Image copyright AFP

ፕረዚደንት ቦሊቭያ ኢቮ ሞራለስ፡ ብድሕሪ'ቲ ኣብ ዝሓለፈ ወርሒ ዝተኻየደ መረጻ ብዝተልዓለ ናዕቢ እዩ ካብ ስልጣኑ ወሪዱ።

ንሱ ከምዝተዓወተ ምስገለጸ ብምኽንያት ዝተልዓለ ናዕቢ፡ ኣዛዚ ምክልኻል ሰራዊት እታ ሃገር ስልጣን ክለቅቕ ጸቕጢ ገይሩሉ እዩ።

• ኣብ ቦሊቭያ ውጽኢት ምርጫ ምስተነግረ ናዕቢ ተላዒሉ
• ጸጉሪ ርእሳ ብናዕበኛታት ዝተቖርጸ ከንቲባ ሓንቲ ከተማ ቮሊቭያ

ኣጻረይቲ ኣብቲ መረጻ ዘይስሩዓት አካይዳታት ከምዝነበሩ ዝሓበሩ ኮይኖም፡ ንሱ ግን ዕልዋ ከምዝተፈጸሞ እዩ ዝገልጽ።

ብተወሳኺ ኣብ ልዕሊ ደገፍቱ ዝኾኑ ፖለቲከኛታትን ቤተሰቦምን ጥቕዓት ይፍጸም ስለዘሎ፡ ነዚ ንምክልኻል ስልጣኑ ከምዝገደፈ ሓቢሩ።

• ካልእ ቼ ጉቬራ

ፕረዚደንት ሞራለስ፡ እቶም ተቓወምቲ ኣብ ልዕሊ ወገናቶም ዝፍጽምዎ ዘለዉ ጥቕዓት ጠጠው ከብሉ ተማሕጺኑ።

Image copyright Reuters

ብተወሳኺ ምክትል ፕረዚደንት ኣልቫሮ ጋርሺያ ሊነራን፡ ፕረዚደንት ሰኔት ኣድርያና ቫልቫቴራን እውን ስልጣኖም ብፍቓዶም ለቒቖም ኣለዉ።

እቲ ፕረዚደንት ብፍቓዱ ስልጣኑ ብምግዳፉ እቶም ተቃወምቲ ሓጎሶም ገሊጾም።

Source=https://www.bbc.com/tigrinya/news-50372305