሰልፊ ዝካየድ መድረኻዊ ኣኼባታት እዩ።

እዚ ኣኼባ ኣባላት ሰልፊ ናይ ኣባልነት ግቡኣቶም ብኣድማዒ ከረጋግጹ ዝጽውዕን ዘበራብርን ጥራይ ዘይኮነ፡ ከባቢና ብመንጽር ፖለቲካዊ ፖሊስ ናይ ሰልፊ እንታይ ከም ዝመስል ዘርኢ ሓበሬታ ናይ ምርካብ መሰሎም ዘመልክት’ውን እዩ። ካብዚ ሓሊፉ ኣረኣእያ መሪሕነትን መሰረታትን ሰልፊ፡ ኣብ ሰልፋውን ከባቢያውን ዛዕባታት፡ ሓላፍዘላፍ ዘይኮነስ ዝተወሃሃደን ኣብ ሕድሕዱ ዝናበብን ከም ዝኸውን ኣብ ምግባር እውን እጃሙ ኣዝዩ ዓብይ እዩ። ኣባላት ሰልፊ ብዛዕባ ናይ ሰልፎም ኩለመዳያዊ ፖሊሲታትን ከባቢኦምን ግቡእ ግንዛበ እንተረኺቦም፡ ኣብ ዘዘለዉዎ ከባቢ ናይ ሰልፎም ኣንበሳድራት ብምዃን ኣብቲ ዘዝተመደብሉ ፍሉይ ኣብያተ ጸሕፈት ጥራይ ከይተደረቱ ኣብ ኩሉ ዛዕባታት ኣብ ዝተፈልለዩ መድረኻት ተሳቲፎም ናይ ሰልፎም ፖሊሲታት ከላልዩ ስለ ዘኽእሎም፡ ካልእ ናይዚ ኣኼባ ኣገዳስነት መርኣያ እዩ።

እዚ ኣኼባ ካብ ዘልዓሎምን ምስ መትከላት ሰልፊ ኣዛሚዱ ካብ ዝተዛረበሎምን ነጥብታት ሓደ ጉዳይ ሓድነት ደንበ ተቓውሞ ኤርትራ ከም ዝነበረ ብዜናና ተሓቢሩ ነይሩ እዩ። እዚ ጉዳይዚ ሎሚ ኩሎም ኤርትራውያን ደለይቲ ለውጢ ዘልዕልዎን ዝጭነቕሉን ኣገዳሲ ኣጀንዳ እዩ። ኩሎም ኣካላት ኣብዚ ጉዳይ ክዕመም ዝግበኦ ዝነበረ ከምዘይተገብረ ይኣምኑ። ከም መተካእታ ድማ “ገለ ዘይንገብር” ክብሉ ይስምዑ። እቲ “ገለኸ እንታይ እዩ?” ዝብል ሕቶ ምስ ተላዕለ ዝወሃብ መስልሲ ግና ወይ ንጹር ኣይኮነን ወይ ድማ ኣብ ሕድሕዱ ዘይሰማማዕ እዩ። እዚ ድማ ሓደ ጉዳይ ክትገብር እንዳበሃግካ፡ ግና ነቲ እትብህጎ መተግበሪ ዓቕሚ ወይ ተጸዋርነት ምስኣን እዩ ዘርኢ። ኣብዚ ብዛዕባኡ ንዛረበሉ ዘለና ኣኼባ ኣባላት ሰልፍና፡ እዚ ጉዳይዚ ብሰፊሑ ተዘትይሉ እዩ። መሪሕነት ሰልፊ ካብዚ ዘለናዮ ብሓባር ከስርሕ ዘይክእል ዕጹው ኩነታት ዘውጽእ ዝሓለፈ ተመኩሮ ኣብ ግምት ዘእተወን ንድሕሪት ዘይምለስን ሓድሽ ኣገባብ ንክሕንጽጽ ዝሕግዞ ሃናጽን ሓላፍነታውን ሓሳባት ረኺቡ እዩ። እዚ ድማ ሓደ ካብ ዕላማታት እዚ ኣኼባ መሪሕነት ኣብ መስርሕ ኣብ ግምት ዘእትዎ ሓሳባት ካብ መሰረታት ንምርካብን ኣሳታፍነት ምንጽብራቕን ስለ ዝነበረ መሪሕነት ነቲ ዝቐርብ ዝነበረ ሓሳባት ብሃናጺ መልክዑ እዩ ዝቕበሎ።

