http://ascenteq.com/project/epdp

ኣባላት ጨንፈር ኣዲስ ኣበባ፡ ሰልፊ ዲሞክራሲ ህዝቢ ኤርትራ (ሰዲህኤ) መበል 58 ዓመት ባሕቲ መስከረም ምብሳር ብረታዊ ቃልሲ ህዝቢ ኤርትራ ኣብ ዕለቱ ዘኪሮም። ኣባላት ጨንፈር፡ ድሕሪ ነዛ ዕለት ዝምልከት ሓጺር መግለጺ፡ ባሕቲ መስከረም 2019 ኣብ ጽባሕ ዕዉት 3ይን ሓድነታውን ጉባአ ሃድኤ-ሕድርን ሰዲህኤን ትዝከር ስለ ዘላ ፍሉይ ትርጉም ከም ዝህብዋ ገለጾም። ኣብ ኣኼባኦም ነቲ ቅድሚ 58 ዓመት ጀሚሩ ክሳብ ሎሚ ዝቕጽል ዘሎ በብምዕራፉ ዝገለጽ ህዝቢ ኤርትራ ኣዝዩ ክቡር ዋጋ ዝኸፈለሉ ሰንሰለታዊ ቃልሲ ብዝምልከት ሰፊሕ ምይይጥ ኣካይዶም።

እቲ ኣኼባ ምስዚ ኣተሓሒዙ፡ ብዛዕባ ዝርዝር መስርሕን ውጽኢትን ናይቲ ቅድሚ ሓደ ወርሒ ዝተጋበአ ጉባአ ሰዲህኤ ተመያይጦም። ኣብዚ ኣኼባ መስርሒ ናይቲ ጉባአ ከመይ ከም ዝነበረ ዝርዝራውን ደቂቕን ሓበሬታ ተዋሂቡ። ካብቶም ኣብቲ ሓባሪ መግለጺ ዝተላዕሉ ነጥብታት፡ ብዛዕባ ኣጸዳድቓ፡ ሰልፊ ኣብ መጻኢ ዝምረሓሎም ሰነዳት ፖለቲካዊ መደብ ዕዮን ቅዋምን፡ መስርሕ ምርጫ መሪሕነትን ውኢቱን፡ ጉባአ ፍሉይ ቆላሕታ ሂቡ ዝተመያይጡ ፖለቲካዊ ውሳነ ዘመሓላለፈሎም 12 ኣገደስቲ እዋናዊ ዛዕባታት   ብዝምልከት ብዝርዝር ተመያይጦም።

ብምትሕሓዝ ድማ ተሳተፍቲ ኣኼባ፡ ኣብዚ እዋንዚ ኣብ ኤርትራ ዘሎ መመሊሱ እንዳገደደ ዝኸይድ ብዛዕባ ዘሎ ሕሰም፡ ድኽነትን ስግኣትን ከም እዋናዊ ጉዳይ  ተመያይጦም። ኣብዚ እዋንዚ ኤርትራውያን ደለይቲ ሰላምን ፍትሕን ኣብ ሃገር ኮነ ካብ ሃገር ወጻኢ ዘርእይዎ ዘለዉ ምልዕዓላት ተስፋ ዝህብ ምዃኑ ጠቒሶም፡ ኣድማዒ ንክኸውን ዝተርፎ ውዳበን ስጥመትን ከም ዘለዎ ኣመልኪቶም። ምስዚ ብምትሕሓዝ ከኣ ሕጂ እውን መሪሕነት ሰዲህኤ ከይሰልከየ ብቐጻሊ ናይ ሓድነትን ሓቢርካ ምስራሕን መጸዋዕታኡ ከቕጽሎ፡ ተላብዮም፡ ከም ጨንፈር በቲ ሓደ ወገን ዓቕሚ ሰልፊ ኣብ ኩሉ ማዳይ ንምዕባይ፡  በቲ ካልእ ወገን ከኣ ውጽኢት ጉባአ ናብ ኤርትራውያን ከም ዝበጽሕ ኣብ ምግባር ቃልሶም ከሕይሉ ቃል። ኣብ መወድእታ ከኣ ከም ቅድሚ ሕጂ ወርሓዊ ኣኼባኦም ቀጻሊ ክኸውን ተረዳዲኦም።

