ኣብዚ ዝሓለፈ ቅንያት ንሰማዒኡ ዘደንጸወ ፖለቲካዊ ትንታነታት ብገለ ዉልቀሰባት ይኹኑ ጉጅለ ክንዛሕ ቅንያት። ካብቲ ዝተባህለ ገለ ንምጥቃስ ዝኣክል “ሰዉራ ኤርትራ ፍትሓዊ ኣይነበረን፣ ቃልሲ ህዝቢ ኤርትራ ክጅመር ከሎ ብጌጋ ስነሓሳብ እዩ ተበጊሱ፣ ስዉኣት ክዝከሩ የብሎምን፣ መዓልቲ ናጽነት ከም መዓልቲ ሓዘን ኢና ከነኽብራ ዘለና፣ ወዘተ” ገለ ካብቲ ንትንታነታቶም መበገሲ ዝተጠቕለን ሓረጋት እየን። እዚ ኩሉ ትንታነታት ሓፈሻዊ ብስም ደለይቲ ፍትሒ ስለዝዝርጋሕ፣ ንደምበ ደለይቲ ፍትሒ ኣድቂቑ ንዘይከታተል ህዝብና ንግዚኡ ከዳናግር ይኽእል ይኸዉን። እንተኾነ ንኹሉ ኤርትራዊ ሃገራዊ ከም ዘነደረ ኢና ርኢና።

እታ እንኮ ኣፍሪቃዊት ሃገር ካብ ምዕራባዊያን ናጽነታ ተነፊግዋ ከይኣክል፤ ብዓለማዊ ሽርሒ ኣንጻር ድሌት ህዝባ ኣብ ዳግማይ ኣፍሪቃዊ መግዛእቲ ዝተቘረነት ኤርትራ፣ ህዝባ ካብ መግዛእቲ ንክገላገል ዝገበሮ ቃልሲ ፍትሓዊነቱ ኣብ ሕቶን ርእይቶን ዝኣቱ ጉዳይ ኣይኮነን።

ሓደ ዉላዶም “ኪድ ምስ ጀጋኑ የሕዋትካ ተጋደል” ኢሎም ንሜዳ ኣሰንዮም ብዘይ ጠዋሪ ዝተረፉ ወለዲ፤ ድራር ተጋዳላይ ከተብስል የእዳዋ ዝሓረረት፣ የዒንታ ብትኪ ጸረር እንዳበለ ቅናታ ሸጥ ዘበለት ኣደ፣ ከምኡ እውን ብዕሩቕ ዝባኑን ጥሙይ ከብዱን ደኺመ ከይበለ ዕጥቅን ስንቅን ተሰኪሙ ደድሕሪ ተጋደልቲ ከበሳን ቆላን ዝጎየየ፣ ካብ ጸላኢ ሓበረታ ኣኪቡ ንሰወርኡ ዘስነቐ፣ ኣብ ዉሻጥኡን ቁሸቱን ተጋደልቲ ሓቢኡ ንህይወቱ ኣብ ሓደጋ ዘእተወ ህዝቢ፣ ርሃጹ ዘንጠበ፣ ደሙ ዝኽዓወ፣ ህይወቱ ዝኸፈለ ተጋዳላይ፣ ብዘይ ኣቦን ኣደን ዝዓበዩ ደቂ ስዉኣት … ወዘተ፡ እቲ ዝርዝር ነዊሕ እዩ። ኣዚ ኩሉ ከቢድ ዋጋ ዝተኽፍለ ንስለ ሃገራዊ ናጽነትን ነቲ ዝተጠልመ ሓርነትን እዩ ነይሩ። እዚ ታሪኽ እዚ ከምዘለዎ ከይተሸራረፈ ብወርቂ ቀለም ክስነድን፣ መጻኢ ወለዶ ድማ ርዝነት ናይቲ ዝተኽፍለ ዋጋ ክፈልጦን፣ ሓድነት ህዝብን ሃገረን ንከይቡሕጎግ፣ ሉኡላዊ መሬታውን ህዝባውን ሓድነት ኤርትራ ንክዕቀብ ከቢድ ሓላፍነት የሰክሞ። 