30 መስከረም 2015

في كتاباتنا أو أحاديثنا عن طغمة الهقدف الدكتاتورية التي أبكت شعبنا دماً وألعقته صديداً، قد ينحو كلٌّ منا نحواً ما حول ذلك، لكننا مهما اختلفنا نتفق ولا نختلف حول إجرامية وقسوة هذا النظام ومعاداته للشعب. لننظر الي مقال الكاتب الصحفي الارتري الأستاذ/ أمانئيل سهلي المنشور مؤخراً تحت عنوان ( ارتريا: ظاهرة حكومية فريدة!! ) الذي تساءل مستغرباً استمرار وبقاء هذا النظام وهو الذي: ( ليست له ميزانية معروفة، ولا يعرف استخدام نظامٍ إداريٍّ علميّ، ولا يملك جيشاً نظامياً ولم يؤسس نظاماً عسكرياً مستقراً، اضطراب سياساته الداخلية والخارجية، لا يملك تعاملاً مصرفياً مألوفاً وثابتاً، الشعب في ظل هذا النظام يتدفق مهاجراً الي الخارج صباح مساء، لم يجز الدستور الذي وضعه بنفسه، له مجلس وزراء صوري، لا يملك جامعةً معترف بها عالمياً، قام بعسكرة الشعب كله، لا يسمح بوجود مؤسسات ومنظمات مجتمع مدني، لا يملك طاقماً دبلوماسياً مؤهلاً، دائم الشجار مع هيئة الأمم المتحدة )، ويضيف سهلي: ( إذاً ماذا يمكن أن نطلق علي هذا الذي لا يقيم وزناً للعدل والقانون، ولا يستمع الي رأي مخالفيه ممن يحذرونه من مغبة التمادي في غيه وخطورة ذلك علي الوطن برمته؟؟)، أليس من المعقول أن تصفه بالدكتاتورية والجنون أكثر من أن تصفه بالعقل والتمييز؟؟؟.

الاعتقال الجماعي واحد من مميزات تلك الطغمة المعادية للشعب، فبعد الاعتقال لا يقدم المعتقل للقضاء، كما لا يعطى المعتقل الحق في الدفاع عن نفسه، لا يعطي أقارب السجين الحق في معرفة موقع الاعتقال، مما يضع سياسة اعتقال واضطهاد هذا النظام سياسةً فريدةً في نوعها، وبذلك ساهم النظام في إطلاق اسم (السجن الأكبر) علي بلادنا. ونسبةً لإجماع مواطنينا علي إدانة هذا السلوك غير العادل من النظام فإن من رفعوا أصواتهم من كبار المسئولين الارتريين معترضين علي تلك السياسة (سجناء الثامن عشر من سبتمبر 2001م) قد وجدوا التكريم والاحتفاء بذكرى اعتقالهم أينما وجد الارتريون. ومثل هذه الجهود الوطنية وقرينتها الأجنبية يجب أن تتواصل لترسيخ قيم العدل والقانون في بلادنا ارتريا. أيضاً يجب ألا تقتصر جهود المحتفلين بتذكــُّـــر المعتقلين وسرد قصة اعتقالهم فقط، بل يجب أن تشمل أيضاً كيفية التخلص من سدنة الاعتقال، أي النظام وزبانيته، علماً أن مثل هذه الجهود والنشاطات الانسانية أصبحت شأناً عالمياً يجد النشر والتعاطف، ومن ذلك ما تمخض إثر نشر تقرير مجلس حقوق الانسان الدولي عن تلك الحقوق في ارتريا من تظاهرة جنيف الضخمة وغيرها.

بالتأكيد وإن كانت عملية الثامن عشر من سبتمبر 2001م هي الأشهر في تاريخ مسلسل الاعتقالات بعد التحرير إلا أننا نعلم جيداً أن تاريخ الاعتقالات بدأ أبدر من ذلك بكثير، فقد حدث قبل وبعد تلك العملية التي شملت كبار المسئولين والصحفيين الكثير من الاعتقالات التي يصعب حصرها مكاناً وزماناً وعدداً، لذلك كل من له معلومات عن أولئك المعتقلين المجهولين أن ينشر تلك المعلومات بشتى الوسائل وأن تشتمل خطابات الذكر والتكريم أسماءهم وكل شيء ممكن للتعريف بهم، وعلي سبيل المثال لا الحصر يمكننا ذكر المناضلين/ ولد ماريام بهلبي وتخلي برهان قبر طادق (ودي باشاي).

أيضاً يمكننا أن نوسع من عملية نشر هذه القضية وإدانتها علي المستوى العالمي وذلك بدءاً بأنفسنا وتنظيماتنا وأحزابنا السياسية والأصدقاء الأجانب. علي أن نتجاوز عملية النشر والاحتفال السنوي بذكرى معتقلينا يجب أن نبحث أيضاً عما يمكننا يوماً ما من إقامة ليالي الأنس والذكريات من المعتقلين أنفسهم في الساحات العامة في بلادهم ارتريا. إن قضية العدل في بلدٍ ما لا تقف عند حدود زمانية أو مكانية بل هي عملية نضالية مستمرة من أجل السعي نحو الأجود. لقد أورد حزب الشعب الديمقراطي الارتري في قرارات مؤتمره الثاني عن قضية معتقلي الرأي والضمير ما يلي: ( نناشد المجتمع الدولي عموماً والجهات المعنية بحقوق الانسان خصوصاً بممارسة الضغوط المكثفة علي نظام الهقدف لكي يطلق سراح سجناء الرأي والضمير دون إبطاء ).    