ሓደ ካብቲ ካብ ነዊሕ ግዜ ጀሚሩ ኣብ ፖለቲካ ኤርትራ ክረአ ዝጸንሐ ዘሕዝን ባህሊ፡ መራሕቲ ባእታታት ኣብ ግዜኡ ብዘይጸገም ስልጣን ክትለቁ ፈቓደኛታት ዘይምዃን እዩ። ኢሳይያስ ኣፈወርቂ ናይዚ ሕማቕ ተግባር ኣብነት እዩ። ኩልና ከም እንፈልጦ እዚ ዲክታቶር፡ ካብቲ ብ1971 ውድብ ዝመስረተሉን ደሓር  ካብ 1991 ብኢደ ወነኑ ናብ ስልጣን ዝደየበሉን ወሲኽካ፡  ን48 ዓመታት ዝኣክል ግዜ  ኣብ ስልጣን ኣሎ።

ንሰዲህኤ ብዝምልከት ግና፡ ብፍሉይነት ዝረአ፡ ነዚ ምስ ምብሓት ስልጣን ዝተሓሓዝ ሕማቕ ባህሊ ኣብ ምቕያር ኣብነታዊ እዩዶ ኣይበሃልን? እስኪከ ነዚ ብዝምልከት ተስፋ ዝህብ ውሑድ ኣብነታት ንርአ፡

ዕድመ ሰዲህኤ 10 ዓምታት በጺሑ ኣሎ። ኣብዚ ሓጺር ናይ 10 ዓመታት ግዜ፡ እዚ ሰልፊ ነቲ ኣብዚ ቀረባ ግዜ ዝተመርጸ ሓድሽ ወሲኽካ፡ 4 ኣቦመንበራት ቀይሩ። ኣስማቶም ምስቲ ኣሳእሎም ተጠቒሱ ኣሎ።

ብመትከል፡ ቅዋም ሰዲህኤ ማእከላይ ባይቶ ኣብቲ ኣብ ዓመት ሓደ ግዜ ዝካየድ ስሩዕ ኣኼባኡ ኣቦመንበር ክመርጽ እዩ ዘፍቅድ። ነቲ ዝጸንሐ ኣቦመንበር ዳግማይ ክመርጾ እቲ ቅዋም ይፈቅድ እዩ። እቶም ዝተረፉ 8 ኣባላት ፈጻሚ ሽማግለ እውን ኣብ ዓመት እዮም ብማእከላይ ባይቶ ዝምረጹ። ማእከላይ ባይቶ ካብቶም ዝጸንሑ ኣባላት ፈጻሚ ዳግማይ ክመርጽ ሕጋዊ እዩ። ልዕሊ ኩሉ ድማ ሓደ ባእታ፡ ኣብ መንጎ ጉባአታት ንክልተ ክፍለ ግዜ (ተርም) ኣቦመንበር ኮይኑ ምስ መረሐ፡ ካብኡ ንላዕሊ ንኣቦመንበርነት ሕጹይ ኮይኑ ክቐርብ ኣይክእልን እዩ። እዚ ማለት ኣቦመንበር ኣብ ዓመታዊ ኣኼባታት ማእከላይ ባይቶ እንዳተመርጸ ዝለዓለ ኣብ ሓላፍነት ዝጸንሓሉ ግዜ 8 ዓመታት እዩ።

ሓድሽ መሪሕነት ሰዲህኤ 

ኣብ ሃገር ጀርመን ከተማ ቪስባደን ዝተኻየደ 3ይን ሓድነታውን ጉባአ እውን ነዚ ተባዕ ሰልፍን መሪሕነትን ናይ ምሕዳስ ባህሊ ቀጺልዎ እዩ።