ሓቂ እዩ፡ ኣብ ዉሽጢ ሰውራ ኤርትራ ዝነበሩ ዘይደሞክራስያዊያን ሓይልታት፥ እንተስ ስዉር ዉዳበታቶም ሓጊዝዎም፡ ኣንተስ ንቕሓት ናይ ተጋዳላይ መዝሚዞም፣ ኣብ ሕብረተሰብ ኤርትራ ዘይነበረ ክፍኣታት ተቐኒቶም፣ ነቶም ንጹሃት ገስገስቲ ሓይልታት ጨፋሊቖም ኮረቻ ስልጣን ምስ ጨበጡ፣ ነዚ ንዋቱ፣ ጉልበቱን፣ ህይወቱን ዝኸፈለ ህዝቢ ኣብ ነጻ ኤርትራ ሓርነቱ መንዚዖም  ከም መንድዓት ካብ ዝባኑ ምራድ ኣብዮም ይርከቡ።

ኣብ ዝሓለፈ ርብዒ ዘመን፡ እዚ ዘይብሃል ቁጠባውን ማሕበራውን ሃስያታት ወሪዱ፣ ብሰንኪ እዚ ድማ፡ ኤርትራዊያን ከም ደቂ ዛግራ ዓድና ገዲፍና እግርና ናብ ዘምርሓና ፋሕ ጭንግራሕ ኢልና ንርከብ። ተጋዲልና ሃገርና ካብ መንጋጋ ገዛእቲ መንጢልና ክንስና ብሰንኪ እዞም ኣብ ሞንጎና ተጸፍዮም ዝሰወዱ ዘይዲሞክራስያውያን ሓይልታት ክሳድና ኣድኒንና ክብረት ኣልቦ ኮንና ንርከብ ኣሎና።  ነዚ ከም ምኽንያት ወሲዶም ብዓብይኡ ነቲ መዳርግቲ ዘይርከቦ መኸተ ናይ ሕዝቢ ኤርትራ “ፍትሓዊ ኣይነበረን፣ ሽፍትነት እዩ ነይሩ… ወዘተ” ንኸብሉ ስነ ሞጎታዊ ድዩ? በየናይ መለክዒ’ዩ ፍትሓዉነት ቃልስና ኣብ ምልከት ሕቶ ዝኣቱ? ንምዃኑ ክሳብ ከምዚ ድፍረት ዘብጽሖም እንታይ ነይሩ?

ኣብ ክልቲአን ዉድባት ዝነበረ ተጋዳላይ ካብ ኣብራኽ ህዝቢ ከም ዝወጸ ዘንጊዖም? ንታሪኽ ህዝብን ሃገርን ደዊንካ ኣበይ ክብጻሕ ይድለ ኣሎ? መጋረጃ ደለይቲ ፍትሒ ተጎልቢብካ ጸይቂ ምስራሕ ዕላምኡ እንታይ እዩ? ንህዝቢ ኣሰምቢድካ ካብ ደለይቲ ፍትሒ ዉድባትን ማሕበራትን ንምንጻል ዶኾን ይኸዉን? ንምዃኑ ነዞም ብሃልቱ ኣዕቊብዎም ዘሎ ጉጅለ ስለምንታይ ብጽጽ ዘይበለ?

እዞም ንሰውራ ኤርትራ ክትንከፍ ዘይግብኦ፣ ብዝኾነ ይኹን መለክዒ መዳርግቲ ዘይርከቦ ጅግንነትን መኸተን ከጸልሙን፣ መልክዑ ዝድዉን ትንታነታት ክነዝሑ ከይደቀሱ ዝሓድሩ ዘለዉ ዉልቀሰባት ይኹን ጉጅለ፣ ክትንከፍ ዘይግብኦ ተንኪፎም ነቲ ቀይሕ መስመር ከምዝሰገሩ ዝስሕትዎ ኣይመስለንን። እንተስ ብወዲ ወጻኢ ተሸሚቶም ጸቢብ ረብሓታቶም ንምዉሓስ ዝገብርዎ ምዕልባጥ፣ እንተስ ኣብ ዉሽጢ ደምበ ፍትሒ ተሸጉጦም፣ ተልእኮ ጉጅለ ኢሰይያስ ንምዕዋት ዝገብርዎ ፈተነ፣ ክበጽሕዎ ዝሃቀኑ ሽቶ ከይተበገሰ ተረኹምሹ፣ ኣብ ደምበ ፍትሒ ወጊኑ ዝቃልስ ዘሎ ኤርትራዊ፣ ዉድባዊ ጸግዑ ብዘየገድስ ከም ቆፉኡ ዝተተንከፈ ንህቢ ነዲሩ ከምዘሎ ዛጊት ፈሊጦሞ ኣለዉ።

