ዝኸበርኩም ብጾት ዝገርም ነገር ኢዩ ከምቲ አቦ ወንበር ዝበሎ ተኸታታሊ ሐዘን የጋጥመና አሎ ግንኹሉ ናይ እግዜአቢሄር ኢዩ ሞ ፡ ንኹሎም ስድራቤታት ጽንዕት ይሃብ ንሞወቲ ድማ ምንግስተ ሰማይ የዋርስ፡ካብ ሕጂ ኸአ ይ አኽለኩም ፡ይበለና አብ ናይ መርዓን ጥምቀትን ይቕይረልና፡አብ ጸጽቡቑ የራኽበና፡ አሜን።
ክፍለዝጊ ገብረመድህን
ብሓቂ ኣሰንባዲ ወረ እዩ፣ ፍረ ጻማ ቃልሲ ክሪኢ እትጽበዮ ብጻይካን ኣካልካን ብመስዋእቲ ክኹለፍ ኣብ ምረት ምረት ኣለዎ። ኮይኑ ግን ካብ ፍቃድ ፈጣሪ ዘምልጥ ስለዘይብልና፣ ምቅባሉን ምኽኣሉን እዩ።
ንመዋቲ መንግስተ ሳምይ ንኹሎም ቤተሰብ ድማ ጽንዓት ይሃቦም።
መድሃኔ ሃ
እወ ሕጂስ ብሓደ ተደራሪቡና ካብዚ ኣይሕለፍ ንሓርበኛ ብጻይና ብርሃነ ክኣ መንግስተ ሰማይ የዋርሶ ንምሉእ ስድራቤት ድማ ጽንዓት ይሃቦም።
ትዕበ
ሰላም ብጾት ብሓቂ ዘሕዝን ወረ ኢና ንስምዕ ዘሎና አዚ ቅንያት አዚ፡አንታይ አሞ ፍቃድ ኣምላኽ ካብ ኮነ ምቅባሉ ጥራሕ ኦዩ፡አሞ ንብጻይና መንግስተ ሰማይ ንስድራ ቢቱን ናይ ቃልሲ ብጾቱ ዝኾና ከኣ ጽንዕት፡
ነጋሲ ሐምደ
Bexayna Bethany menghesty semay yawareso
Zenat nsedroen Bexoton.
R.I.P.
Abdu Hassan
ካብ ተጋድሎ ሓርነት ሰውራዊ ባይቶ፣ ክሳብ ሰልፊ ዲሞክራሲ ህዝቢ ኤርትራ ነባር ኣባል ዝነበረ ኣቶ ብርሃነ እምባየ፡ ብዝሓደሮ ሃንደበታዊ ሕማም ንዝተወሰነ ግዜ ኣብ ሆስፒታልን ገዝኡን ክእለ ምስ ጸንሐ፡ ብ21 ሕዳር 2019፡ ኣብ ኣዲስ ኣበባ ዓሪፉ። ንጽባሒቱ 22 ሕዳር 2019 ድማ ኣብ ኣዲስ ኣበባ መካነ መቓብር ሰኣሊተ-ምህረት ሓመድ ኣዳም ለቢሱ።
ብርሃነ ብ1955 ኣብ ካብ ኣብኡ ኣቶ እምባየ በራኽን ኣዲኡ ወይዘሮ ኪዳኑ ሞገስን ኣብ ከተማ ኣስመራ ተወሊዱ። ሓጺር ታሪኽ ህይወቱ ከም ዝሕብሮ ከኣ፡ ካብ 1ይ ክሳብ 8ይ ክፍሊ ትምህርቱ ኣብ ጐዳፍ፡ 2ይ ደረጃ ትምህርቱ ድማ ኣብ ናይ ሽዑ ቀዳማዊ ሃይለስላሴ ናይ ሎሚ ባርካ ካለኣይ ደረጃ ቤት ትምህርቲ ተኸታቲሉ።
ብርሃነ ትምህርቱ ምስ ወደኣ ኣብ ቤት ጽሕፈት ኣታውታት ውሽጢ ሃገርን ዝተፈላለዩ መንግስታዊ ትካላትን ተመዲቡ ኣብ ዝተፈላለዩ ከባብታት ኢትዮጵያ ኣገልጊሉ። ኣብ መወዳእታ ከኣ ክሳብ ዕለተ ሞቱ ድማ መነባብሮኡ ንምምሕያሽ ኣብ ዝተፈላለዩ ብሕታዊ ስረሓት ተዋፊሩ ጸኒሑ።