تبريراً لما يرتكبه النظام من جرائم الاعتقال أو الإعدام كثيراً ما يسبق ذلك ترويج بعض القصص من نسج خياله المريض يغتال بها الشخص أو الأشخاص المعنيين معنوياً ويغطي بها في ذات الوقت طبيعته الدكتاتورية الإجرامية. وبذلك يصرف أنظار الجماهير عن عدوها الحقيقي الذي هو الدكتاتور نفسه الي عدو متخيل ومفترض غير مثير لاهتمام الشعب. ولكي يشد أنظار الشعب بعيداً عن جرائمه بالداخل كان يفتعل المعارك والحروب مع دول المنطقة كالسودان، اثيوبيا واليمن. مرور الأيام والسنين يكشف الحقائق لكل من تعامى وتصامم عنها. بعض أذناب النظام أحياناً يبررون جرائمه وسياساته الإجرامية بمزاعم من قبيل (أن الرجل (الدكتاتور) يواجه تكالب الأعداء علي البلاد وأنه مشغول كل هذه السنين ببرنامج استراتيجي طموح هو تحقيق اكتفاء بلادنا ذاتياً من الغذاء و...و...الخ). يا له من تعبير منمق (تحقيق اكتفاء بلادنا ذاتياً من الغذاء)، لقد تعود النظام أن يطلق الأوصاف الكاذبة علي معارضيه الذين طالبوه بكل ما يحقق شعار الاكتفاء الذاتي كالديمقراطية، التنمية الاقتصادية، صون الحقوق وتبادل الاحترام والتعايش السلمي. لقد وصفهم آنذاك بالعمالة (للغرب ونظام الوياني)، وها هو اليوم يصف الشبان الذين تدفقوا مهاجرين من جحيمه بالمأخوذين ببريق الغرب. عموماً لنتفق علي أن الاعتقال أحد أوجه ممارسات النظام المعادية للشعب وإبطال هذا العبث يتطلب إرادة شعبية جادة للتخلص من النظام الذي هو السبب الأساس في جعل ارتريا سجناً كبيراً طوال الفترة المنصرمة من تحريرها وحتى الآن.

جرائم النظام بحقنا تتطلب التماسك والتآزر ولن يطول أمدها إذا توحدنا في مواجهتها.

“ዕዉር እንታይ ትደሊ ብርሃን፡ ነጋዳይከ ደሓን” ዝብል ምስላን ዓሚቝ ትርጉም ዘለዎን ንኩላትና ብሩህን’ዩ ዝብል ግምት ኣለና። ብመንጽር እዚ ኣብዚ እዋን’ዚ “ህዝብና እንታይ’ዩ ዝደሊ?” ኢልና ክንሓትት ኣገዳሲ እዩ። እዚ ሕቶዚ ቅድሚ ሕጂ’ኳ ዝተላዕለ እንተዀነ፡ ክሳብ እቲ ግቡእ መልሱ ዝረክብ ክደጋገም ግድን ስለ ዝኾነ ኢና ነልዕሎ ዘለና። እቲ ናይዚ ሕቶ’ዚ ናይ መወዳእታ መልሲ ካብቲ ህዝቢ እዩ ዝርከብ። ኣብ ሓደ ጉዳይ ካብቲ በዓል ቤት ዝያዳ ዝፈልጥ ስለ ዘየለ። እቲ መልሱ ኣብቲ ዝነብሮ ዘሎ ኩነታት ክምስረት ናይ ግድን እዩ። ነቲ ህዝብና ዝነብሮ ዘሎ ኩነታት ብዕምቈት ናይ ዝገምገመን ብቕንዕና ናይ ዝተረደአን ኣካል መልሲ ነዚ ሕቶ “ሎሚ ህዝብና፡ ሰላም፡ ዕቤት፡ ደሞክራሲ፡ ምኽባር ኩሉ መሰላትን ህዱእ ጉርብትናን እዩ ዝደሊ” ዝብል እዩ ክኸውን ዝግበኦ ዝብል እምነት ኣለና።

