ኣብ ኤርትራ ምፍራስ ገዛውቲ ይቕጽል ኣሎ፣ መንእሰያት ድማ ናብ ዘይውዳእ ናይ ታዕሊም መደባት ይጓረቱ ኣለዉ

2015-02-25 14:11:01 Written by  ቤት ጽሕፈት ዜና ሰዲህኤ Published in EPDP News Read 3410 times

ስርዓት ህግዲፍ ሎሚ ዕለት 25 ለካቲት 2015 ውን፡ ነቲ ከካይዶ ዝጸንሐ ምፍራስ ናይ ኣባይቲ ብምቕጻል፡ ኣብ ቀሓውታ (መሬት ናይ ጸሎት) ተሃኒጹ ዝጸንሐ ኣባይቲ ከፍርሶ ውዒሉ ኣሎ። ዋናታት ኣባይቲ ክልተ ግዜ ኢዮም ዝጽፍዑ ዘለዉ። እቲ ሓደ መዓት ገንዘብ ኣውጺኦም ገዛ ክሰርሑ ከለዉ፡ እቲ ስርዓት፡ ስቕ ኢሉ ክኸስሩ ገዲፍዎም። እቲ ካልኣይ ጽፍዒት ከኣ፡ እቲ እቶት ክረኽብሉ ወይ ባዕሎም ክሰፍርዎ ዝሰርሕዎ ገዛውቲ ብቡለደዘራት ገይሩ ድዅዒ ክገብሮ ከሎ ምርኣይ ኢዩ።

ኣብ ርእስ'ዚ፡ ነቶም ኣብ ሳዋ ታዕሊም ዝወሰዱ መንእሰያት፡ እንደገና ኣብ ጋሕተላይ ክትዕለሙ ኢኹም ብዝብል መደብ ሎሚ መዓልቲ ካብ ጐዳይፍ ብዙሓት መንእሰያት ገፊፉ ምህላዉ ምንጪታት ሰዲህኤ ካብ ኣስመራ ሓቢሮም።

Last modified on Wednesday, 25 February 2015 15:13