ኣየ ክንደይ ኮን ምቖዶ !!! ???
2015-08-15 21:36:15 Written by ጸሃየ ቀለታ ሽወደን Published in ጽሑፋት ትግርኛ Read 1905 times-
font size
decrease font size
increase font size
ኣየ እወ ክንደይ፡ ኣየ ከመይ ምቖዶ
እቲ ቃልሲ ብሓባር እንተንጸምዶ
እወ ብሓደ ከም እሱር ማእዶ።
ኣየ እወ ክንድይ እኳ ምቆዶ
እቲ ጎደና ሕውነት ብሓባር እንተንኸዶ
እቲ ዓቢ ንንእሽቶ እንተዝምዕዶ
ንመትከላዊ መገዲ መንእሰይ እንተ ዝጽዕዶ
ህዝብን ሃገርን ፍስሃ ምወረዶ።
ኩልና እንተንጾሮ ንመን ምኸበዶ
ምክብባር ብኢደይ ኣድካ ብጽምዶ
ናብራና ቅሳነት ምሰፈኖ ክብሪ ምወረዶ።
ለባም ሃገራዊ ተዋሒጡ ብስደት ማዕዶ
ዒብ ዘይሕጋዊ ንበዓልቤት ጓና ክፈርዶ
ንምስዋር ጋዝ ኣይድለን ኣሎና ጉድጉዶ።
ቪላ ፓላሶ ኣይመድለየን ከሎ ጽኑዕ ኣጉዶ፡
ሙሉእ ጸጋ ሃገር ወሰኽ ነየድልዮ ጾዶ
ተጻባእቲ ሃህ ምበሉ ምተሳዕሩ ብርፍዶ
እዋኑ ዩ ንጉዕዞ ሓርነት ሃየ ብሓባር ንኺዶ !!!
ብንፋስ ነሓሰ 2015 ጸሃየ ቀለታ ሽወደን