እዚ ኣቐዲሙ ዝተጠቕሰ እዋናዊ መልሲ ንህልዊ ሕቶ ህዝብና፡ ህያው ንክኸውን እቲ ነዚ ባህጊ ህዝብና ዘይቅበል ኤርትራዊ ባይታ ኣቐዲሙ ክምድመድ ናይ ግድን እዩ። ነቲ ናይ ግድን ዝኾነ ምምድማድ ከይተቐበልካን ኣብ ምትግባሩ ዓቕምኻ ዝፈቕደልካ እምኒ ከይደርበኻን ምጽባይ ግና እቲ ድሌት ሕልሚ ኮይኑ እዩ ዝተርፍ። እቲ ክምድመድ ዝግበኦ መንግዲ ዓወት ዝረጋገጽ ንጉጅለ ህግደፍን ፖለቲካዊ ባይትኡን ጽሂኻ ብምጉሓፍ ጥራይ እዩ። ህዝብና እዚ ኣቐዲሙ ዝተገልጸ ድሌቱ ንክረጋገጽ ቅድም ህልውና ህግደፍ ከኸትም ከም ዝግበኦ ኣዳዕዲዑ ይፈልጥ እዩ። ከምቲ ኣብ ተመኩሮኡ ነጻነት ንክረጋገጽ መግዛእቲ ክውገድ ናይ ግድን ዝነበረን ብኸምኡ ዝተቓነዐን ማለት እዩ። ካብዚ ሓሊፉ ከምቲ ሓይሊ መግዛእቲ ኣብ ኤርትራ ዝተኸሎ ኣጽፋር ከይተነቕለ ናጻ ኤርትራ ምውናን ዘይተኻእለ፡ ኣጽፋር ጉጅለ ህግደፍ ከይተማሕወ ራህዋን ቅሳነትን ከም ዘይርከብ ይፈልጥ እዩ። ምናልባት ግና ኩነታት ስለ ዘጸገሞን ኣእዳዉ ስለ ዝሓጸረን፡ ክሳብ ሕጂ ክንድቲ ኣንጻር መግዛእቲ ዘርኣዮ ኣበርክቶ፡ ዝባኑ ቀሊዑ ኣንጻር ጉጅለ ህግደፍ ተሳትፎ ከርኢ ብዘይምኽኣሉ ህዝብና ነዚ መትሓጃ ዘየብሉ ዘበን ህግደፍ ርዒምዎ ከይከውን ዝሰግኡ ወገናት ይህልዉ ይኾኑ። ብእምነትና ግና ብዘይካ ብኣጻብዕ ዝቑጸሩ ብሰንኪ ተንኮል እቲ ጉጅለ ዝደንዘዙ፡ ወዮ ደላይ ፍትሒ፡ ማዕርነት፡ ሰላምን ልምዓትን ህዝቢ ኤርትራ ነዚ ዝነብሮ ዘሎ ሕማቕ ዘበን ሓንጎፋይ ኢሉ ክቕበሎ ፈጺምካ ዘይሕሰብ እዩ።

“እቲ ቀንዲ ናይ ለውጢ ሓይልን፡ ናይቲ ለውጢ ቀዳማይ ተጠቃምን ህዝቢ ኤርትራ እዩ፡ እቲ ሓቀኛ ለውጢ ከዓ ካብ ውሽጢ’ዩ።” ክንብል እንከለና፡ ካብዚ ኣቐዲሙ ዝተገልጸ ጽንዓትን ተወፋይነትን ህዝብና ነቒልና ኢና። እቲ ካብ ውሽጢ እዩ እንብሎ ለውጢ ምእንቲ ከድምዕ፡ ምስቲ ካብ ኤርትራ ወጻኢ ዝግበር ዘሎ ለውጢ ናይ ምምጻእ ኣህላኺ መስርሕ ክናበብ ከም ዝግበኦ ክዝንጋዕ የብሉን። ኣቲ ናይ ግዳምን ናይ ውሽጥን ናይ ለውጢ ማዕበላት ክናበብን ከመላላእን እንተዘይክኢሉ ግና፡ እቲ ገዛኢ ጉጅለ ኣብቲ ሃጓፍ ኣትዩ ንኸዳኽር ዕድል ስለ ዝህቦ ሓደገኛ እዩ ዝኸውን። ኣብዚ እቲ ምስቲ ኣካላዊ ኣርዑት ወጻዒ ጉጅለ ህግደፍ ዝነብር ዘሎ፡ ንለውጢ ብሃንቀውታ ዝጽበ ህዝብና ክወዳደር እንከሎ፡ ዝምድናዊ ነጻ ኮይንካ ናይ ምውሳእ ዕድል ዘለዎ ኤርትራዊ ሓይሊ ተቓውሞ ዝያዳ እጃምን ሓላፍነትን ከም ዘለዎ ክፍለጥ ዝግበኦ እዩ። “እሞ እዚ ሓይሊዚ ኣብቲ ትጽቢት ዝግበረሉ ቦታን እጃምንዶ ኣሎ?” እዚ እቲ ሓይሊ ተቓውሞ ባዕሉ ክምልሶ ዝግበኦ እዋናዊ መሰረታዊ ሕቶ እዩ።