ኣቶ ብርሃነ እምባየ ካብቲ ቅድም ኣንጻር ወጽዓ ጨቋኒ ስርዓት ህግዲፍ ምቅዋም ዳርጋ ነውሪ ዝነበረሉ ግዜ ጀሚሩ ካብ ተጋድሎ ሓርነት ኤርትራ ሰውራዊ ባይቶ ክሳብ ሰልፊ ዲሞክራሲ ኣብ ዝነበረ መስርሕ ቃልሲ ብድፍረት፡ ብጽንዓትን ብግሉጽነትን ንሰላም፡ ንልምዓት፡ ንፍትሕን ልዕልና ሕግን ተቓሊሱ ህዝባዊ ወገናውነቱ ዘመስከረ ውፉይ ነይሩ። ብርሃነ ሓቂ ኮይኑ ዝተራእዮ ብግልጺ ምዝራብ፡ ብጸቢብ ስምዒታት ዘይምንብርካኽን ልግስ ሕያውነትን ቀንዲ መለለዩ ኮይኖም ጸኒሖም። ኣቶ ብርሃነ እምባየ ኣቦ ክልተ ደቂ ተባዕትዮ በዓል ሓዳር ነይሩ።
በዚ ኣጋጣሚ ሰልፊ ዲሞክራሲ ህዝቢ ኤርትራ ዝተሰመዖ መሪር ሓዘን እንዳገለጸን ናይቲ መሪር ሓዘን ተኻፋላይ ምዃኑ እንዳሓበረን፡ ንመዋቲ መንግስተሰማይ፡ ንቤተሰቡ ከኣ ጽንዓት ኣኻእሎን ይምነ።
ክንዲ: መላእ ኣባላት ሰልፊ ዲሞክራሲ ህዝቢ ኤርትራ
ተስፋይ ወልደሚካኤል ደጊጋ
ኣቦ መንበር
24 ሕዳር 2019
ሰላምን ጽንዓትን ንዘሎና:
ሕጂውን ሞት ሓውናን ብጻይናን ብርሃን እምባየ ተረዲእና። ናይዘን ዝሓለፋ እዋናት ግዜ ብጾትናን ኣሕዋትናን ኣሓትናን ደቅናን ካብዛ ናይ ግዚኡ ቤትና ቀዲሞሙና ሓሊፎም ኣለው።
ንኹሉ ግዜ ኣለዎ። ግዜ ሞትን ሓዘንን: ግዜ ሓጎስን ደስታን: ግዜ መከራን ስቓይን: ግዜ ባርነትን ዓፈናን: ግዜ ሓርነትን ሰላምን እውን። ናይዞም ኣብዚ እዋን ዝገደፉና ኲሎም ጠልን ሃብትን ክገድፉልና ድማ ጾሎትና ኢዩ። ንዖኦም መንግስተ ሰማያት ክሳብ ሎሚ ንዘሎና ድማ ዜና ሰላምን ምሕረትን ይሃበና።
ረዘነ ተስፋጽዮን
ሕማቕ ተረኺቡ። ብርግጽ፡ ምፍላይ ናይ ሓውና ነፍስሄር ብርሃነ እምባየ ካብ’ዛ ዓለም ንቤተሰቡን ኣዝማዱን ፈለጥቱን ኣዝዩ መሪርን ዘቖንዙን ኢዩ። ነፍስሄር ብርሃነ እምባየ ኣብ ጽንኩር ኵነታት ህይወቱን ድሕነት ቤተሰቡን ከይበቐቐ፡ ተቓለስቲ ተሓኤ ሰውራዊ ባይቶ ዘዕቆበ። ብርሁሩህ ባህርያቱን ልግሱን ጽንዓቱን ዝፍለጥ፡ ኣቦ ዅሉ ብፍላይ ከኣ ኣቦ ድኻታት ምንባሩ ክምስክር ክብሪ ይስምዓኒ። ኣነ ሓደ ካብ’ቶም ልግሱ፡ ዘይውዳእ ጸወታኡን ዕላሉን ዝ ኢየ።ቐመስኩ ብምዃነይ ዜና ዕረፍቱ ኣዝዩ ኣሰንቢዱኒን ኣሕዚኑን ኢዩ። በዚ ኣጋጣሚ’ዚ፡ ንስዉእ መንግስተ-ሰማይ የዋርሶ፡ ንበዓልቲ ቤቱን ክልተ ደቁን ኣዝማዱን ኣዕሩኽቱን ድማ እግዚኣብሄር ጽንዓት ይሃቦም ጠሉ ድማ የውርደሎም እናበልኩ ናይ ሓዘኖም ተኻፋላይ ምዃነይ ክገልጽ እፈቱ።