ኣብዚ ሓድሽ ናይ ሰዲህኤ ፈጻሚ ሽማግለ፡ እቲ 6 ናይ ሓላፍነት ቦታታት ብሓደስቲ እዩ ተታሒዙ። ከምቲ ኣቐዲሙ ዝተሓበረ፡ ኣቦመንበር ሰልፊ ነቲ ሓላፍነት ሓድሽ እዩ፡ ሓላፊ ቤት ጽሕፈት ወጻኢ ጉዳያት ሓድሽ እዩ፡ ሰክረተር ሰልፊ ሓድሽ እዩ፡ ሓላፊ ቤት ጽሕፈት ገንዘባዊ ጉዳያት ሓድሽ እዩ፡ ሓላፊ ጉዳይ መንእሰያት ሓድሽ እዩ። ሓላፊ ቤት ጽሕፈት ውደባዊ ጉዳያት እንተኾነ እውን ነዚ ሒዝዎ ዘሎ ሓላፍነት ሓድሽ እዩ።

ቅዋም ሰዲህኤ ብማእከላይ ባይቶ ዝተመርጸ ኣቦመንበር፡ ዝርዝር ሕጹያት ሓለፍቲ ኣብያተ-ጽሕፈት ፈጻሚ ሽማግለ ናብ ማእከላይ ባይቶ ክቕርብ እሞ፡ ድሕሪኡ ማእከላይ ባይቶ ንነፍሲ ወከፎም ከድምጽ እዩ ዝእዝዝ። እቲ ንኣርባዕተ ዓመታት ንክመርሕ ብጉባአ ዝተመርጸ ማእከላይ ባይቶ፡ ብኣቦመንበር ዝቐረበሉ ሕጹይ ነጺጉ ኣብ ክንድኡ ናቱ ሕጹይ ከቕርብ መሰል ኣለዎ።

ሓድሽ ማእከላይ ባይቶ ሰዲህኤ 35 ናይ ምድማጽ መሰል ዘለዎም ኣባላትን 5 ናይ ምድማጽ መሰል ዘየብሎም ተጠባበቕትን ኣለዉዎ። እቶም ተጠባበቕቲ ዋላ’ኳ እንተዘየድመጹ ኣብ ኣኼባን ካልእ ንጥፈታት መሪሕነትን ዝሳተፉ እዮም። ካብዞም 35 ቀወምትን 5 ተጠባበቕትን እቶም 19 ሓደስቲ እዮም።

ዋላ’ኳ ውጽኢቱ ትሑት እንተኾነ፡ ብዙሕነት ኣብ ጉባአታት ሰዲህኤ ዝለዓለ ቆላሕታ እዩ ዝወሃቦ። ንኣብነት ኣብዚ ሓድነታዊ ጉባአ 14 ደቂ ኣንስትዮ ተሳተፍቲ ነይረን። ካብኣተን 8 ኣብ መሪሕነት ተመሪጸን።

ሰዲህኤንሓጻይት ሽማግለኣኡን

ሰዲህኤ ካብቲ ዝተመስረተሉ ቅድሚ 10 ዓመታት ንነጀው፡ ኩሎም ኣባላት ሰልፊ ንመሪሕነት ይበቅዕ እዩ ኢሎም ዝኣመንሉ ሕጹይ ናብ ጉባአ ከቕርቡ ብዘሳትፍ ሓጻዪ ሽማግለ መዚዙ እዩ ክሰርሕ ጸኒሑ። ኣቦመንበር ሓጻዪ ሽማግለ 3ይን ሓድነታውን ጉባአ ብጻይ ገብረእግዝኣብሄር ተወልደ፡ ኣብቲ መስርሕ 29 ጨናፍርን 8 ኣብ በበይኑ ከባብታት ዝርከቡ ኣባላት ሰልፍን ኣብ ምሕጻይ ኣባላት ማእከላይ ባይቶ ከም ዝተሳተፉ ሓቢሩ። ጉባአ ንዝወሰኾም 4 ሓዊስካ ንምርጫ ማእከላይ ባይቶ ዝቐረቡ ሕጹያት 58 ነይሮም። ጉባአ 35 ቀወምትን 5 ተጠባበቕትን ኣባላት ማእከላይ ባይቶ ዝመረጸ ከኣ ካብዞም 58 ሕጹያት እዩ።