እዚ ኣብ ደንበ ተቓውሞ ብደረጃ ሰልፊ፡ ውድብ፡ ማሕበር ወይ’ውን ብውልቂ ዝዋሳእ ዘሎ ሓይልታት ካብ ህዝቢ ኤርትራ ዝተረከቦ ዘይልወጥ ውክልና የብሉን። ግን ነናቱ ናይ ህዝቢ ኤርትራ ድሌትን ባህግን ዘንጸባርቕ’ዩ እሞ ጽባሕ ኣነሆ እዚ ናተይ ርኢቶ’ዩ” ኢለ እንተቕሪበሉ ህዝቢ ኤርትራ ኣይነጽጎን እዩ ኢሉ ዝኣመነሉ ሓሳብ ኣምሪሑ እዩ ዝቃለስን ዘለዓዕልን። እዚ ህዝባዊ እዩ ኢልካ ዝኣመንካሉ መትከል ኣምሪሕካ ክትውድብ ክትትልምን እንከለኻ ዝካየድ ቅድመ መጽናዕቲ ብዛዕባ ሕቶ ህዝቢ ኤርትራ ክህሉ ናይ ግድን እዩ። እዚ መጽናዕቲ ብጽፈትን ቅንዕናን እንተደኣ ተኻይዱ፡ ምስቲ ናይ ህዝቢ ድሌት ምሉእ ብምሉእ ክሰማማዕ፡ ወይ'ውን እቲ ፍልልይ ኣዝዩ ጸቢብ ከምዝኸውን ፍሉጥ እዩ። ንድሌታትን ባህግታትን ህዝቢ ኤርትራ ዘንጊዕካ፡ ካብ ናትካ ውልቃዊ ወይ ጉጅላዊ ህርፋን ጥራይ ነቒልካ ምናልባት እውን ዘይኤርትራዊ ተመኩሮ ቀዲሕካ ዝትለም መትከልን ዝካየድ ውደባን ግና ሎሚ ደገፍ ህዝቢ ዘስእን ጥራይ ዘይኮነስ፡ ጽባሕ እውን ምስ ህዝቢ ዘራጽም ክኸውን ናይ ግድን እዩ። ጥራይ ደኣ ኣብኡ ንብጻሕ እምበር ህዝቢ ኣበይ ከይበጽሕ ኣገዲድና ርኢቶና ከም ዝቕበል ክንገብር ንኽእል ኢና ዝብል ዓመጸኛ ሓሳባት’ውን ሓሓሊፉ ውሪሕምሪሕ ይብል እዩ።

ከም ሓደ ፖለቲካዊ ትካል፡ ጉዳያት እንዳወዳእካ ክትከዶ ዝግበኣካ ርሕቀት ክሳብ ክንደይ እዩ? እቲ ከም ርኢቶ ክትሕዞን ክትቃለሰሉን እምበር ብዘይተሳትፎ ህዝቢ ኣብ መደምደምታ ከተብጸሖ ዘይትኽእል ዕማምከ ኣየናይ እዩ? ዝብሉ መሰረታዊ ሕቶታት ብግቡእ ምምላስ ናይ ሓደ ውድብ ወይ ሰልፊ ብቕዓት፡ ውሕልነትን ህዝባውነትን ዝምዘነሉ እዩ ተተባህለ ምግናን ኣይኮነን። ንመሰረታውነት ናይዚ ሕቶታት ሸለል ኢልካ ቅድሚት ዝስራዕን ደሓር ዝመጽእን እንዳደዋወስካ፡ ኣብ ጸቢብ ፖለቲካዊ ውደባ ብምኹዳድ፡ ሓደ ጉዳይ ባዕልኻ ወዲእካ ንህዝቢ ኣብ ጉዳዩ ናይ ምውሳን መሰል ነፊግካ ከተመንግጎ ምፍታን ግና ዘይሩ ዘይሩ ካብቲ ጉጅለ ህግደፍ ዝምረሓሉ ዘሎ ናይ “ባዕለይ ይፈልጠልኩም” ሕማም ዘድሕን ኣይኮነን።