ኣብዚ ሓርነታዊ ቃልስና፡ ንእሽተይ ሒቕታ ካብ ምፍጣር ሓሊፉ ጽልዉኡ ሃሳስ ምዃኑ ተረዲእዎም ኣሎ።  የዒንትን ልብን ሓፋሽ ኣብ ጽልግልግ ከእትዉ ዝተበገሱ ኣካላት፣ ካብቲ ኣብ ስልጣን ዘሎ ዘይደሞክራስያዊ ጉጅለ ተፈልዮም ከምዘይርኣዩ ክግንዘብዎ ይግባእ። ብተወሳኺ ኣጀንዳ ባዕዲ ተኾልኩልካ፣ ርኢቶ ሓፋሽ ተወዲኑ ኣብ ቃልሲ ንኸተቕንዖ ዝግበር ቃጻ፣ ሃገራዊ ክሕደት ምዃኑ ክግንዘቡ ይግባእ። በዚ ኮይኑ በቲ እዞም ብሃልቱ፣ ሃገር ሕግታታ ምስ ተኸለት፣ ካብ ትሓታትነት ከም ዘየምልጡ ርዱእ ኮይኑ፣ ግን ከኣ ወነንቲ ናይዚ ርእይቶ እዚ ከም ዘይኮኑ ሓፋሽ ኣጸቢቑ ተገንዚቡዎ ኣሎ። ነቶም ብሃልቱ እስከ ጽሓይ ይብረቕ . . .  ሓርነት ይዛሪ . . . . ንብሎም! ነቶም ኣብ ጉብጥሽ ዘለዉ ወነንቲ ናይዚ ርእይቶ እዚ ድማ . . . ኣናፍራ ቆቃሕ ዘይፈልጥሲ  ኣይሃዳናይን. . .  ንብሎም።

صحيح قد نصدق ما نسمع، لكن رؤيتنا للشيء بالعين أقوى دلالة من سماعنا عنه، إذ ليس راءٍ كمن سمع، مستخدمين هذا المنهج في التحقيق والتحقــُّــق من أعيان الأشياء وصورها سوف نتناول بعض قضايا الراهن الارتري مما يقال وَيـُــرى. وهناك بالفعل من أفاعيل نظام الهقدف ما يصعب تصديقه مرئياً كان أم مسموعاً، مثل قضايا تدهور التعليم وتدفق هجرة الشباب وغيرها من القضايا ذات الصلة ببعضها البعض.

تدهور التعليم في ارتريا لم يعد سراً تسامع به الناس سراً، إنها شهادات شهود عيان ميدانيين من طلبة ومعلمين، من أسباب التدهور إبعاد التلاميذ عن الرعاية المباشرة لأسرهم قسرياً، وقوع إدارة العملية التعليمية في يد الضباط والقادة العسكريين، وجود 7 معاهد فنية فقط في البلد الذي لا توجد به جامعة واحدة تعبير ساطع عن تدهور مخرجات ومدخلات تلك العملية. والحال هذه سمعنا في نشرات أخبار النظام أن النرويج قد اعترفت بكفاءة شهادات التعليم العالي الارترية، إنه لخبر مربك ومضل لمن لا يعيشون مأساة التعليم في ارتريا، وخبر يضع الجهات المعنية في خانة التواطؤ علي مستقبل الأجيال الارترية.

غياب التعليم النظامي، التجنيد الإجباري، العمل بالسخرة، عدم الاستمتاع بالاطمئنان علي الحق في الحياة، انتهاك جميع الحقوق والحريات، غياب القيم الديمقراطية ...وغير ذلك من المشكلات الاقتصادية من أهم أسباب تدفق سيل الهجرة من ارتريا.

وهكذا صارت الهجرة ومخاطرها من أكبر التحديات المقلقة، كما لا تزال أسباب الهجرة مثيرةً للجدل، لكن ضحايا تلك الهجرة الأحياء شهود عيان علي المخاطر والأسباب الحقيقية للهجرة لأنهم عاشوها جسداً وروحاً، لا سماعاً أو مشاهدةً عبر وسائل الاعلام.

ومع كل الأدلة الساطعة علي حقيقة أسباب اللجوء هناك من يحاولون إقناعنا بأكاذيب وأضاليل النظام أن الأسباب اقتصادية بحتة، أي أن الارتريين يهاجرون من بلادهم ويتعرضون لتلك المخاطر لمجرد السعي الي رفع مستواهم المعيشي أو كسب المزيد من النقود وتكديس الثروات. بل وصل تضليل اعلام النظام الي تصديق حكومة الدنمارك له، لكن الاتجاه الذي يدعو لاعتماد شهادات العيان بدلاً من الاعتماد علي السماع من آخرين بدأ يقوى ويتنامى. ومن أبرز الأمثلة علي تنامي هذا الاتجاه قرار البرلمان البريطاني التاريخي الأخير بخصوص الشأن الارتري. وعلي قوى التغيير الارترية أيضاً أن تتفاعل مع هذا الاتجاه الاقليمي والدولي لتحشد الأدلة علي تورط النظام بالدرجة الأولى في إفراغ ارتريا من قواها المنتجة بالذات.