እዚ ሓድነታዊ ጉባአ ሓላፍነት ሓጻዪ ሽማግለ ክብ ኣቢሉ፡ ኣብ መጻኢ ኣብ ዞባታትን ጨናፍርን ወሲኽካ፡ ኣብ ኩሉ ጽፍሕታት ሰልፊ፡ ክትግበር ወሲኑ። ሓጸይቲ ሽማግለታት ኣብ ኩሉ ጽፍሕታት ናብ ምርጫ ሓጋግን ፈጻምን ኣካላት ሕጹያት ከቕርባ እየን። እዚ ምዕቡል ኣቀራርባ ሕጹያት፡ ኣብ ጉባአ ሰልፍታት ኣብ ዞባ ስካንድንቪያን ካለኦት ሃገራትን ብዕዉት ዝዝውተር እዩ።

እዚ ኣብ ታሕቲ ሰፊሩ ዘሎ ዝርዝር ኣስማት ኣብ 3ይን ሓድነታውን ጉባአ ሰዲህኤ ናይ ዝተመርጹ ኣባላት መሪሕነት እዩ

===============  

 ኣባላት ፈጻሚ ሽማግለ ሰዲህኤ

1. ተስፋይ ወልደሚካኤል (ደጊጋ) ኣቦመንበር ሰልፊ
2. ብርሃነ ደበሱ ምክትል ኣቦመንበርን ሓላፊ ቤት ጽሕፈት ወጻኢ ጉዳይን
3. መንግስተኣብ ኣስመሮም ሓላፊ ቤት ጽሕፈት ውደባዊ ጉዳያት
4. ደበሳይ በየነ ሓላፊ ቤት ጽሕፈት ዜና
5. ሃብተሚካኤል ተኽለ (ዶ/ር) ሓላፊ ቤት ጽሕፈት ገንዘባዊ ጉዳያት
6. ፍሰሃየ ሓጐስ ሓላፊ ማሕበራዊ ጉዳያት
7. ክፍለዝጊ ገብረመድህን ሰክረተር ሰልፊ
8. ኣድያም ተፈራ ሓላፊት ጉዳይ ደቂ ኣንስትዮ
9. ያሲን ኢብራሂም ሓላፊ ጉዳይ መንእሰያት

ኣባላት ማእከላይ ባይቶ ሰዲህኤ (ብመስርዕ ፊደል ላቲን)

10. ዓብዱ ሓሰን
11. ኣድያም ሃይለ ሩፋኤል
12. ኣክሊሉ ግርማይ (ዶ/ር).
13. ኣልጋነሽ ይስሃቅ
14. ኣማኑኤል በራኺ
15. ኣስገደት ምሕረተኣብ
16. ኣሰፋው በርሀ
17. ድራር መንታይ
18. ኤርትራ ኣልኣዛር
19. ፈቨን ጊደዎን
20. ገባር ዑቕበ
21. ገብረህይወት መለስ
22. ግርማይ ክፍለ
23. ሃይለ ወልደሚካኤል
24. እድሪስ እስማዒል
25. መድሃኔ ህብትዝጊ
26. ነጋሲ ሓምደ
27. ንጉሰ ጸጋይ
28. ረዘነ ተስፋጼን
29. ተኽለብርሃን ሃይለ
30. ተስፋጋብር ወልደጊዮርግስ
31. ትዕበ ተኪኤ
32. ጸጋይ ተስፋይ
33. ትኩእ ተስፋይ
34. ወልደየሱስ ዓማር
35. ጸሃየ ኣርኣያ

ተጠባበቕቲ ኣባላት መሪሕነት

36. መዓሾ ሰለሙን
37. ሑመድ መሓመድ ኣሕመድ
38. ተስፋማርያም ክብረኣብ
39. ገነት ሃብተገርግስ ወልዱ
40. ግርማይ ተመስገን (ቀሺ)

One of the worrisome and deeply entrenched bad habits and practices in Eritrean political landscape since a long time is the resistance of leading figures to leave office on time and without a problem. The Eritrean dictator, Isaias Afeworki, is one such bad example. As we all know, he has been in topmost position of power for 48 years since he created a political organization in 1971 that he always controlled, including during his unchallenged stay in power since 1991.  