ሎሚ ኣብ ደንበ ተቓውሞና ብዛዕባ ኣድላይነት ተሳትፎ ህዝቢ ኤርትራ ኣብዚ ናይ ለውጢ መስርሕ ከይተላዕለ ኣይውዕልን እዩ። ከምዚ ምዃኑ ጽቡቕ እዩ። ብዘይተሳትፎ ህዝቢ ዝዕወት ለውጢ ስለ ዘየለ። ሓደ ጉዳይ ግና ኣሎ። እቶም ናይ ህዝብና ማዕበላዊ ምልዕዓል እንብህግ ውድባትን ሰልፍታትን ወይ ብኻልእ መልክዕ ዝተወደቡ ኣካላት፡ ምናልባት ናይ ህዝብና ተሳትፎ ኣብ ቃልሲ ከምቲ ንደልዮ ንዘይምዃኑ፡ ጠንቁ ንሕና ከይንኸውንከ ጠርጢርናዶ ንፈልጥ። ንሕና ካብ ምክእኣል፡ ምጽውዋር፡ ፍልልያት ምቕባልን ምምሕዳርን፡ ተሓታትነትን ጉዳይ ህዝብን ሃገርን ቀዳምነት ምስራዕን ርሒቑና፡ ብኣንጻሩ፡ ምስ ምንጽጻግ፡ ምትሕብባእ፡ ንፍልልይ ብዓይኒ ጽልኢ ምርኣይ፡ ውልቃውን ውድባውን ጉዳይ ቅድሚ ጉዳይ ህዝብን ሃገርን ኣብ ምስራዕ እንዳነበርና፡ ህዝቢ ናይ “ምሳኹም ኣለና” ድምጺ ተነፈገናስ እቲ ጠንቂ ንሕና ዲና ህዝቢ? እዚ ኣብ ጉዳይ ዝምድናና ምስ ህዝብን ሕድሕድናን ጥራይ ኣይኮነን ዝለዓል፡ ዝምድናና ምስቶም ቃልስና ንክዕወት ክደጋገፉና እንጽበዮም ኣካላት’ውን በዚ እዩ ክቃነ ዝኽእል። ስለዚ ክንገብሮ እንደልዮን ክኾነልና እንብህጎን ኩሉ፡ ንድሌትን ወሳኒ መሰልን ህዝብና ኣብ ግምት ዘእተወ ክኸውን ናይ ግድነት እዩ። ኣብ ዝኾነ ጽፍሒ ብዛዕባ ናይ ካልኦት ኣበርክቶ ክንሓሳብ ክንጽበን እንከልና፡ “ኣነኸ?” እትብል ሓጻርን መሰረታዊትን ሕቶ ከይንዝንግዕ ሓደራ።

26 መስከረም 2015

ኤርትራ ብብዝሒ ስመን ካብ ዝለዓል ሃገራት ሓንቲ ካብ እትኸውን ነዊሕ ግዜ ኮይኑ ኣሎ። እቲ ክወሃባ ዝጸንሐን ዘሎን ተወሳኺ ቅጽላት በብግዜኡ ዝቀያየር እዩ። ንሓንሳብ ኣብ ትሕቲ መግዛእቲ ንሓንሳብ ድማ ኣብ ትሕቲ ውሽጣዊ ወጽዓ። ኣብ ሓደ ታሪኻዊ ምዕራፍ ዓዲ ሓርበኝነትን ንመሰሉ ኩሉ ዋጋ ክኸፍ ድንብርጽ ዘይብሎ ኣብነታዊ ህዝብን። ሎሚ ድማ ዓዲ ወጽዓ፡ ፍትሒ ኣልቦ፡ ስደትን ሕሰምን ትበሃል ኣላ። ኤርትራውያን በቲ ገሊኡ ቅጽላት ይሕበኑን ይኾርዑን በቲ ገሊኡ ድማ ይሓፍሩን ይሽቑረሩን።

ሃገርና እዚ ዝተገልጸ ቅጽላት ክውህብዋ ዝጸንሑን ዘለዉን ቀንዲ ደቃ ማለት ዜጋታታ ባዕሎም እዮም። እዚ ማለት ግና ከባብያውን ግዳማውን ጽልዋታት እውን ግደ ኣይነበሮን ማለት ኣይኮነን። እነሆ ሕጂ እውን ናይ ደቃ ወሳኒ ግደን ናይ ግዳም ሓይልታት ጽልዋን ኣብ በቦታኦም ኣለዉ። ጉዳይ መጻኢት ኤርትራ ናይ ምውሳን ወሳኒ ግደ ግና ኣብ ኢድ ደቃ’ዩ ዘሎ። ኣብዚ እዋንዚ ሓላፍነት ኤርትራውያን ካብ ናይ ኩሉ ግዜ ኣብ ዝኸበደን ዝጸንከረን ደረጃ እዩ ይርከብ። እዚ ማለት ግና ቅድሚ ሕጂ ኤርትራ እዚ ሒዛቶ ዘላ መልክዕን ልኡላውነትን ክትሕዝ ዜጋታታ ዝኸፈልዎ ዋጋ ቀሊል ነይሩ ማለት ኣይኮነን። ኤርትራውያን ዝከኣል ዘይመስል ዝነበረ ክኢሎም ክሰዓር ዘይመስል ዝነበረ ስዒሮም እዮም ኣብዚ በጺሖም። እንተኾነ ሎሚ እውን ዘይከኣልን ዘይሰዓርን ዝመስል ግና ዝከኣል ብደሆታት ኣብ ቅድሚ ህዝቢ ኤርትራ ተገቲሩ ኣሎ። ኣብዚ ዘለናሉ ምዕራፍ ቃልሲ እቲ ቀንዲ ብደሆ ህዝቢ ኤርትራ ምስዓርን ምውጋድን ወጻዒ ጉጅለ ኢሳይያስ ኣፈወርቂ ክኸውን እንከሎ፡ ካለኦት በቲ ኢሳይያስ ክኸፍቶ ሒዅ ዝብሎ ዘሎ ዘይቅዱስ ሃጓፍ ከይኣትዉ እሞ ጉዳይና ካብ ኢድና ከይወጽእ ክንጥንቀቕን ምስ ግዜን ምዕብልናታቱን ክንጉዓዝን ከድልየና እዩ።