وجود واستمرارية أي بلد يعتمد علي شعبه، حيث لا دولة بلا شعب، كما لا يمكن الحديث عن دولة بلا شعب علي أنها دولة. وكل دولة هجرها سكانها مصيرها الفناء والانهيار التام، وهذه الهجرة التي لا نظير لها هي التي باتت اليوم مصدر قلق للعديد ممن يهمهم الأمر. إن البلاد اليوم في عصر السباق العالمي الاقتصادي المحموم ليست بحاجة الي شعبها فحسب، بل هي بحاجة أيضاً الي عدد كبير من المتعلمين والمؤهلين من ذلك الشعب، وهؤلاء لن يأتوا من العدم، من دولة بلا سكان. والكل يعلم ما تفعله اليوم بدول العالم الثالث هجرة العقول والعمالة المؤهلة والماهرة. وهذا ما جعلنا نشفق علي الهجرة من ارتريا وتدهور التعليم فيها. لذلك فلنساهم جميعاً علي توجيه دائرة الاهتمام في اتجاه القضايا الحقيقية المرئية والملموسة لا الزائفة المنقولة عن إعلام الدكتاتورية وأضاليلها.  

ኣብዚ እዋን እዚ፡ ኣብ ኤርትራ ዝረአ ዘሎ፡ ዘይሃገራዊ ወስታታት ክነስተውዕሎ ዝግበኣና ጉዳይ እዩ። እዚ ወስታታት’ዚ ሓደጋኡ ከቢድ ስለ ዝኾነ፥ ኣበይ እዩ ክበጽሕ ኢልና እውን ክንመራመረሉ ዝግባእ ተርእዮ እዩ። ምኽንያቱ ሳዕቤኑ ቀሊል  ስለ ዘይኮነ።

ኣብ ኤርትራ ዘሎ ምልካዊ ስርዓት ምልጋስ ዝከኣል ብናይ ኣተሓሳስባ ለውጢ ዲዩ ወይ ብጸርፍን ምክፋእን? ንሕና ኤርትራውያን ኣብ ዘይንቡር ኣተሃላልዋ ስለ ዘሎናን ንሓርነታዊ ቃልሲ ካብ’ቲ ብረታዊ ቃልሲ ፈሊና ክንርእዮ ብዘይምኽኣልና ዘስዕቦ ጸገም ከም ዘሎ ርዱእ ይመስል ኣሎ። ምኽንያቱ ኩልና ኤርትራውያን ተቓወምቲ ንኹን ደገፍቲ እቲ ስርዓት፥ ሒዝናዮ ዘሎና ባህሊ፥ ምጽራፍ፡ ምቁንጻብን ምጽላምን እዩ። ጸርፍን ጸለመን ሃናጺ ናይ ለውጢ መሳርሒ ስለ ዘይኮነ ከኣ ኢና ሓቢርናን ተሰማሚዕናን ነቲ ምልኪ ንምስዓር ግዜ ዝወስደልና ዘሎ።

ኣንጻር ምልካዊ ስርዓትሲ ይትረፍ፥ ደምበ ተቓውሞ ኣብ ነንሓድሕዱ ዝፍጽሞ ዘሎ ጸለመን ምርሕሓቕን፥ ምስ ምብኳር ሓላፍነታዊ ኣተሓሳስባ ተደማሚሩ፡ ነቲ ስርዓት ክንገጥሞ ኣይከኣልናን። ንገዛእ ርእስና ደንበ ፍትሒ ኢልና ኣጠሚቕና፡ ንመሰል ውልቀ ሰብ ብዘቆናጽብ ኣገባብ ንጎዓዝ ምህላውናኸ ሃሳይነቱዶ ንርደኦ ንኸውን? ጸርፍን ጸለመን ዝምጽኦ ፋይዳ የብሉን። እንታይ እዩ ደኣ ክኸውን ዝግበኦ? ዝብል ሕቶ ክምለስ ኣለዎ። ብናይ ለውጢ ስነ-ሓሳብ ብዝተሰነየ ኩሉ ዓቕምታትና ኣንጻር ምልክን መላኽን ክነቕንዕ ይግበኣና። እዚ ከኣ ንነፍስና ምስቲ ሓዲሽ ሕብረተሰብ ንምህናጽ ዝካየድ መድረኽ ክንስጉም የድሊ። ካብኡ ሓሊፉ ንጹር ዕላማ ዘይብሉ ምንቅስቓስ፡ ትርጉም ስለ ዘየብሉ፡ ኣብ ምጽላምን ምርሕሓቕን ዝዋፈር ሓይሊ እዩ ዝኸውን። ከምዚ ዓይነት ኣካይዳ’ዩ ከኣ፡ ኣብ ክንዲ  ሃገራዊ ክውንነት ዝሕሉን ዘማልእን ስራሓት ዝሰርሕ፥ ኣብ ዝበታትንን ሃገራዊ ኣንፈትና ዘስሕትን የድህብ ኣሎ።