But can’t one say that the EPDP has already become an exception - a good example in changing that bad habit? Let us cite a few promising examples below.

The EPDP is now 10 years old. Within this short 10-year period, the party has managed to change four chairmen, including the recently elected one. Their names are shown in the caption to their pictures below.

In principle, the EPDP Constitution allows the Central Council to elect or re-elect party chairperson at every regular meeting which is held annually. The rest of the eight executive committee members are also elected or re-elected every year by the Central Council. This means that the Council can change, if it so wishes, party chairperson every year. On top of this, no one person can be allowed to be a candidate for party chair if he/she has already served two terms between congresses - that is, a maximum service of 8 years after being subjected to every-year scrutiny and re-election.

The New EPDP Leadership  

The 3^rd and Unity Congress that was held  in July-August 2019  in Wiesbaden, Germany, has continued this tradition of fearlessness to renew the party and its leadership at all levels.

In the new EPDP Executive Committee, six of the nine posts are now occupied by new holders. As noted earlier, the party chairman is new to the post; the head of foreign relations is new; the party secretary is new; the head of financial affairs is new; the head of youth affairs is new, and even the head of organizational affairs is new to the post!!

The Constitution allows a newly elected chairman to submit his candidates for each executive office and each person is voted by the Central Council separately. The Council, which itself is elected at congresses for a four-year term, can drop anyone of the chairperson’s candidates and can bring its own. 

The new EPDP Central Council consists of 35 voting members and five non-voting reserve members who, however, have all the right to participate in leadership meetings and activities. Of these newly- elected 35+5 Council members, 19 are new, including the partners in the unity process.

Diversity is one of the primary efforts focused at EPDP congresses although the success has been slow. For instance, the recent unity congress was attended 14 women delegates of whom 8 were elected to the leadership.  

EPDP and Its Nominating Committee:

At least since its founding ten years back, the EPDP has the method of designating a Nomination Committee which strives to have the participation of all party members in selecting those who can be preseted as leadership candidates in party congresses. As the chairman of this body for the 3^rd and Unity Congress, Gherezghiher Tewolde  reported, 29 branches and 8 individuals at isloated locations actively participated in nominating CC candidates. The final count of candidates, including four added by the Congress itself, was 58. It was on this list approved by all members of both uniting sides that the Unity Congress voted and elected the 35 CC members and five reserve members.

The Unityf Congress also expanded and upgraded the mandate of the Nominating Committees of the future to be active at all party structures, including zons and branches. The Nominating Committees shall have the power of presenting final list of candidates to party leadership at all levels, both for the legislative and executive branches. This advanced method of nominating candidates for leadership has been successfully used at party congresses in the Scandinavian region and other countries.

Printed below are the names of EPDP leadership members elected at the 3^rd and Unity Congress in 2019:

===============  

The New Executive Committee:

1. Tesfai Woldemichael (Degiga), Party Chairman
2. Berhane Debessu, Vice-Chairman and Head of Foreign Office
3. Menghesteab Asmerom, Head of Organizational Office
4. Debessai Beyene, Head of Information Office
5. Habtemichael Tekle/Dr, Head of Financial Affairs
6. Fessehaye Hagos, Head of Social Affairs
7. Kiflezghi Ghebremedhin, Party Secretary
8. Adiam Teferra/ Ms, Head of Women's Affairs
9. Yassin Ibrahim Neberai, Head of Youth Affairs.