“ኣቲ ኤትራውያን ክዕወቱን ዝከኣል ዘይመስል ዝነበረ ክኽእሉን እንከለዉ ቀንዲ ዓቕሞም ካብምንታይ ይፍልፍል ነይሩ?” ዝብል ሕቶ ኣገዳስን መሰረታውን እዩ። ብዙሓት ወገናት፡ ንጅግንነት፡ ንትብዓት፡ ቆራጽነትን ተጸዋርነትን … ከም መልሲ ናይ’ዚ ኣቐዲሙ ዝቐረበ ሕቶ ከም ዘቕርብዎ ፍሉጥ እዩ። ሓቂ እዩ እዞም ዝተጠቕሱ ቅጽላት ንህዝቢ ኤርትራ ኣይግብእዎን ማለት ኣይኮነን። እቲ መሰረታዊ መልሲ ናይዚ ሕቶ ግና፡ ናይ ህዝቢ ኤርትራ ናይ ተዓዋትነት ምስጢር “ኣብ ክንዲ ንሕናን ንኻትኩምን ንሕና” በሃልነቱ እዩ። ማለት ሳላ መሰረታዊ ንዘይኮኑ ፍልልያት ኣመሓዲሩ ጉዳይ ህዝብን ሃገርን ቅድሚት ምስርዑ እዩ ተዓዊቱ። እቲ “ሓድነት ሓይሊ’ዩ” ዝብል ኣምር ሓቅነቱ ካብ ዝተራእየሉ ተመኩሮታት ሓደ ተመኩሮና እዩ ትዝበሃል’ውን ምግናን ኣይመኾነን።

ከምቲ ዘይንስሕቶ ጉዳያት ብተጻራሪ እዮም ዝቖሙ። ደጋፊ ክህሉ እንከሎ ተቓዋሚ ኣሎ። ሰዓራይ ክህሉ እንከሎ ድማ ተሰዓራይ። ቃልስን ዓወትን ህዝቢ ኤርትራ እውን በዚ እዩ ዝግለጽ። እዚ ሎሚ ተተሓሒዝናዮ ዘለና ቃልሲ’ውን ካብዚ ሕጊ’ዚ ወጻኢ ኣይኮነን። ክልተ ተነሓናሕቲ ሓይልታት ኣብ ዝጋጠምሉ ነፍሲ ወከፎም ተዓዋቲ ንክኾኑ፡ ቀንዲ ሃሰስ ኢሎም ክርኽብዎ ዝደልዩ ናይቲ ኣንጻሮም ሓያል ጐድኒ እዩ። ንዓኡ ኣዳኺሞም ምእንቲ ክስዕርዎ። ከምቲ ኣቐዲሙ ዝተገልጸ፡ ሓያልነት ህዝቢ ኤርትራ ካብቲ ዘይንቕነቕ ሓድነቱ ዝነቅል ስለ ዝነበረን ዝኾነን ነዚ ሓያል ጐድኑ ንምድኻን ብኣኡ ኣቢልካ ንምንብርካኹን ብጸላእቱ ዘይተፈንቀለ እምኒ ኣይነበረን። ትልሚ “ቆላማን ደጋማን” ናይዚ ቀረባ ግዜ ተዘክሮና እዩ። ህዝቢ ኤርትራ ግና ሳላ ኣብዚ ዛዕባዚ ብዘብለጭልጩ ተስፋታት ዘይተዓሸወ ተዓዊቱ።