ኣብ ኣዲስ ኣበባ እትርከቡ ኣሕዋት ከኣ፡ ንበዓልቲ ቤቱ ሰላምን ንወዱ በራኽን ድማ ጽንዓት ይሃብኩም በሉለይ።
መንግስተኣብ ኣስመሮም
ካብ ተጋድሎ ሓርነት ሰውራዊ ባይቶ፣ ክሳብ ሰልፊ ዲሞክራሲ ህዝቢ ኤርትራ ነባር ኣባል ዝነበረ ኣቶ ብርሃነ እምባየ፡ ብዝሓደሮ ሃንደበታዊ ሕማም ንዝተወሰነ ግዜ ኣብ ሆስፒታልን ገዝኡን ክእለ ምስ ጸንሐ፡ ብ21 ሕዳር 2019፡ ኣብ ኣዲስ ኣበባ ዓሪፉ። ንጽባሒቱ 22 ሕዳር 2019 ድማ ኣብ ኣዲስ ኣበባ መካነ መቓብር ሰኣሊተ-ምህረት ሓመድ ኣዳም ለቢሱ።
ብርሃነ ብ1955 ኣብ ካብ ኣብኡ ኣቶ እምባየ በራኽን ኣዲኡ ወይዘሮ ኪዳኑ ሞገስን ኣብ ከተማ ኣስመራ ተወሊዱ። ሓጺር ታሪኽ ህይወቱ ከም ዝሕብሮ ከኣ፡ ካብ 1ይ ክሳብ 8ይ ክፍሊ ትምህርቱ ኣብ ጐዳፍ፡ 2ይ ደረጃ ትምህርቱ ድማ ኣብ ናይ ሽዑ ቀዳማዊ ሃይለስላሴ ናይ ሎሚ ባርካ ካለኣይ ደረጃ ቤት ትምህርቲ ተኸታቲሉ።
ብርሃነ ትምህርቱ ምስ ወደኣ ኣብ ቤት ጽሕፈት ኣታውታት ውሽጢ ሃገርን ዝተፈላለዩ መንግስታዊ ትካላትን ተመዲቡ ኣብ ዝተፈላለዩ ከባብታት ኢትዮጵያ ኣገልጊሉ። ኣብ መወዳእታ ከኣ ክሳብ ዕለተ ሞቱ ድማ መነባብሮኡ ንምምሕያሽ ኣብ ዝተፈላለዩ ብሕታዊ ስረሓት ተዋፊሩ ጸኒሑ።
ኣቶ ብርሃነ እምባየ ካብቲ ቅድም ኣንጻር ወጽዓ ጨቋኒ ስርዓት ህግዲፍ ምቅዋም ዳርጋ ነውሪ ዝነበረሉ ግዜ ጀሚሩ ካብ ተጋድሎ ሓርነት ኤርትራ ሰውራዊ ባይቶ ክሳብ ሰልፊ ዲሞክራሲ ኣብ ዝነበረ መስርሕ ቃልሲ ብድፍረት፡ ብጽንዓትን ብግሉጽነትን ንሰላም፡ ንልምዓት፡ ንፍትሕን ልዕልና ሕግን ተቓሊሱ ህዝባዊ ወገናውነቱ ዘመስከረ ውፉይ ነይሩ። ብርሃነ ሓቂ ኮይኑ ዝተራእዮ ብግልጺ ምዝራብ፡ ብጸቢብ ስምዒታት ዘይምንብርካኽን ልግስ ሕያውነትን ቀንዲ መለለዩ ኮይኖም ጸኒሖም። ኣቶ ብርሃነ እምባየ ኣቦ ክልተ ደቂ ተባዕትዮ በዓል ሓዳር ነይሩ።
በዚ ኣጋጣሚ ሰልፊ ዲሞክራሲ ህዝቢ ኤርትራ ዝተሰመዖ መሪር ሓዘን እንዳገለጸን ናይቲ መሪር ሓዘን ተኻፋላይ ምዃኑ እንዳሓበረን፡ ንመዋቲ መንግስተሰማይ፡ ንቤተሰቡ ከኣ ጽንዓት ኣኻእሎን ይምነ።
ክንዲ: መላእ ኣባላት ሰልፊ ዲሞክራሲ ህዝቢ ኤርትራ
ተስፋይ ወልደሚካኤል ደጊጋ
ኣቦ መንበር
24 ሕዳር 2019