Members of the EPDP Central Council, in alphabetical order, are:

10. Abdu Hassen
11. Adiam Haile Rufael
12. Aklilu Ghirmai/Dr.
13. Alganesh Isaac
14. Amanuel Beraki
15. Asghedet Mehreteab
16. Assefaw Berhe
17. Dirar Mantai
18. Eritrea Alazar
19. Feven Ghideon
20. Ghebar Oqbe
21. Ghebrehiwet Meles
22. Ghirmai Kifle
23. Haile Woldemichael
24. Idris Ismael
25. Medhanie Habtezghi
26. Negasi Hamde
27. Neguse Tseggai
28. Rezene Tesfazion
29. Tekleberhan Haile
30. Tesfagaber Woldegiorghis
31. Tiebe Tekie
32. Tseggai Tesfai
33. Tuku Tesfai
34. Woldesus Ammar
35. Zehaye Araya

Reserve Members

36. Maasho Solomon
37. Humed Mohammed Ahmed
38. Tesfamariam Kibreab
39. Ghenet Habtegergis
40. Ghirmai G.Temesgen.

ክቡራት መራሕቲ ክልቲኡ ዓበይቲ ሃይማኖታት

ክቡራት ኣዳለውቲ ዋዕላ ኣዴታት ኣብ ፍራንክፈርት

ክቡራትን ክቡራንን መራሕቲ ፖለቲካውን ሲቪላውን ማሕበራትን ህዝባዊ ምንቅስቓሳትን

ክቡራትን ክቡራንን ዕዱማት ኣጋይሽ ብሓበራ

ኣቐዲመ፡ ብስም መሪሕነትን መሰረታትን ሰልፊ ዲሞክራሲ ህዝቢ ኤርትራ (ሰዲህኤ) ንዝተገብረልና ዕድመ ክብ ዝበለ ምስጋናይ እናገለጽኩ፡ ዋዕላ ንቕሎ ኣዴታት ናይ ምድምማጽን ሕድሕድ ምርድዳእን መንፈስ ዝሰፈኖን ነቲ በብኣንፉ ዝግበር ዘሎ ናይ ምጥርናፍ ምቅንስቓሳት ናብ ክብ ዝበለ ደረጃ ንምብጻሕ ደራኺ ግደ ዝጻወትን ክኸውን እትስፎ።

ሰልፊ ዲሞክራሲ ህዝቢ ኤርትራ፡ ተቓወምቲ ውድባትን ሲቪላዊ ማሕበራትን፡ ኣገደስቲ ውልቀሰባትን ዝርከብዎ ዋዕላ ተኻይዱ፡ በቲ ንዅልና ዘሰማምዕ ከም ምሕላው ልዑላውነት፡ ምውዳቕ ምልካዊ ስርዓት ኢሳያስ፡ ምኽባር ሰብኣዊ መሰላት ዜጋታት ኤርትራን ምቛም ብግዝኣተ-ሕግን ብቕዋምን ዝምራሕ ዲሞክራስያዊ ስርዓት ዝብሉ መሰረታውያን ነጥብታት ተሰማሚዕና ብልፍንቲ ተዋሃሂድና ንድሕነት ህዝብን ሃገርን ክንሰርሕ ከምዝግብኣና ይኣምን። ካብ’ዚ ሓሊፉ ክልተ ወይ ካብ ክልተ ንላዕሊ ዝዀነ ፖለቲካዊ ውድባት ብፕርግራም ይኹን ብተግባር ፍልልይ ከምዘይብሎም እንተደኣ ኣሚኖም ክጸናበሩን ሓደ ውድብ ወይ ሓደ ሰልፊ ክምስርቱ ከምዝኽእሉ ይኣምን። ነዚ ንምርግጋጽ ድማ፡ ኣብ ኵሉ ምእንቲ ድሕነት ህዝብን ሃገርን ዝተጸውዐ ዋዕላታት ተሳቲፉ። ምስ ዝተፈላለዩ ውድባት ድማ፡ ተዋሃሂዱ ንምስራሕ ክዋሳእ ጸኒሑ። ሰዲህኤ፡ ኣብ ዋዕላ መድረኽ ኣብ ናይሮቢ፡ ኣብ ዋዕላ ኣትላንታ፡ ኣብ ዋዕላ ሚኒሶታ፡ ሕጂ ድማ ኣብ ዋዕላ ንቕሎ ኣዴታት ኣብ ፍራንክፈርት ብክብ ዝበለ ደረጃ ምስታፉ መርኣያ ናይ’ቲ ሓቢርካን ተዋሃሂድካን ምስራሕ ዘለዎ ድሌትን ባህግን ኢዩ።