እቲ ናይ ሓደ ህዝቢ ሓድነት ንምድኻም ዝምረጽ ስልቲ ብምርጫ ናይቶም ጸረ ሓድነት ዝውሰን ኮይኑ፡ ናይቲ ዒላማ ዝግበር ህዝቢ ኣከዋውና እውን ኣብ ግምት ይኣትው’ዩ። ንኣብነት ኣብ ኤርትራ ንሃይማኖትን ጀኦግራፍያዊ ኣቐማምጣን ብዙሓት ወገናት ከም ናይ ሓድነት ህዝቢ መበተኒ ስልቲ ክጥቀምሉ ፈቲኖም እዮም። ብኣንጻሩ ህዝቢ ኤርትራ ነዚ ብዝሕነቱ መመልክዒኡን መፈልፈሊ ሓይሉን እምበር መፈላለይኡ ክገብሮ አርትግ ቅሩብ ስለ ዘይኮነ እነሆ ኣብዚ ዘለናዮ ሉኣላውነት በጺሕና። እቲ ህዝቢ ኤርትራ ንምብትታን ዝግበር ልሙስ ፈተነን ኣንጻርዚ ምብትታን ዝግበር ሓያል መኸተን ከዓ ሎሚ’ውን ኣብ መድረኽ ቃልሲ ህያው እነሀዉ። እቶም ተዋሳእቲ ግና ክቀያየሩ ባህርያዊ እዩ። ኣብ ሓደ ናይ ቃልሲ መድረኽ እቶም ንህዝቢ ኤርትራ ኣተፋኒኖም ግዳይ ክገብርዎ ዝደልዩ ዝነበሩ ባዕዳውያን ሓይልታት ክነብሩ እንከለዉ። ሎሚ ከዓ ጉጅለ ህግደፍ ነቲ ፈላላይ ተግባር ወሪስዎ ኣሎ። እዚ ጉጅለ ወጻዒ ህዝቢ ኤርትራ’ዩ ኢልናዮ ስለ ዘለና፡ ተመሊስና ምእንቲ ሓድነት ህዝቢ ኤርትራ ክግደስ ኣይንጽበዮን ኢና። መን ንሓድነት ናይቲ ድሂኹ ክገዝኦ ዝደሊ ህዝቢ ምስ ተገደሰ። እቲ ንክቅበሎ ዘጸግመና ነዚ ጉጅለ ኣወጊዱ ራህዋ ከምጽእ ዝቃለስ ዘሎ ናይ ለውጢ ሓይልታት፡ ንሓድነት ህዝብን ሃገርን ኤርትራ ከም ናይ ቃልሲ ሓልነቱ ክከላኸልን ክሕሉን ተዘይበቒዑ እዩ።

“እዚ ንርእዮ ዘለና ጉዳይ ኤርትራስ ብኸመይ እዩ ክፍታሕ?” እዚ ሕቶ ሎሚ ኤርትራውያን ኣብ ዘዝራኸብሉ ኣጋጣሚ ከም መኽፈቲ ኣፍ ዝለዓል ናይ ሻቕሎት ሕቶ እዩ። ገሊኡ “እንድዒ እንታይ ፈሊጥና” ኢሉ ይምልስ። “ክላእ እዚ ጉዳይና መፍትሒ የብሉን” ብዝብል ተስፋ ዝቖርጹ እውን ኣለዉ። “ ሽግር ካብ ሃለወ መፍትሒ እውን ክህሉ ግድን እዩ። ጸገምና እንተ ብጉርሒ እንተ ብገርሂ ነቲ መፍትሒ ክንረኽቦ ስለ ዘይከልና ኢና ንጽገም ዘለና” ዝብል ድማ ካልእ መልሲ እዩ። ብዘይካዚ “እቲ ጸገም ጉዳይ ኤርትራ መፍትሒ ዘየብሉ ኣይኮነን። መፍትሒኡስ ኮለል ኢሉ ዝረአን ብተመኩሮ ዝተመስከረሉን እዩ። ጸገምና ነቲ ኣብዚ ኣለኹ ኢሉ ዝጣራዕ ዘሎ መፍትሒ ተቐቢልካ ክትትግብሮ ቅሩብ ዘይምዃን እዩ” ዝብል ተስፋ ዘይቆረጸ ከዓ ናይ ብዙሓት መልሲ ነቲ መሰረታዊ ሕቶ እዩ። እዞም ትስፉዋት መልሲ ዝብልዎ ድማ ፡ ኣብ ጉዳይ ሃገርን ምድሓን ህዝብን ኣብ ክንዲ ዝፈላልየካ መንደቕ ምስራሕ ዘራኽበካ ድንድል ሃኒጽካ፡ ኣብ ክንዲ “ንሕናን ንስኻትኩም ንሕና እንተንብል” ዝብል እምነት ምኽታልን ምትግባርን ጥራይ’ዩ ዝብል እዩ። እዚ ድማ “ለካስ ገላቢጥካ ተረኻዮ ጉዳይና ፈታሒ እምበር መፍትሒ ኣይኮነን ስኢኑ ዘሎ” ዘብል እዩ። ነዚ ብዝምልከት ኣብ ፖለቲካዊ መደብ ዕዮ ሰልፊ ደሞክራሲ ህዝቢ ኤርትራ ሃሰስ እንተበልና ከዓ ኣብ 1.1.2 “….. ሰደህኤ ኤርትራ፡ ሰላምን ሓድነትን ዝሰፈና ሃገር ንኽትከውን፡ ንናይ ሓድነት ባህልን ሓርበኛነትን ጸጋ ብምልላይ ንኤርትራዊ ሃገራዊ ሓድነትን ብዙሕነትን ንምዕቃብ ይጽዕር።” ዝብል ዓንቀጽ ነንብብ።

23 መስከረም 2015