ከምዚ ዝዓይነቱ ባህሊ ዝስዕብ መንእሰይ ንጹር ፖለቲካዊ ዕላማ የብሉን። እዚ ናይ  ምድንጋርን ምጥምዛዝ ታሪኽን ኣገባብ  ናብቲ ዝደለዮ ሸቶ ዘብጽሖ ስለ ዝመስሎ፥ ንካልኦት ከም ጸገንቲ፥ ደለይቲ ስልጣን እናበለ ዘይስሞም ይህብ። እንተኾነ ከምዚ ዝዓይነቱ ምንቅስቓስ ምስሊ ሃገርን ታሪኽን ዘበላሹ ካብ ምዃን ሓሊፉ ዘምጽኦ ለውጢ የለን። መጻኢ ሳዕቤኑ ኸኣ ካብዚ ዘሎናዮ ናይ ምልኪ መዋእል ዝኸፍአ እዩ ክኸውን።

እተን በብግዜኡ ዝጫጭሓ ፖለቲካዊ ውድባትን፥ ምንቅስቓሳትን ካብ ነፍሲ ወከፈን ዝደል ግደን ኣበርክቶን ኣሎ። እቲ ዘይተደላይ ብዝሐን ድማ ዝምድና ፍልልያትን ሓድነትን ካብ ዘይምግንዛብ ዝመጽእ እዩ። እዚ ከምቲ “ምሳር ኣብ ዘይለዓቱ” ዝበሃል ኣገባብ ሒዝና ንጎዓዝ ምህላውና ዘመልክት’ዩ። ህዝቢ ግቡእ ንቕሓት ወኒኑ ቅኑዕ መንገዲ ንከይሕዝ’ሞ ጉዳዩ ከይርኢ ከኣ ዕንቅፋት ንኾኖ ኣለና። ካብ ፈላላይ ኣካይዳ ወጺእና፡  ሰላምን ምርግጋእን ዝፈጥር ብናይ ምርሕሓቕ መንፈስ ብዘይተበከለ፡ ሓባራዊ ሃገራዊ ራኢ ተገዚእና ከም ሓደ ሰብ ኰይንና ድምጽና ክነስምዕ ይግበኣና።

ብዘይካዚ ንኹሉቲ ካብ ሃገራዊ ኣንፈትና ዘስሕት ብፍላይ ብሕሳብ ብሄር፡ ኣውራጃ ወይ እውን ብሃይማኖት ተደሪኽና እንኸዶ ጉዕዞ ቃልሲ፡ ሰላም ከንግስ ፈጺሙ ኣይክእልን እዩ። ምኽንያቱ ንመላእ ሃገር ዝሓስብ ስነ-ልቦናን ርዲእትን ስለ ዘዳኽም ነቲ “ሃገርና ብኹልና ንኹልና ብማዕረ” ዝብል፡ መንፈስ ሃገራዊ ኣተሓሳስባ  ስለ ዝዳኸም ንሽግራትና ብሓባር እምበር ብተናጸል ከምዘይፍታሕ ንምርዳእ ዘኽእል ዓቕሚ የስእነና። ስለዚ ንሃገርናን ህዝብናን ብቕንዕና ንሓስብ ካብ ኮና፡ እቲ መስርሕ ብሓባር እምበር ነጻጺልካ ዝኽይድ ስለዘይኮነ፡ ካብ ሃገራውነትና ዘስሕት ኣንፈት ካብ ምሓዝ ክንጥንቀቕ የድሊ። ወዲ ሰብ ብመሰረቱ ንነፍሱ ዝጐእ ሓሳብ ከም ዘይቅበል፡ ንሃገሩን ህዝቡን እውን ብማዕርኡ ክግደስ ይግበኦ። ናይ ብዝሕነትና መርኣያ ዝኾኑ ፍልልያትና ግና ክዕቀቡ ናይ ግድን እዩ።