ኣብ’ቲ ቅድሚ 2 ኣዋርሕ ማለት ካብ 22 ክሳብ 23 ሰነ 2019 ብመስተንግዶ መኣዲ ዘተ ናይ ተምፖ-ኣፍሪክ  ኣብ ሚኒሶታ እተገብረ ዋዕላ ዝተበጽሐ ስምምዕ ድማ ከም’ዚ ዝስዕብ ይመስል።

1.   ኣብ ኤርትራ ምልካዊ ስርዓት ንምስዓርን ዲሞክራሲያዊ ለውጢ ንምርግጋጽን፣ ጻዕርታትና ክነወሃህድን ብሓባር ክንሰርሕን፤

2.   ኣብ ሓባራዊ ሃገራዊ ረብሓታት ሕድሕድና ንምትሕግጋዝ ኣወንታዊ ተግባራዊ ስጉምታት ክንወስድ፤

3.   ዲፕሎማሲያዊ ንጥፈታትና ክነዋሃህድን ሓባራዊ ጽዕርታት ክነካይድን፤

4.   ኣብ ውሽጢ ኤርትራን ኣብ ወጻኢ (ዲያስፖራን) ዝካየድ ህዝባዊ ምንቅስቓሳት ዘጠቓለለ፣ ንኹሉ ፖለቲካዊ ሓይልታት ዝጥርንፍ፣ ኣብ ሕድሕድና ብምውህሃድ ወይ ብልፍንቲ ስሙር ኤርትራዊ ተቓውሞ ንምፍጣር ክንሰርሕ፤

5.   ሰናይ ጉርብትና ምስ ኩሎም ጎሮባብቲ ኤርትራ ንድግፍ፣ ይኹን እምበር፣ እዚ ሞራላዊን ሕጋውን ቅቡልነት ዘይብሉ ምልካዊ ስርዓት ምስ ናይ ወጻኢ መንግስታት ወይ ኣካላት ዝኣትዎም ኩሎም ውዑላት ፣ ናይ ህዝቢ ኤርትራ ልዑላውነት ስለ ዝግህሱ ብትሪ ንኹንን፤

6.   ሓይልታት ምክልኻልን ጸጥታን ኤርትራ አካል ጭቁን ሕብረተሰብ ኤርትራ ምዃኖም እምነትና ብምዃኑ፣ ኣብ ጎድኒ ህዝቦም ደው ክብሉን፣ ኣብ ኤርትራ ዲሞክራስያዊ ለውጢ ንምርግጋጽ ዕዙዝ ተራ ክጻወቱን ንጽውዕ፤

7.   ካብ ምልካዊ ስርዓት ናብ ዲሞክራሲያዊ ምሕደራ ምስግጋር ከቢድን ዝተሓላለኸን መስርሕ ምዃኑ ርዱእ ኢዩ። ስለዝኾነ፣ ኩላትና ንሰማማዓሉ ሓባራዊ መሰጋገሪ ቻርተር ንምስንዳእን ንምትግባርን ብዕቱብ ክንሰርሕ ተሰማሚዕና፤

8.   ነዚ ስምምዕ ናይ ዝኸተሙ ኣካላት ወከልቲ ዝሳተፍዎ ናይ ትግባረ ፎረም ንምቛም ተሰማሚዕና፤ ከምኡውን

9.   ነዚ ስምምዕ እዚ ዝቕበሉን ኣብ ናይ ትግባረ ፎረም ክሳተፉ ቅሩባት ዝኾኑን ፖለቲካዊ ሰልፍታትን፣ ሲቪክ ማሕበራትን ፣ ናይ መጽናዕቲ ጉጂለታትን ብኽብሪ ንዕድም።

ኣብ ርእስ’ዚ፡ ካብ 29 ሓምለ ክሳብ 1 ነሓሰ 2019፡ ኣብ ቪዝ ባደን፡ ጀርመን ኣብ ዝተኻየደ 3ይን ሓድነታውን ጕባኤ፡ ሃድኤ-ሕድርን ሰዲህኤን ሰሚሮም ሓደ ሰልፊ ክምስርቱ ከምዝበቕዑ ከበስር ከለኹ ደስ ይብለኒ። ኣብ ርእስ’ዚ፡ ምስ ሓድነት ኤርትራውያን ንፍትሒ ሓደ ውድብ ወይ ሰልፊ ንምምስራት ንንውሕ ዝበለ ግዜ ዕቱብ ልዝብ ክካየድ ጸኒሑ ኣሎ። ኣብ ቀረባ እዋን ክዛዘም ድማ ባህግን ድሌትን ክልቲኡ ውድባት ምዃኑ ከረጋግጸልኩም እፈቱ። ከምኡ’ውን፡ ምስ’ቲ 4 ውድባት ዘቖምዎ ኤርትራዊ ሃገራዊ ግንባር ብልፍንቲ ንምስራሕ ኣፈናዊ ልዝብ ጀሚርና ኣሎና።

ኣብ ሽወደን ኣብ ዝተኻየደ 2ይ ጕባኤ ኤርትራዊ ሃገራዊ ባይቶ ንደሞክራስያዊ ለውጢ (ኤሃባደለ)፡ ሰዲህኤ፡ ከምተዓዛቢ ተኻፊሉ። ኣብ ቪዝባደን ኣብ ዝተኻየደ 3ይን ሓድነታውን ጕባኤ ሰዲህኤን ሃድኤ-ሕድርን ድማ ኤሃባደለ ከም ተዓባዚ ተኻፊሉ። ኣብ ርእስ’ዚ፡ ኣብ ሽወደን ኣብ ዝተኻየደ 2ይ ጕባኤ ኤርትራዊ ሃገራዊ ባይቶ ንደሞክራስያዊ ለውጢ ምስ ተቓወምቲ ውድባት ዝላዘብን ንዕርቂ ዝሰርሕን ፍሉይ ቤት ጽሕፈት ከምዝቖመን፡ ሓላፊ እቲ ቤት ጽሕፈት፡ ዶር መሓመድ በሺር፡ ንሰልፍና ክራኸብ ቅሩብነቱ ዝገልጽ መልእኽቲ ድሮ ሰዲዱልናስ፡ ንሕና እውን ድሕሪ ምዝዛም ጕባኤና ክንራኸብ ቅሩባት ምህላውና መሊስናሉ ኣሎና።

ኣብ ርእስ’ዚ፡ ነቲ ኣብ ኵሉ ኵርንዓት ዓለም ኣብ ትሕቲ “ይኣክል” ዝብል መርሆ ተላዓዒሉ ዘሎ ንስርዓት ኢሳያስ ዘርዓደን ዘጃጀወን ህዝባዊ ምልዕዓል ሰዲህኤ ደጋፊኡ ምዃኑ እናገለጸ፡ ካብኡ ዝጥለብ ምድግጋፍን ምትሕብባርን ከወፊ ድልዊ ምህላዉ ክረጋግጸልኩም እፈቱ።

ኣብ መደምደምታ፡ ተቓወምቲ ፖለቲካዊ ውድባትን ሲቪላውያን ማሕበራትን ህዝባዊ ምጥርናፋትን ተማላላእትን ተደጋገፍትን ደኣ’ምበር መቓናቕንቲ ሕድሕድ ከምዘይኰኑ ክንግንዘብ ይግብኣና። ስለዝዀኑ ድማ ተረዳዲኦምን ተደጋጊፎምን ክሰርሑ ንጽውዕ። ዕላማና፡ ነዚ ናይ ይኣክል ምንቅስቓስ ኣብ ውሽጢ ኤርትራ ከምዝለዓል ብምግባር ስርዓት ኢሳያስ ኣዉዲቕካ ስልጣን ንዋንኡ ዝዀነ ህዝቢ ምርካብ ኢዩ።

ንድሕነት ህዝብን ሃገርን ሓቢርና ንስራሕ ከነድምዕ፡ ሓቢርና ነድምጽ ከነስምዕ!!!

መንግስተኣብ ኣስመሮም

ኣቦ መንበር ሰዲህኤ

23-25 ነሓሰ 2019 ፍራንክፈርት